完整藏文原文 · 德格版页 当前仅加载第 99 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུ་གཙོ་བོ་བསྒོམ། །ཆགས་པ་མེད་པར་འདོད་བསྡུ་ཡི། །ཡུམ་དང་ལྷན་ཅིག་སྒོམ་པ་ནི། །ཨཱ་ལི་ཀཱ་ལིར་བྱེད་པའི་དོན། །ཕྱག་རྒྱ་ལས་ཀྱི་བྱེ་བྲག་གིས། །བདེ་བ་ཆེན་པོ་ཚུལ་གནས་པ། །རྒྱལ་བ་ཀུན་ཀྱང་དེ་དང་མཐུན། །ཕྱག་རྒྱ་བསྣོལ་བར་གནས་པ་ཡི། །ཀུན་ཀྱང་སེམས་དཔའི་
D840.099.0151b01.01དཀྱིལ་འཁོར་རོ། །ཕྱག་རྒྱ་རྡོ་རྗེ་ཐལ་མོ་ནི། །ཀུན་ཀྱང་ཡུམ་གྱི་རྒྱབ་ཏུ་བསྣོལ། །ཞལ་གཉིས་མཛེས་པར་རབ་སྦྱར་བ། །ཟླ་གམ་པ་ཡི་ལྗགས་གཉིས་མཛེས། །དུང་གི་ཕུར་བུས་མཁུར་ཚོས་ལ། །འདེབས་ཤིང་རྡེག་པའི་ཚུལ་དུ་བཞུགས། །བསྙེན་པ་ཉེ་བསྙེན་དབང་རྫོགས་པ། །
D840.099.0151b02.01རྒྱལ་བ་ཀུན་གྱི་སྐུ་ཡི་མཆོག །བཞད་དང་འཛུམ་པའི་གཙོ་གཟུགས་བསྒོམ། །རྣལ་འབྱོར་དཀའ་ཐུབ་ཆེན་པོའི་དོན། །གསང་བ་སྤྱོད་པ་ཤིན་ཏུ་དགྱེས། །གསང་བ་ཉིད་དུ་སེམས་ཅན་འདྲེན། །ཐམས་ཅད་ཀུན་གྱི་རྨོངས་པ་སེལ། །ཡུམ་གྱི་ལས་ཀྱིས་ཁྱད་པར་ནི། །
D840.099.0151b03.01ས་ཡི་རིམ་པ་ཀུན་སྦྱོར་ཞིང་། །ཟས་དང་མགོ་དབང་མེད་པ་ཡི། །ཉན་ཐོས་འགོག་པ་ལ་སོགས་པ། །བྱང་ཆུབ་སེམས་ཀྱི་ཆར་ཆེན་གྱིས། །པདྨོར་བཅིངས་པ་ཚར་གཅོད་མཛད། །དམ་ཚིག་ཆེན་པོ་སྡོམ་པ་སྟེ། །རྒྱལ་བ་ཀུན་གྱི་དཀྱིལ་འཁོར་ཡིན། །ཕྱག་རྒྱ་
D840.099.0151b04.01ཆེན་པོ་ཚོགས་མཆོག་སྟེ། །དགའ་བ་དོན་དུ་རིགས་མཆོག་ཡིན། །མྱུར་བར་རྟག་ཏུ་མ་ཡེངས་ན། །གདོན་མི་ཟ་བར་གྲུབ་པ་ནི། །འདོད་ཁམས་ལྷ་ཡི་ཉིན་ཕྱེད་ཀྱིས། །གསང་བ་ཀུན་དང་མཉམ་པར་འགྱུར། །དེ་བཞིན་གཤེགས་པ་གསང་བའི་དོན་དང་མཉམ་
D840.099.0151b05.01པའི་ཕྱག་རྒྱའོ། །ཀུན་དུ་བཟང་པོ་རྣལ་འབྱོར་མཆོག །གསང་བ་ཉིད་ཀྱིས་མཁའ་དབྱིངས་སོ། །ཡི་གེ་ཨྃ་ལྡན་ཚེག་དྲག་བཅས། །རྣལ་འབྱོར་བདེ་ཆེན་ཉིད་ཀྱི་སྲས། །གཟུགས་ཁམས་ལྷ་ཚོགས་བྱིན་བརླབས་ཏེ། །ཕྱག་མཚན་འཁོར་ལོ་གསལ་བ་དང་། །
D840.099.0151b06.01བདེ་བ་རྣལ་འབྱོར་དེ་བཞིན་གཤེགས། །གཙོ་བོ་གསེར་གྱི་ཁ་དོག་གསལ། །ཉི་མ་གསེར་གྱི་འོད་བཞིན་དུ། །གསལ་བ་འཚེར་བ་བཅོམ་ལྡན་འདས། །དབུ་རུ་ཡི་གེ་གཉིས་པ་ལ། །རིན་ཆེན་མྱུ་གུ་ཁང་པ་འབར། །སངས་རྒྱས་ལྔ་ཡི་དབུ་རྒྱན་གྱིས། །
D840.099.0151b07.01