完整藏文原文 · 德格版页 当前仅加载第 39 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་ལ་ཆོས་ཀྱི་སྣང་བ་ཡང་གསལ་བར་བྱེད་དེ། ཆོས་ཀྱི་སྣང་བ་དེས་ཀྱང་སེམས་ཅན་རྣམས་ལ་ཆོས་ཀྱི་སྣང་བ་བྱེད་པར་འགྱུར་རོ། །བཀོད་པ་མཐའ་ཡས་ཆོས་ཀྱི་རྣམ་གྲངས་འདི་དག་བྱང་ཆུབ་སེམས་དཔའ་རྣམས་ལ་ཕན་འདོགས་པར་གྱུར་པ་དང་། གཅེས་སྤྲས་
D46.039.0085b01.01བྱེད་པ་ཡིན་ཏེ། སངས་རྒྱས་ཀྱི་སྟོབས་དང་། མི་འཇིགས་པ་ཐོབ་པར་བྱེད་པར་འགྱུར་ཡང་ཆོས་འགའ་ཡང་ཉམས་པ་དང་། ཉེ་བར་ཉམས་པར་ཡང་མི་འགྱུར་བ་ལ་ཡང་ལྟོས། བཀོད་པ་མཐའ་ཡས་དོན་རྟོགས་པར་བྱ་བའི་ཕྱིར་ཆོས་ཐམས་ཅད་ནམ་མཁའ་དང་འདྲ་བར་ཡང་སྟོན། ཆོས་
D46.039.0085b02.01ཐམས་ཅད་བླ་གབ་མེད་པ་དང་འདྲ་བར་ཡང་སྟོན། ལས་དང་བྱ་བ་དང་རྒྱུ་ཡང་བླ་གབ་མེད་པ་དང་འདྲ་བར་སྟོན་ཅིང་ཆོས་འདི་དག་རྗོད་མོད་ཀྱི་འདི་ལ་དོན་ནི་འགའ་ཡང་མི་དམིགས་སོ། །བཀོད་པ་མཐའ་ཡས་ཆོས་འདུལ་བ་ཟབ་མོ་འདི་ནི་འཇིག་རྟེན་ཐམས་ཅད་དང་མི་འཐུན་པ་ཡིན་ཏེ། འདི་ལྟར་འཇིག་རྟེན་ནི་
D46.039.0085b03.01འཇིག་པ་དང་། རྣམ་པར་འཇིག་པའི་ཆོས་ཕྱིན་ཅི་ལོག་ལ་ཡང་དག་པར་ཞུགས་པའི་ཆོས་ཅན་ཡིན་པས་དེའི་ཕྱིར་ཆོས་འདུལ་བ་འདི་ནི་འཇིག་རྟེན་ཐམས་ཅད་དང་མི་འཐུན་པ་ཡིན་ནོ། །འཇིག་རྟེན་གྱིས་ནི་འཇིག་རྟེན་གྱི་ཆོས་ཤེས་པ་ཡང་མེད་དེ་འདི་ལྟར་འཇིག་རྟེན་གྱི་ཆོས་ཐམས་ཅད་ནི་ཆོས་
D46.039.0085b04.01མ་ཡིན་པ་ངེས་པར་འབྱུང་བ་མེད་པའི་ཆོས་ཡིན་ནོ། །འཇིག་རྟེན་གནས་པ་ཐམས་ཅད་ནི་ཐ་ན་ཆོས་སུ་འདུ་ཤེས་པ་ལ་མངོན་པར་ཞེན་ན་ཡང་ཆོས་གང་ལ་ཡང་མངོན་པར་ཞེན་པ་མེད། ཀུན་ཏུ་ཞེན་པ་མེད་པ་ཡིན་ན་དེ་དག་ནི་ཆོས་ཐམས་ཅད་ལ་ཆོས་སུ་མངོན་པར་ཞེན་པའི་འདུ་ཤེས་
D46.039.0085b05.01བླངས་ནས་དེ་བཞིན་གཤེགས་པ་དང་། དེ་བཞིན་གཤེགས་པས་ཐུགས་སུ་ཆུད་པའི་ཆོས་འདུལ་བ་དང་ལྷན་ཅིག་རྩོད་པར་བྱེད་ཅིང་རྩོད་པར་འགྱུར་ཏེ། ཆོས་ཐམས་ཅད་ཀྱི་ངོ་བོ་ཉིད་ཀྱི་རང་བཞིན་མ་སྐྱེས་པ་ནི་མི་ཤེས་སོ། །དེ་དག་རབ་ཏུ་མི་ཤེས་ཤིང་མི་རིག་པ་དེའི་ཕྱིར་ཆོས་
D46.039.0085b06.01འདུལ་བ་ཟབ་མོ་མཁས་པ་ཞིབ་མོས་རབ་ཏུ་ཤེས་པ་འདི་འཇིག་རྟེན་ཐམས་ཅད་དང་མི་འཐུན་པར་གྱུར་པ་ཡིན་ནོ། །བཀོད་པ་མཐའ་ཡས་དེ་བཞིན་གཤེགས་པ་ནི་ཆོས་འདུལ་བ་ཟབ་མོ་ལྷ་དང་བཅས་པའི་འཇིག་རྟེན་ཐམས་ཅད་དང་མི་འཐུན་པར་གྱུར་པ་འདི་ཡང་དག་པར་གསུང་ཡང་
D46.039.0085b07.01