完整藏文原文 · 德格版页 当前仅加载第 99 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་གློག་འགྱུ་རཀྵ་སི། །ཕྲེང་བ་རྒྱན་གྱི་ནང་ན་མཆོག་ཏུ་མཛེས། །སྙིང་རྗེ་རྒྱུན་སྐད་བ་སུ་ཞགས་པ་ཡིས། །ཆགས་མེད་ཞིང་དུ་ཁམས་གསུམ་ཀུན་འདྲེན་མ། །རྒྱུན་གྱིས་ཐུགས་རྗེས་སྒྲོལ་མཛད་བཀྵ་སི། །འཚོག་པ་དབྱུག་པས་འཆང་བའི་མཆོག་ཏུ་མཁྱེན། །
D840.099.0178a01.01གཏུན་བུས་གདུག་པ་མ་ལུས་འཇོམས་མཛད་མ། །ཡོན་ཏན་མི་ཟད་ནོར་གྱི་གཏེར་འཛིན་མ། །སྟོང་གསུམ་ནོར་གྱིས་རྒྱས་མཛད་རལ་གྲི་མ། །ར་རོ་འདྲ་བར་དཔའ་བོ་གཞན་མེད་མཁྱེན། །ཆོས་རྣམས་གཉིས་མེད་དོན་རྟགས་རྟག་ཏུ་མྱོས། །ཉོན་མོངས་ཐ་བ་བཟློག་པའི་གཤོལ་
D840.099.0178a02.01བསྣམས་ཤིང་། །དགེ་བའི་ལོ་ཏོག་སྐྱེད་མཛད་རུ་ཏི་རམ། །བརྟན་པ་ཙམ་གྱིས་གཞན་ཕམ་དཔའ་བོ་མཆོག །མ་ལུས་གསོད་བྱེད་ལས་ལ་འཇུག་མཛད་ཅིང་། །བསྙེངས་པ་མི་མངའ་འགྲོ་དོན་གཅིག་པུ་སྤྱོད། །གསོད་བྱེད་འདྲ་མཛད་ཨེ་ཀ་ར་ཙ་མ། །བུད་མེད་ཆགས་པས་འགྲོ་བ་
D840.099.0178a03.01དབང་དུ་བྱེད། །ཐམས་ཅད་མ་ལུས་མགུ་བྱེད་དགེ་བའི་ལས། །འདོད་ལྷའི་མདའ་འཕེན་སྲིད་གསུམ་ཡིད་འཕྲོག་མ། །ཐུགས་རྗེས་ཞེན་པའི་མ་ནོ་ཧ་ར་མ། །ཁྲག་ལས་ཟས་གཞན་མེད་པར་རྟོགས་མཁྱེན་ཅིང་། །གདོན་རྣམས་བསྒྱུར་བའི་ལས་མཛད་སྒོ་གཏོང་ཅན། །མི་ཟད་ནོར་
D840.099.0178a04.01གྱི་གཏེར་ལྡན་བུམ་པ་འཛིན། །སྡུག་བསྔལ་རེ་སྐོང་ཐག་ཐུག་སི་ཏི་ཀ། །རེག་བྱའི་སེམས་ནི་རླུང་གི་ཁམས་ཏེ་མཆོག །སྲིད་གསུམ་དབུགས་ཀྱི་སྲོག་སྦྱིན་ཚེ་འཕེལ་མ། །བདེར་གཤེགས་རས་རྒྱུས་སེམས་ཅན་སྒྲོལ་མཛད་ཅིང་། །ཁམས་གསུམ་གནས་ནས་སྐྱོན་མཛད་པ་
D840.099.0178a05.01ཡ་བེ། །སྙིགས་མ་ལྔ་ལྡན་ལྔ་བརྒྱའི་ཐ་མ་ལ། །སྲིད་གསུམ་འཁོར་བའི་སེམས་ཅན་གདུལ་དཀའ་བ། །གསད་པ་ཉིད་ལ་ལས་ཀྱིས་འདུལ་བར་མཛད། །སྡུག་བསྔལ་དབྱིངས་སུ་གསོལ་མཛད་མ་ར་ན། །གཟི་བརྗིད་ཅན་དེ་མེ་ཡི་ཁམས་ཏེ་མཆོག །འབར་བ་མཆོག་གིས་
D840.099.0178a06.01གདུག་པ་མ་ལུས་བསྲེགས། །ཟ་བྱེད་བསྐལ་བ་དུས་མཐའི་ཚུལ་སྟོན་པ། །ལྷག་མཐོང་ཡེ་ཤེས་འབར་འཕྲོ་ཨག་ན་ཡེ། །མཆེ་བ་དག་པས་སྐྱེ་བཞི་རྩད་གཅོད་བཞུགས། །ཉན་ཐོས་ཐ་བ་ཟློག་མཛད་ཕག་གི་དབུ། །འོག་གི་ཕྱོགས་ནས་སྲིད་གསུམ་སྟོབས་ཀྱིས་སྤོར། །
D840.099.0178a07.01