完整藏文原文 · 德格版页 当前仅加载第 99 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་དང་གསུམ། །གསང་བའི་མཛོད་གསུམ་ཡིན་པས་བསྐུར་བར་བྱ། །དེ་ལ་སེམས་ཀྱི་གཟུགས་ནི་ཅི་འདྲ་བ། །ཙིཏྟའི་དབྱིངས་ནས་འོད་ནི་ཚོན་གང་འཕྲོ། །དཀར་སེར་སྣུམ་ལ་འདྲིལ་བ་གཅིག་ཏུ་གནས། །ལས་འཕྲོ་ལེན་ལས་གཞན་ནི་ལེན་པའི་
D840.099.0180a01.01ཚེ། །སེམས་ནི་རྟ་དགུག་ཉིད་རྒྱུ་བ་ཡིས་འདུས། །མི་ཆགས་མི་འཁོར་བ་ཡི་དོན་དེ་ནི། །འོད་དང་བཅས་པ་ཚོན་གང་གསལ་བར་བསྒོམ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རྟག་པ་ཆེན་པོ་རྣམ་སྣང་མཛད། །མི་བསྐྱོད་པ་ནི་སེམས་ཀྱི་མཆོག །
D840.099.0180a02.01བདག་གི་ལུས་ནི་རྟག་པ་སྟེ། །བདག་གི་གསུང་ནི་འགྱུར་བ་ཡིན། །བདག་གི་སེམས་ནི་མི་བསྐྱོད་པ། །སེམས་ཉིད་དུས་གསུམ་འགྱུར་བ་མེད་པར་གསུངས། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །ཐིག་ལེ་ཆེན་པོ་དགུ་ཡི་ལུང་བསྟན་པ། །མན་ངག་
D840.099.0180a03.01གཉེར་ཆེན་རྣམ་ཤེས་ཚོགས་དགུ་སྟེ། །ཡིད་ཀྱིས་རྣམ་ཤེས་ལས་འཕྲོ་ལེན་པའི་དོན། །རྣམ་པར་ཤེས་པའི་བྱང་ཆུབ་སེམས་ཉིད་འདི། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །མེད་པའི་ཕྱལ་པ་དང་ནི་གཅིག་པུ་ལྷུན་གྱིས་རྫོགས། །སངས་རྒྱས་ཀུན་གྱི་རྗེ་
D840.099.0180a04.01བཙན་བསྐལ་པར་མི་ཉམས་རྡུལ་ཙམ་མེད། །རིག་པའི་རྒྱལ་པོ་རྡོ་རྗེ་རང་དབང་ལས། །གཞན་ནས་སངས་རྒྱས་བཙལ་གྱུར་ཀྱང་། །བཙལ་ཀྱང་རྒྱལ་བ་མི་རྙེད་དོ། །ཐམས་ཅད་འགྱུར་མེད་བྱང་ཆུབ་སེམས་དཔའ་ལས། །མ་གཏོགས་གཞན་ན་མེད་ཅེས་བྱ་བར་
D840.099.0180a05.01གསུངས། །བྱང་ཆུབ་སེམས་ཉིད་མཉམ་པར་ཁྱབ་བདལ་ཏེ། །བདག་དང་གཞན་དུ་མེད་པར་རྟོགས་པ་ལ། །དེ་ལྟར་སུས་རྟོགས་སྐྱེས་བུ་གཅིག་པུ་ཡིན། །ལྷུན་གྱིས་རྫོགས་པ་ཞེས་ཀྱང་དེ་ལ་བྱ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །དྲན་པའི་སེམས་
D840.099.0180a06.01ཅན་སེམས་ཀྱི་རང་བཞིན་ནི། །དཀར་འཚེར་སྣུམ་ལ་འདྲིལ་བས་བྱང་ཆུབ་སེམས། །མཛངས་པ་ཟིན་པོ་སེམས་ཤེས་དེ་ལ་བྱ། །བླུན་པོ་བྱོལ་སོང་སེམས་ནི་ན་བུན་དུད་པས་འདྲེས། །སེམས་གནས་ཕུང་པོ་ཙིཏྟའི་དབྱིངས་དཀྱིལ་ན། །འོད་ཀྱི་ཐིག་ལེ་དཀར་འཚེར་
D840.099.0180a07.01