完整藏文原文 · 德格版页 当前仅加载第 99 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ཤར་ཕྱོགས་དཀྱིལ་འཁོར་དུ་འཁྱིལ་བར་གྱུར་ཏེ་གནས་སོ། །ལྷོ་ཕྱོགས་ཀྱི་དཀྱིལ་འཁོར་དུ་ཁྲོ་གཉེར་ཅན་མང་པོ་བརྒྱ་སྟོང་གཡོག་དང་བཅས་པར་གནས་སོ། །ནུབ་ཕྱོགས་སུ་ཡང་རྟ་གདོང་ཁྲོ་བོ་ཆེན་པོ་བརྒྱ་སྟོང་མང་པོ་གཡོག་དང་བཅས་ཏེ་གནས་སོ། །བྱང་དུ་ཡང་འུར་
D840.099.0157b01.01འུར་ཆེན་པོ་ཁྲོ་བོ་བརྒྱད་སྟོང་མང་པོ་གཡོག་དང་བཅས་ཏེ་གནས་སོ། །བཅོམ་ལྡན་འདས་ཤིན་ཏུ་ཁྲོ་བོ་ཆེན་པོའི་ཚོགས་བརྒྱ་སྟོང་མང་པོས་བསྐོར་ནས་དབུས་ཀྱི་དཀྱིལ་འཁོར་ན་བཞུགས་ཏེ། ཧེ་རུ་ཀའི་ཁྲོ་བོའི་ཚོགས་ཆེན་པོ་དེ་དག་དང་། ཁྲོ་བོ་ཆེན་པོ་བརྒྱ་སྟོང་མང་པོའི་རི་
D840.099.0157b02.01རབ་ཀྱི་རྡུལ་ཕྲན་དང་མཉམ་པ་བསྐྱེད་བྱུང་ནས་ནམ་མཁའི་དབྱིངས་རབ་འབྱམ་ཐམས་ཅད་སྣང་བར་བྱས་ཏེ། སྟོང་གསུམ་གྱི་འཇིག་རྟེན་གྱི་ཁམས་འདི་དག་ཐམས་ཅད་གང་བར་བྱས་སོ། །ཤིན་ཏུ་དགྱེས་པའི་ཁྲོ་བོ་ཆེན་པོས་ཁྲོ་བོའི་ཚོགས་རྣམས་ལ་བཀའ་སྩལ་
D840.099.0157b03.01པ། །ན་མོ་རཏྣ་ཏྲ་ཡཱ་ཡ། ན་མ་ཤྩ་ཎ་ཌ་བཛྲ་པཱ་ཎ་ཡེ། མ་ཧཱ་ཡཀྵ་སེ་ན་པ་ཏ་ཡེ། ཏདྱ་ཐཱ། ཨོྃ་བྷོ་བྷོ། མ་ཧཱ་བ་རེ་བ་ད་ར་བ། མ་ཧཱ་དྷི། ཧ་ར་ཧ་ར། གྲྀ་ཧྞ་གྲྀ་ཧྞ། མ་ར་མ་ར། བྷཉྫ་བྷཉྫ། ཀྵི་ཀྲ་ན་མ་ཧཱ་བཛྲ་ཙཎྜ་དྷ། སརྦ་དུཥྚཱཾ་དུ་ཀུ །ཧ་ན་ཧ་ན། ད་ཧ་ད་ཧ།
D840.099.0157b04.01པ་ཙ་པ་ཙ། མ་ཐ་མ་ཐ་ཧཱུྃ་ཕཊ། འདི་གསུངས་མ་ཐག་ཏུ། འཇིགས་བྱེད་ཆེན་པོ་དབུལ་བར་བྱེད་པ། རང་གི་སྐུ་ནམ་མཁའི་དབྱིངས་ཀྱི་ཚུལ་དུ་བྱེད་དོ། །ཁྲོ་བོ་བརྒྱ་སྟོང་མང་པོ་ཞལ་རྣམ་པར་བསྙེར་བ། མཆེ་བ་གཙིགས་པ། འཁྱིལ་ཅིང་བསྒྱུར་བ་ཕྱག་བརྒྱ་སྟོང་མང་
D840.099.0157b05.01པོ་ལ་མཚོན་ཆ་སྣ་ཚོགས་བསྣམས་པ། ཞལ་བརྒྱ་སྟོང་མང་པོ་མེ་ལྕེ་བཞིན་དུ་འབར་བའི་སྐུ། ཨོྃ་མ་ཧཱ་བཛྲ་ཨང་། ཧ་ས་ཧ་ས། ཧ་ཧ་ཧ་ཧཱུྃ་ཧ། ཨོྃ་ཏི་ཨོྃ་མ་ཧཱ། བེ་ར་བ་བེ། ཤིང་ཤིང་། ཏྲ་ཏྲ་ཏྲྃ་ཏྲྃ། ཧ་ཧ་ཨི་ཏི། དེ་ནས་འཇིགས་བྱེད་ཆེན་པོ་འདུལ་བར་བྱེད་པའི་ཁྲོ་
D840.099.0157b06.01བོ་དེས་ཧེ་རུ་ཀའི་ང་རོ་འབྱིན་ཅིང་མགོ་བོ་ནས་མནན་ཏོ། །རྡོ་རྗེ་ཧེ་རུ་ཀའི་རོལ་པའི་བདག་ཉིད་ཀྱི་མཐུ་ཆེན་པོས་འཇིགས་བྱེད་ཆེན་པོའི་ང་རོ་འབྱིན་ཅིང་རྒྱུ་མའི་སྦུ་གུ་དྲངས་ནས་ཁྲག་དང་རུས་པ་དང་རྐང་རྣམས་ཟ་ཞིང་ཆེམ་ཆེམ་མཛད་པས། དེའི་འཁོར་ལ་ལ་
D840.099.0157b07.01