完整藏文原文 · 德格版页 当前仅加载第 99 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
དགུ་པ་ལ་རྐང་པ་གཅིག་པ་དང་། དེའི་འཁོར་གྱི་ཡང་སྤྲུལ་གྱི་ཕོ་ཉ་ནི་ལྕགས་ཀྱི་ཁྱི་སྟེ་རྐང་གསུམ་པོ་དང་། ལོང་བརྒྱབ་སྦྲེལ་བ་དང་། ནག་པོ་མགོ་དགུ་པའོ། །ཤར་གྱི་དཀར་མོ་སྦྱང་དུང་གི་ཁྱི་མོ་ཆེན་མོ་དང་། ལྷོའི་སྦྲུལ་གྱི་ཞགས་པ་ཅན་དང་། ནུབ་ཀྱི་དམར་མོ་
D840.099.0166a01.01ཟངས་ཀྱི་མཆེ་བ་ཅན་དང་། བྱང་གི་སེར་མོ་དྲིལ་བུ་ཅན་དང་། འདི་རྣམས་ཀྱི་ཕོ་ཉ་མོ་ནི་ཤར་གྱི་རྡོ་རྗེ་སྡེར་མོ་དང་། ལྷོའི་ནག་མོ་དུང་གདུབ་མ་དང་། ནུབ་ཀྱི་དམར་མོ་སེང་གེའི་མགོ་ཅན་དང་། བྱང་གི་སེར་མོ་ལས་ཀྱི་བདག་མོ་དང་། རྡོ་རྗེ་རུས་ཆེན་ཕྲེང་བ་ཅན་དང་། རྡོ་རྗེ་ཟངས་ཀྱི་
D840.099.0166a02.01ཕྲེང་བ་ཅན་དང་། རྡོ་རྗེ་ལྕགས་ཀྱི་ཕྲེང་བ་ཅན་དང་། རྡོ་རྗེ་རལ་གྲི་སོ་ཅན་དང་། རྡོ་རྗེ་ནམ་མཁའི་གུང་གཅོད་མ་དང་། རྡོ་རྗེ་ཉི་མའི་ཟེར་ཞོན་མ་དང་། རྡོ་རྗེ་ཆུ་བོའི་གཞུང་འདྲལ་མ་དང་། རྡོ་རྗེ་རྒྱ་མཚོའི་གཏིང་དཀྲུགས་མ་དང་། འདི་རྣམས་ཀྱི་སྐུ་མདོག་ནི་སྣ་ཚོགས་པའོ། །ཕྱག་ན་
D840.099.0166a03.01མཚོན་ཆ་སྣ་ཚོགས་པའོ། །དྲག་བྱེད་བདག་པོས་སྒྲོལ་བར་བྱེད་པའོ། །དེ་ནས་བཅོམ་ལྡན་འདས་དཔལ་ཧེ་རུ་ཀས་སྐུ་དང་གསུང་དང་ཐུགས་རྡོ་རྗེ་ལས་ཕོ་ཉའི་ལས་འདི་གསུངས་སོ། །ཨོྃ་ཧཱུྃ་ཕོ་ཉ་སུམ་བརྒྱ་དྲུག་ཅུ་རྣམས། །ཡུད་ཙམ་གྱིས་ནི་ཀུན་འདུལ་ཞིང་། །ཡུད་ཙམ་
D840.099.0166a04.01གྱིས་ནི་ཕྱོགས་བཅུར་འཕྲོ། །ཧཱུྃ་དང་ཕཊ་ཀྱི་སྒྲ་སྒྲོགས་ཤིང་། །བསྐལ་པའི་འབྲུག་སྒྲ་ཆེན་པོ་ལྡིར། །མགོ་གསུམ་པོ་ལ་ལྕགས་སྡེར་ཅན། །མི་ཤ་ཟ་ཞིང་བདུད་དཔུང་འཇོམས། །བལྟས་པས་བདུད་རྣམས་ཚིག་བྱེད་ཅིང་། །ཀླུ་ཡི་ཁྱིམ་རྣམས་རབ་ཏུ་འཇོམས། །རབ་ཏུ་མི་སྲུན་འདི་
D840.099.0166a05.01དག་ནི། །འདི་ཡང་དཔལ་གྱི་ཕོ་ཉ་སྟེ། །ལས་རྣམས་ཐམས་ཅད་གྲུབ་པར་གྱིས། །མཚན་དང་དཔེ་བྱད་གཉིས་ལས་འཕྲོས། །མགྱོགས་པ་མགྱོགས་མའི་ཕོ་ཉར་ལྡན། །གློག་འགྱུ་མ་དང་འདྲ་བར་གྲགས། །ཆོས་ཉིད་ཁྱབ་པས་མཚན་མ་དབྱིངས་སུ་སྡུད། །ཡེ་ཤེས་ཐུགས་རྗེས་
D840.099.0166a06.01འབྲེལ་པས་ཀུན་ལ་ཁྱབ། །ཕྲིན་ལས་དྲ་བས་འགྲོ་བ་རླབས་ཀྱིས་གྲོལ། །དེ་ཕྱིར་ལྷ་མོ་རིན་ཆེན་དྲ་བ་མ། །ཨོྃ་ཛྭ་ལ་བཛྲ་ཧཱུྃ། ཡེ་ཤེས་གློག་འགྱུས་མཚན་མ་དབྱིངས་སུ་གཅོད། །སྐད་ཅིག་ཐུགས་རྗེས་འཁོར་བ་དབྱེ་བསལ་བྱེད། །ཕྲིན་ལས་གློག་འགྱུས་འགྲོ་བ་ཡུད་
D840.099.0166a07.01