完整藏文原文 · 德格版页 当前仅加载第 99 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱིས་མཉེས་པར་མཛོད། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀུན་དུ་དཔལ་རྡོ་རྗེ་སེམས་དཔའ་དེ་བཞིན་གཤེགས་པ་ཐམས་ཅད་ཀྱི་དབྱངས་ཀྱིས་ངེས་པར་བསྐུལ་བ་ཐུགས་སུ་ཆུད་ནས་བཞེངས་ཏེ། །བརྗིད་པ་དང་བཅས་པས་གར་མཛད་ཅིང་།
D840.099.0132b01.01ཞལ་འཛུམ་པ་དང་འདོར་བ་དང་། བསྐུམ་པ་དང་། འགྱིང་བ་དང་། སྤྱན་མཛེས་པས་སྨིན་རིང་བསྐྱོད་ཅིང་བསྒྱུར་བ་དང་། པདྨོ་ཕྱག་གིས་གཡས་གཡོན་གར་གྱི་ཕྲེང་བའི་ཚུལ་གྱིས་སའི་ངོས་ལ་ཞབས་འཕེན་ཅིང་བསྒྱུར་བ་དང་། འདོར་ཞིང་བསྐུམ་པ་དང་། འཇོག་ཅིང་
D840.099.0132b02.01འདེགས་པའི་རྣམ་པར་གནོན་པས་ནམ་མཁའི་དབྱིངས་ཐམས་ཅད་དུ་ཁྱབ་པར་མཛད་དེ། རླུང་གི་ཁམས་དང་། མེའི་ཁམས་དང་། ཆུའི་ཁམས་དང་། སའི་ཁམས་ཀུན་ཁྱབ་པར་མཛད་དེ། བཅོམ་ལྡན་འདས་བྱང་ཆུབ་ཀྱི་སེམས་ལ་ཀུན་དུ་ཁྱབ་པར་མཛད་དེ། སྣ་
D840.099.0132b03.01ཚོགས་དང་། ཕྲ་བ་དང་། སྦོམ་པ་དང་། བུད་མེད་དང་། གཞོན་ནུ་དང་། རྒན་པ་དང་། སྐྱེས་པ་དང་། སྐྱེས་པ་མ་ཡིན་པ་དང་། ལྷ་དང་། ཀླུ་དང་། གནོད་སྦྱིན་དང་། སྐར་མ་དང་། གཤིན་རྗེ་དང་། ཆུ་བདག་དང་། བརྒྱ་བྱིན་དང་། འབྱུང་བ་དང་། འབྱུང་བ་ལས་
D840.099.0132b04.01གྱུར་པ་ཐམས་ཅད་ལ་བཅོམ་ལྡན་འདས་ཀུན་དུ་བཟང་པོས་རྒྱས་པར་བྱས་ཏེ་ཡང་དག་པར་གནས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ངོ་མཚར་དུ་གྱུར་ཏེ། ཡང་འདུས་ནས་ཕྱག་གར་དང་བཅས་ནས་ཐལ་མོ་སྦྱར་ནས་བཅོམ་
D840.099.0132b05.01ལྡན་འདས་ཀུན་དུ་བཟང་པོ་ཆེན་པོ་ལ་སྤྱི་བོས་བཏུད་ནས་གསོལ་བ་བཏབ་པ། བཅོམ་ལྡན་འདས་ཀུན་གྱི་གསང་བའི་ཧེ་རུ་ཀ་ཆེན་པོ་རོལ་པའི་ཐིག་ལེ་འདི། །གཉིས་མེད་ཡེ་ཤེས་ཡང་དག་འབྱུང་། །བཅོམ་ལྡན་ཁྱོད་ཀྱིས་བཤད་དུ་གསོལ། །སེམས་ཅན་
D840.099.0132b06.01ཀུན་གྱི་མ་སྐྱེས་པ། །སྐྱེས་དང་མ་སྐྱེས་རྣམ་སྤངས་པའི། །འབྱུང་དང་འབྱུང་འགྱུར་རབ་སྦྱོར་བའི། །མཆོག་ཏུ་རྟག་པའི་སྦྱོར་བའོ། །ཐམས་ཅད་རིན་ཆེན་འབྱུང་གནས་དག །ནམ་མཁའ་དྲི་མེད་འདྲ་བ་ཡི། །རྒྱལ་མཚན་ཆེན་པོ་བསྒྲེང་བྱ་སྟེ། །རྡོ་རྗེ་ཆེན་པོས་
D840.099.0132b07.01