完整藏文原文 · 德格版页 当前仅加载第 39 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དཔག་ཏུ་མེད་པ་དག་ཆོས་ཀྱི་སྒོ་རྣམ་པར་སྦྱང་བ་དང་། མྱ་ངན་ལས་འདས་པའི་སྒོ་ཡོངས་སུ་དག་པར་བྱ་བའི་ཕྱིར་ཐམས་ཅད་མཁྱེན་པའི་ཡེ་ཤེས་ཀྱི་སྒོ་ཉེ་བར་ལེན་དུ་ཡང་འཛུད། ཆོས་ཀྱི་ཚུལ་རྒྱུ་དུ་མ་དང་ལྡན་པ་ལ་མཁས་པ་ཡང་སྟོན། ཕུང་པོ་ཤེས་པ་
D46.039.0069a01.01ཀུན་འཛིན་པ་ལ་མཁས་པ་ཡང་ལེན་དུ་འཛུད། ཕུང་པོ་རྣམ་པར་དག་པ་ཤེས་པ་ཀུན་འཛིན་པ་ལ་མཁས་པ་ཡང་རྗོད། ཁམས་དང་། སྐྱེ་མཆེད་དང་། རྟེན་ཅིང་འབྲེལ་བར་འབྱུང་བ་ཤེས་པ་ཡང་སྟོན། སེམས་ཅན་རྣམས་ཀྱང་འཕགས་པའི་བདེན་པ་མངོན་པར་སྒྲུབ་
D46.039.0069a02.01པའི་སྒོ་ལ་འཛུད་པར་ཡང་བྱེད། འཕགས་པའི་བདེན་པ་རྣམ་པར་དག་པ་ཀུན་འཛིན་པ་ལ་མཁས་པ་ཡང་སྐྱེད། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་ཚུལ་ལ་མཁས་པ་ཀུན་འཛིན་པ་དང་། རྣམ་པར་དབྱེ་བ་ཡང་སྐྱེད། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཤེས་པ་རྣམ་པར་
D46.039.0069a03.01དག་པ་ཡང་ཡང་དག་པར་སྟོན། ཞི་གནས་དང་ལྷག་མཐོང་ཤེས་པ་ཀུན་འཛིན་པ་ལ་མཁས་པ་ཡང་རྗོད། ཞི་གནས་དང་ལྷག་མཐོང་ཤེས་པ་རྣམ་པར་དག་པ་ཡང་ཀུན་ཏུ་སྟོན། ཏིང་ངེ་འཛིན་དང་སྙོམས་པར་འཇུག་པ་ཤེས་པ་ལ་མཁས་པ་ཀུན་འཛིན་པ་ཡང་སྐྱེད། བསམ་གཏན་དང་།
D46.039.0069a04.01ཏིང་ངེ་འཛིན་དང་། སྙོམས་པར་འཇུག་པ་རྣམ་པར་དག་པ་ཀུན་འཛིན་པ་ལ་མཁས་པ་ཡང་རྗོད། རྨོངས་པ་དང་བྲལ་ཞིང་རྨོངས་པ་མེད་པ་ཀུན་འཛིན་པ་ལ་མཁས་པ་ཡང་སྟོན། རྨོངས་པ་དང་བྲལ་ཞིང་རྨོངས་པ་མེད་པ་ཤེས་པ་རྣམ་པར་དག་པ་ཀུན་འཛིན་པ་ལ་མཁས་པ་ཡང་སྟོན། ཟད་པ་
D46.039.0069a05.01དང་འདོད་ཆགས་དང་བྲལ་བ་དང་། མི་སྐྱེ་བ་ཤེས་པ་ཀུན་འཛིན་པ་ལ་མཁས་པ་ཡང་སྟོན། ཟད་པ་དང་། འདོད་ཆགས་དང་བྲལ་བ་དང་། མི་སྐྱེ་བ་ཤེས་པ་རྣམ་པར་དག་པ་ཡང་སྟོན། རིག་པ་དང་། རྣམ་པར་གྲོལ་བ་ཤེས་པ་ཀུན་འཛིན་པ་ལ་མཁས་པ་ཡང་སྟོན། རིག་པ་
D46.039.0069a06.01དང་། རྣམ་པར་གྲོལ་བ་ཤེས་པ་རྣམ་པར་དག་པ་ཀུན་འཛིན་པ་ལ་མཁས་པ་ཡང་སྟོན། མྱ་ངན་ལས་འདས་པའི་སྒོ་རྣམ་པར་དག་པ་ཡང་རྗོད། རྣམ་པར་དག་པའི་ཚིག་ཐམས་ཅད་དང་བྲལ་བ་ཀུན་འཛིན་པ་ལ་མཁས་པ་ཡང་རྗོད། རྣམ་གྲངས་དུ་མས་འདུས་བྱས་དང་། འདུས་མ་
D46.039.0069a07.01