完整藏文原文 · 德格版页 当前仅加载第 39 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་འདི་ཁོར་ཡུག་ཏུ་བསྐོར་ནས་འདུག་གོ །དེ་བཞིན་དུ་བྱང་ཆུབ་སེམས་དཔས་ཀྱང་སེམས་ཅན་ཐམས་ཅད་ལ་སྒྲིབ་པ་མེད་པའི་ཆོས་ཉེ་བར་བསྒྲུབ་པར་བྱ་ཞིང་སེམས་ཅན་རྣམས་ཆོས་ཐམས་ཅད་ཟག་པ་མེད་པ་ལ་གཟུད་པར་ཡང་བྱའོ། །བྱང་ཆུབ་
D46.039.0082a01.01སེམས་དཔའ་གང་ཞིག་ཆོས་བསྟན་པ་འདི་ལ་ཤེས་རབ་ཀྱི་སྟོབས་རྡོ་རྗེ་ལྟ་བུ་ཐབས་ལ་མཁས་པས་ཡོངས་སུ་ཟིན་པས་སློབ་པ་ནི་ཆོས་ཟབ་མོས་ངེས་པར་འབྱུང་ཞིང་མི་དམིགས་པར་གནས་ལ། བདུད་རྩིས་དབང་བསྐུར་བར་ཡང་འགྱུར་རོ། །ཇི་ལྟར་བདུད་རྩིས་དབང་བསྐུར་བར་
D46.039.0082a02.01འགྱུར་ཞེ་ན། ཉོན་མོངས་པའི་བདུད་ཀྱིས་ཡོངས་སུ་གཏུགས་པར་མི་འགྱུར་ཞིང་། ཕུང་པོའི་བདུད་དང་། ལྷའི་བུའི་བདུད་དང་། འཆི་བདག་གི་བདུད་ཀྱི་དབང་དུ་ཡང་ཉེ་བར་མི་གནས་ལ་འཆི་འཕོའི་འདུ་ཤེས་ཀྱང་མི་འཇུག་གོ །དེ་ཅིའི་ཕྱིར་ཞེ་ན། སྐྱེས་བུ་དམ་པ་དེ་དག་
D46.039.0082a03.01ནི་སྟོང་པ་ཉིད་ཀྱིས་གནས་ཤིང་མཚན་མ་མེད་པ་ལེགས་པར་ཡིད་ལ་བྱེད་པས་གང་དུ་ཡང་སྨོན་པར་མི་བྱེད་དོ། །དེ་ལྟར་ན་ཆོས་འགའ་ཡང་སྐྱེ་བ་ཡང་མེད། འཆི་འཕོ་བ་ཡང་མེད། འོང་བ་ཡང་མེད། འགྲོ་བ་ཡང་མེད། གནས་པ་ཡང་མེད། ཀུན་ནས་ཉོན་མོངས་པར་ཡང་
D46.039.0082a04.01མི་འགྱུར། རྣམ་པར་བྱང་བར་ཡང་མི་འགྱུར། སྟོབས་དང་ལྡན་པར་ཡང་མི་འགྱུར། ཉམས་པར་ཡང་མི་འགྱུར་ཏེ། ཆོས་ཐམས་ཅད་ནི་མི་དམིགས་པ་ཡིན་པས་ཆོས་ཅུང་ཟད་ཀྱང་རློམ་པར་མི་བྱེད་ཅིང་། རྒྱགས་པ་དང་། ང་རྒྱལ་དང་། སྙེམས་པ་སྤངས་ནས། དམན་
D46.039.0082a05.01པའི་སེམས་ཀྱིས་ནང་ཡང་དག་པར་ཤེས་པར་བྱ་བ་ལ་རྨོངས་པ་མེད་ཅིང་ཕྱི་ཡང་དག་པར་ཤེས་པར་བྱ་བ་ལ་ལེགས་པར་ཡོངས་སུ་ཤེས་པ་ཡིན་ནོ། །དེ་དག་ནི་མཐོང་བ་དང་། ཐོས་པ་དང་། བྱེ་བྲག་ཕྱེད་པ་དང་། རྣམ་པར་ཤེས་པའི་ཆོས་རྣམས་ཀྱིས་འཕྲོགས་པར་མི་
D46.039.0082a06.01འགྱུར་ཏེ། སྐྱེས་བུ་དམ་པ་དེ་དག་དེ་བཞིན་གཤེགས་པ་རྣམས་ཀྱིས་ཆོས་ཐམས་ཅད་ནི་ནམ་མཁའ་དང་འདྲ་བའོ་ཞེས་གསུངས་པའི་དེ་བཞིན་ཉིད་ཕྱིན་ཅི་མ་ལོག་པ་དེ་བཞིན་ཉིད་གཞན་མ་ཡིན་པ་དེ་བཞིན་ཉིད་ལ་གནས་པ་ཡིན་ནོ། །འདི་ནི་བྱང་ཆུབ་སེམས་དཔའ་རྣམས་ཀྱི་
D46.039.0082a07.01