完整藏文原文 · 德格版页 当前仅加载第 39 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ལུང་བསྟན་པ་ཡང་ཐོབ་པར་འགྱུར་རོ། །བཀོད་པ་མཐའ་ཡས་ཆོས་ཟབ་མོའི་འདུལ་བ་འདི་ལ་མོས་པར་གྱིས་ཤིག །བཀོད་པ་མཐའ་ཡས་འདི་ནི་ལྟ་བ་མི་དམིགས་པ་རྣམས་ཀྱིས་ཡིན་པས་དམིགས་སུ་མེད་པའི་སའོ། །འདི་ནི་མི་དམིགས་པའི་བཟོད་པ་དང་ལྡན་པ་རྣམས་
D46.039.0074b01.01ཀྱིས་ཡིན་ནོ། །འདི་ནི་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། ཡུན་རིང་པོ་ནས་སེམས་རབ་ཏུ་སྦྱངས་པ། ལུས་ལེགས་པར་བསྡམས་པ། ངག་ལེགས་པར་བསྲུངས་པ། ཡིད་ལེགས་པར་དུལ་བ། རྣམ་པར་ཤེས་པ་མཉམ་པ་ཉིད་དུ་རྗེས་སུ་དྲན་པ། སེམས་མི་
D46.039.0074b02.01དམིགས་པ་ལ་གནས་པ་རྣམས་ཀྱི་ཡུལ་ཡིན་ཏེ། དེ་དག་ནི་ཆོས་འདི་ལྟ་བུ་བླང་བའི་ཕྱིར་ལུས་དང་སྲོག་ཀྱང་ཡོངས་སུ་བཏང་ནས་མདོ་འདི་ལ་འཇུག་པར་འགྱུར་རོ། །དེ་ལ་ཕྱི་མའི་དུས་ན་སེམས་ཅན་གང་དག་ཐ་ན་ཆོས་འདི་ལྟ་བུ་མཉན་པའི་ཕྱིར་བརྩོན་པར་འགྱུར་བ་དེ་དག་ཀྱང་དཀོན་
D46.039.0074b03.01ན། ཡི་གེར་འདྲི་བ་དང་། ཀློག་པ་དང་། འཆང་པ་དང་། ཁ་ཏོན་བྱེད་པ་དང་། གཞན་དག་ལ་རྒྱས་པར་སྟོན་པར་འགྱུར་བ་ལྟ་སྨོས་ཀྱང་ཅི་དགོས། གང་དག་ཆོས་ཀྱི་རྣམ་གྲངས་འདི་འཕེལ་བར་བྱེད་ཅིང་གཞན་ལ་སྟོན་པ་དེ་དག་ནི་རིང་པོ་མི་ཐོགས་པར་གཟུངས་ཀྱི་
D46.039.0074b04.01སྒོའི་ཆོས་འདི་རྣམ་པར་སྦྱོང་བར་འགྱུར་ཞིང་མྱུར་དུ་རྣམ་པར་དག་པའི་ཡེ་ཤེས་ཐོབ་ནས་ཐམས་ཅད་མཁྱེན་པའི་ཡེ་ཤེས་ཀྱི་ལམ་གྱི་རྗེས་སུ་འབྲང་བར་འགྱུར་རོ། །བཀོད་པ་མཐའ་ཡས་དེ་བཞིན་གཤེགས་པ་ནི་སེམས་ཅན་རྣམས་ཀྱིས་ཐམས་ཅད་མཁྱེན་པའི་ཡེ་ཤེས་ཐོབ་པར་བྱ་
D46.039.0074b05.01བའི་ཕྱིར་ཆོས་ཀྱི་གཏེར་འདི་ཡང་དག་པར་རབ་ཏུ་སྟོན་ཏོ། །འདི་ལས་གང་མི་སྟོན་པ་དེ་ཅུང་ཟད་ཀྱང་མེད་དེ། ཉོན་མོངས་པ་མེད་པར་བྱ་བའི་ཕྱིར་ཆོས་སྟོན་ཅིང་རྣམ་པར་དག་པ་སྐྱེད་པར་ཡང་མཛད། ཆོས་ཀྱི་སྒོ་ཡོངས་སུ་དག་པ་རབ་ཏུ་སྟོན་པར་ཡང་མཛད་དོ། །ཆོས་
D46.039.0074b06.01ཐམས་ཅད་ནི་ནམ་མཁའ་ལྟ་བུའོ་ཞེས་བྱ་བ་ཇི་ལྟར་ཆོས་ཐམས་ཅད་ནམ་མཁའ་ལྟ་བུ་ཡིན་ཞེ་ན། ནམ་མཁའ་དང་མཉམ་པ་སྟེ། ནམ་མཁའ་ཡང་གང་དང་ཡང་མཉམ་པ་ཡང་མ་ཡིན། མི་མཉམ་པ་ཡང་མ་ཡིན་ནོ། །ཇི་ལྟར་ནམ་མཁའ་མཉམ་པ་ཡང་མ་
D46.039.0074b07.01