完整藏文原文 · 德格版页 当前仅加载第 39 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འབྱུང་བར་འགྱུར་རོ། །བཀོད་པ་མཐའ་ཡས་ཚད་མེད་ཅིང་དཔག་ཏུ་མེད་པ་ཞེས་བྱ་བ་འདི་གང་གི་ཚིག་{བླ་དགས་,བླ་དྭགས་}ཡིན་ཞེ་ན། བཀོད་པ་མཐའ་ཡས་ཚད་མེད་ཅིང་དཔག་ཏུ་མེད་ཅེས་བྱ་བ་ནི་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་
D46.039.0088a01.01ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་ཀྱི་ཆོས་ཐམས་ཅད་ཚད་མེད་པའི་ཕྱིར་རོ། །འདོད་པ་དང་། གཟུགས་དང་། གཟུགས་མེད་པའི་ཁམས་ཀྱི་སེམས་ཅན་གྱི་ཁམས་ཚད་མེད་པ་ཡིན་ཡང་སེམས་ཅན་ཡོད་པ་མ་ཡིན་པས་སེམས་ཅན་
D46.039.0088a02.01ཅུང་ཟད་ཀྱང་མི་དམིགས་ཏེ་གདགས་སུ་མེད་དོ། །དེ་བཞིན་དུ་ཁམས་ཡོད་པ་མ་ཡིན་པས་ཁམས་མི་དམིགས་ཏེ་གདགས་སུ་མེད་དོ། །དེའི་ཕྱིར་ཆོས་འདི་དག་ཐམས་ཅད་ནི་མྱ་ངན་ལས་འདས་པའི་ཁམས་སུ་ཡང་དག་པར་འདུ་བ་ཡིན་ནོ། །ཆུའི་ཁམས་ནི་མྱ་ངན་ལས་འདས་པའི་ཁམས་
D46.039.0088a03.01ཀྱི་ཚུལ་ཅན་ཡིན་ལ་ཆོས་ཐམས་ཅད་ཀྱང་མྱ་ངན་ལས་འདས་པའི་ཚུལ་ཅན་ཏེ། དེའི་ཕྱིར་ཆོས་ཐམས་ཅད་ནི་བརྗོད་དུ་མེད་པའི་རྣམ་པ་ཡིན་ནོ། །མྱ་ངན་ལས་འདས་པའི་ཁམས་ལ་ནི་སྒྲིབ་པ་ཅུང་ཟད་ཀྱང་མེད་དོ། །མྱ་ངན་ལས་འདས་པའི་ཁམས་ནི་སྒྲིབ་པ་རྣམ་པར་དག་པའི་ཕྱིར་མ་
D46.039.0088a04.01བསྒྲིབས་པ་ཡིན་ནོ། །མྱ་ངན་ལས་འདས་པའི་ཁམས་ནི་དག་ཅིང་རྣམ་པར་དག་པ་ཡིན་ཏེ། འདི་ལྟར་ཆུའི་ཁམས་དེ་ནི་ཁམས་དང་བྲལ་བ་ཡིན་ནོ། །ཁམས་ཡོད་པ་མ་ཡིན་པས་ཁམས་དེ་ཁམས་ལས་ཡང་དག་པར་འདས་པར་བསྟན་པས་བརྗོད་པ་ཡིན་ནོ། །བརྗོད་པ་གང་ཡིན་
D46.039.0088a05.01པ་དེ་ནི་ཁམས་ཀྱང་མ་ཡིན། ཁམས་མ་ཡིན་པས་ཀུན་ནས་བསླང་བ་ཡང་མ་ཡིན་ཏེ། བརྗོད་པ་ལ་ནི་ཁམས་ཡོད་པ་མ་ཡིན་ནོ། །ཆོས་ཐམས་ཅད་ནི་ཐ་སྙད་ཀྱི་སྒོ་ནས་བརྗོད་པས་དེའི་ཕྱིར་འདི་བརྗོད་དུ་མེད་པ་ཡིན་ཏེ་འདི་ལྟར་འདི་དག་ལ་ནི་རྗོད་པར་བྱེད་པ་ཡང་མི་དམིགས་ཤིང་
D46.039.0088a06.01མི་མངོན་ནོ། །བརྗོད་པ་ཐམས་ཅད་ནི་བརྗོད་པ་མེད་པ་ཡིན་ཏེ། འདི་ལྟར་བརྗོད་པ་ཐམས་ཅད་ནི་ནམ་མཁའི་ངོ་བོ་ཉིད་ཡིན་ཞིང་ནམ་མཁར་ཡང་དག་པར་འདུ་བ་ཡིན་ནོ། །སའི་ཁམས་ཀྱང་བརྗོད་དུ་མེད་ཅིང་བརྗོད་པར་ནུས་པ་མ་ཡིན་ལ། ཆུའི་ཁམས་ཀྱང་མ་ཡིན། མེའི་
D46.039.0088a07.01