完整藏文原文 · 德格版页 当前仅加载第 39 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བསྟན་པ་འདི་ནི་བྱང་ཆུབ་སེམས་དཔའ་རྣམས་ཀྱི་ཕྱི་དང་ནང་གི་ཆོས་དག་གིས་ཆོས་ཐམས་ཅད་ཉེ་བར་བརྟག་པར་བྱ་བ་ཡིན་ནོ། །དེ་ལྟར་བཤད་ན་བྱང་ཆུབ་སེམས་དཔའ་དེ་ནང་གི་གཞི་ཐམས་ཅད་ཀྱང་རབ་ཏུ་སྤོང་ལ་ཕྱི་རོལ་གྱི་ཡང་ལེན་པར་མི་བྱེད་དོ། །དེ་འདི་
D46.039.0063a01.01ལྟར་རྣམ་པར་རྟོག་པར་ཡང་བྱེད་དེ། ཀྱེ་མ་འཇིག་རྟེན་གནས་པ་འདི་ནི། འཁོར་བའི་འཁོར་ལོ་ཐོག་མ་དང་ཐ་མ་མེད་པར་ཞུགས་པ། མ་རིག་པས་ཟིན་པའི་རྗེས་སུ་སོང་བ། མ་རིག་པའི་སྒོ་ངའི་སྦུབས་སུ་ཆུད་ཅིང་འཁྱམ་རབ་ཏུ་འཁྱམ། ཀུན་ཏུ་རབ་ཏུ་འཁྱམ་པའོ། །འཁོར་
D46.039.0063a02.01བའི་འཁོར་ལོ་དེ་ཉིད་ཏུ་ཀུན་ཏུ་འགྱུར། རབ་ཏུ་འགྱུར་ཡང་འདི་ལ་འཁོར་བར་དམིགས་པ་ཡང་མེད། མངོན་པ་ཡང་མེད་དེ། འཁོར་བའི་འཁོར་ལོ་ཡོངས་སུ་འགྱུར་བའི་རྗེས་སུ་འགྲོ་བ་ཡང་དག་པ་ཡང་ཡོད་པ་མ་ཡིན་ནོ། །འཇིག་རྟེན་གནས་པ་དེ་ལྟ་བུ་ཡིན་ཡང་འདི་ལ་འཇིག་རྟེན་
D46.039.0063a03.01དུ་དམིགས་པ་ཡང་མེད། འཇིག་རྟེན་དུ་མངོན་པ་ཡང་མེད་དོ། །སེམས་ཅན་འདི་རྣམས་ནི་ཆོས་འདི་ལྟ་བུ་དག་རབ་ཏུ་མི་ཤེས་པས་འདི་ཉིད་དུ་རྒྱུ། །ཀུན་ཏུ་རྒྱུ། རྒྱུག །ཡོངས་སུ་རྒྱུག །རྗེས་སུ་རྒྱུག་གོ །ཀྱེ་མ་སེམས་ཅན་འདི་དག་ནི་དེ་ཉིད་མི་ཤེས་ཤིང་། ཡང་དག་པ་
D46.039.0063a04.01མ་ཡིན་པས་ཕྱིན་ཅི་ལོག་ཏུ་གྱུར་པ་སེམས་ཅན་མེད་པར་སེམས་ཅན་དུ་འདུ་ཤེས་པ་ལ་ཆགས་པ་སྟེ། སེམས་ཅན་དུ་འདུ་ཤེས་པའི་འཆིང་བས་བཅིངས་པ་ཡིན་ནོ། །ཀྱེ་མ་སེམས་ཅན་འདི་དག་ནི་ཆོས་རྣམས་རབ་ཏུ་མི་ཤེས་པས་འཇིག་པ་དང་། རྣམ་པར་འཇིག་པ་དང་། རབ་ཏུ་འཇིག་
D46.039.0063a05.01པའི་རྗེས་སུ་སོང་བ་སྟེ། ཡང་དག་པ་མ་ཡིན་པའི་ཕྱིར་རྒོལ་བ་དང་། གཡུལ་འགྱེད་པ། མུན་པའི་རྗེས་སུ་སོང་བ་ཡིན་ཡང་གང་དུ་ཡང་སོང་བ་མེད། གང་ནས་ཀྱང་འོང་བ་མེད་དོ། །ཀྱེ་མ་སེམས་ཅན་འདི་དག་ནི་ཀུན་ཏུ་ཆགས་པ་ལ་ཞེན་པ། ཀུན་ཏུ་ཆགས་པའི་འཆིང་བས་
D46.039.0063a06.01བཅིངས་པ་སྟེ། ཐར་པ་རབ་ཏུ་མི་ཤེས་པ་ཡིན་པས་བདག་གིས་སེམས་ཅན་རྣམས་ལ་ཕན་གདགས་པ་དང་། རྗེས་སུ་གཟུང་བའི་ཕྱིར་ཆོས་ཀྱི་ཚུལ་འདི་བསྟན་པར་བྱ་གོར་མ་ཆག་སྙམ་མོ། །བཀོད་པ་མཐའ་ཡས་བྱང་ཆུབ་སེམས་དཔའ་ཆོས་རྣམས་དེ་ལྟར་རབ་ཏུ་རྣམ་པར་
D46.039.0063a07.01