完整藏文原文 · 德格版页 当前仅加载第 39 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འགྱུར་རོ། །བཀོད་པ་མཐའ་ཡས་ཕྱི་མའི་དུས་ན་བྱང་ཆུབ་སེམས་དཔའ་གང་དག་ཆོས་ཟབ་མོའི་ཚུལ་བསྟན་ན་དོན་དུ་གཉེར་ཞིང་དེ་བཞིན་གཤེགས་པའི་ཆོས་ཀྱི་མཛོད་རྣམ་པར་དབྱེ་བར་འདོད་ཅིང་མོས་ལ། ལྷག་པའི་བསམ་པ་ཕུན་སུམ་ཚོགས་པ། བསམ་པ་དགེ་བ། སེམས་
D46.039.0064b01.01བཟང་བ་དེ་དག་མ་གཏོགས་པར་གཞན་འགའ་ཡང་ཆོས་འདི་དག་ལེན་པར་འགྱུར་བ་མེད་དེ། ཆོས་ཀྱི་ཚུལ་འདི་ལ་བརྩོན་ཞིང་སློབ་པར་འཇུག་པ་དེ་དག་ནི་རྣམ་གྲངས་བསྟན་པ་ཡང་རྗེས་སུ་རྟོགས་པར་འགྱུར། ཆོས་རྣམས་ཀྱི་ངོ་བོ་ཉིད་ཀྱི་རང་བཞིན་ཡང་རྗེས་སུ་རྟོགས་པར་འགྱུར་རོ། །
D46.039.0064b02.01བཀོད་པ་མཐའ་ཡས་དེ་བཞིན་གཤེགས་པ་ནི་རྣམ་གྲངས་ཀྱིས་ཆོས་སྟོན་པར་ཡང་མཛད་ལ་དེ་བཞིན་གཤེགས་པ་ཆོས་ཀྱི་རང་བཞིན་དང་འགལ་བར་ཡང་མི་མཛད་ཅིང་། ཆོས་ཀྱི་རང་བཞིན་དང་མི་འགལ་བར་རྗོད་པ་ཡང་མཛད་དོ། །ཆོས་ཐམས་ཅད་བྱས་པ་མེད་པར་ཡང་རྗོད་ལ། ཆོས་
D46.039.0064b03.01རྣམས་ལ་བརྗོད་པའམ། རྗོད་པར་བྱེད་པ་ཡང་མི་སྟོན་ཏོ། །བཀོད་པ་མཐའ་ཡས་དེ་བཞིན་གཤེགས་པ་ནི་སྟོན་པ་ལ་མཁས་པའི་ཕ་རོལ་ཏུ་ཕྱིན་པ་ཡང་རྟོགས་ལ་དེ་བཞིན་གཤེགས་པས་ཆོས་འགའ་ཡང་རྟོགས་པ་ཡང་མེད། རྗེས་སུ་རྟོགས་པ་ཡང་མེད། ཡང་དག་པར་རྟོགས་པ་
D46.039.0064b04.01ཡང་མེད་དོ། །དེ་བཞིན་གཤེགས་པ་ནི་ཆོས་འགའ་ཡང་དོར་བར་བྱ་བའི་ཕྱིར་ཆོས་སྟོན་པར་མི་མཛད་དེ། ཆོས་གང་ཡང་སོ་སོར་སྤང་བར་བྱ་བའི་ཕྱིར་ཡང་མ་ཡིན། བསྐྱེད་པར་བྱ་བའི་ཕྱིར་ཡང་མ་ཡིན། ཐོབ་པར་བྱ་བའི་ཕྱིར་ཡང་མ་ཡིན། མི་ཐོབ་པར་བྱ་བའི་ཕྱིར་ཡང་མ་ཡིན་
D46.039.0064b05.01ནོ། །དེ་བཞིན་གཤེགས་པ་ནི་མི་དམིགས་པ་ལ་གནས་པ་ཡིན་ཡང་། དེ་བཞིན་གཤེགས་པ་གནས་པ་ཡང་མ་ཡིན། མི་གནས་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། །དེ་བཞིན་གཤེགས་པ་ནི། གང་གིས་ཀྱང་རྣམ་པར་གཞག་པར་བྱ་བ་མ་ཡིན་ནོ། །དེ་བཞིན་གཤེགས་པས་དེ་བཞིན་
D46.039.0064b06.01གཤེགས་པ་དེ་འདི་ལྟར་གནས་སོ། །དེ་ལྟར་གནས་སོ་ཞེས་མིང་དུ་བརྗོད་པ་གང་ཡིན་པ་དེ་ཡང་གཅིག་པ་ཉིད་ཀྱང་མ་ཡིན། ཐ་དད་པ་ཉིད་ཀྱང་མ་ཡིན་ཏེ། དེ་བཞིན་གཤེགས་པ་ནི་འགྲོ་བ་དང་འོང་བར་གདགས་པར་བྱ་བ་མ་ཡིན་ནོ། །དེ་བཞིན་གཤེགས་
D46.039.0064b07.01