完整藏文原文 · 德格版页 当前仅加载第 39 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་བར་དུ་ཡན་ལག་བརྒྱད་དང་ལྡན་པའི་ལམ་རྣམས་བསྟན་པ་འདི་ནི་སྡུག་བསྔལ་འགོག་པར་འགྱུར་བའི་ལམ་འཕགས་པའི་བདེན་པ་རྟོགས་པར་བྱ་བའི་ཕྱིར་དེ་བཞིན་གཤེགས་པས་འཕགས་པའི་བདེན་པ་བཞི་པའི་རྣམ་གྲངས་སུ་བསྟན་ཏེ་འདི་ནི་
D46.039.0052a01.01སངས་རྒྱས་བཅོམ་ལྡན་འདས་རྣམས་ཀྱི་སྡུག་བསྔལ་ཡོངས་སུ་ཤེས་པར་བྱ་བ་དང་། ཀུན་འབྱུང་བ་སྤང་བ་དང་། འགོག་པ་མངོན་སུམ་དུ་བྱ་བ་དང་། ལམ་བསྒོམ་པར་བྱ་བ་དག་ལས་སྡུག་བསྔལ་ཀུན་འབྱུང་བ་དང་། སྡུག་བསྔལ་འགོག་པ་དང་། སྡུག་བསྔལ་
D46.039.0052a02.01འགོག་པར་འགྱུར་བའི་ལམ་གྱི་རྣམ་གྲངས་སུ་བཞག་པ་ཡིན་ཏེ། སྡུག་བསྔལ་འདི་ནི་ཡང་དག་པར་ཡོད་པ་མ་ཡིན་པ་ལས་བཏགས་པར་ཟད་དོ། །མ་རིག་པ་ལ་སོགས་པ་ཤེས་པའི་གཞི་རྣམས་ནི་འདི་གཉིས་ཏེ། དེ་ཅིའི་ཕྱིར་ཞེ་ན། ཤེས་པ་མེད་པ་ལ་ནི་གཞི་ཅུང་ཟད་ཀྱང་མེད་
D46.039.0052a03.01པས་དེ་ནི་མངོན་པར་རྟོགས་པ་མེད་པ། སྣང་བ་མེད་པ། ཤེས་པ་མེད་པ། ཁོངས་སུ་གཏོགས་པ་མེད་པས་ན་དེ་ལ་གང་གི་གཞིར་འགྱུར་ཏེ། མེད་པ། གསོག །{བརྫུན་,རྫུན་}པ་སླུ་བའི་ཆོས་ཡིན་ནོ། །དེ་ལ་གཞི་དེ་ཡང་ཡོད་པ་མ་ཡིན་པ་ལས་བཏགས་པ་སྟེ། འདི་ལ་
D46.039.0052a04.01ཐེར་ཟུག་ཏུ་མངོན་པར་ཞེན་པ་དང་། ཆད་པར་མངོན་པར་ཞེན་པའི་གཞི་མེད་པས་ན་རློམ་སེམས་སུ་མངོན་པར་ཞེན་པ་མེད་པར་སྡུག་བསྔལ་གྱི་གཞི་ལ་བརྟག་པར་བྱའོ། །དེ་ལྟར་གཞི་མེད་པ་ལ་མངོན་དུ་ཤེས་པ་ཡང་མེད་པར་ཡོངས་སུ་ཤེས་པར་བྱའོ། །མ་རིག་པའི་སྦྱོར་བ་ལས་
D46.039.0052a05.01བྱུང་བས་སྡུག་བསྔལ་ནི་མི་ཤེས་པའི་རང་བཞིན་ཅན་ཏེ་མ་རིག་པ་ནི་གང་དང་ཡང་མཚུངས་པར་ལྡན་པ་ཡང་མ་ཡིན། མི་ལྡན་པ་ཡང་མ་ཡིན་པས་དེ་ནི་ཡོད་པ་མ་ཡིན་ཏེ། དེའི་ཕྱིར་དེ་ནི་མཚུངས་པར་ལྡན་པ་མ་ཡིན་ནོ། །དེ་ལྟ་བས་ན་མ་རིག་པ་ལ་ནི་བྱེད་པ་པོ་གདགས་སུ་མེད་ཅིང་
D46.039.0052a06.01བྱེད་པ་པོ་མི་དམིགས་པས་མི་རྟོག་རྣམ་པར་མི་རྟོག །མི་བྱེད་རྣམ་པར་མི་བྱེད་དོ། །བཀོད་པ་མཐའ་ཡས་འདི་ནི་བྱང་ཆུབ་སེམས་དཔའ་རྣམས་ཀྱི་རིག་པ་དང་རྗེས་སུ་འཐུན་པ། མ་རིག་པའི་རང་གི་ངོ་བོ་ཡོངས་སུ་ཤེས་པའི་སྒོ་སྟེ། གང་གིས་མ་རིག་པའི་མུན་པ་བསལ་ཅིང་རིག་པ་དང་
D46.039.0052a07.01