完整藏文原文 · 德格版页 当前仅加载第 99 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་པ་འདི་གསུངས་ཤིང་ཕྱུང་ངོ་། །བདག་མེད་གཉིས་རྟོགས་སྒྲིབ་པ་གཉིས་སྤངས་པ། །ཐུགས་རྗེ་སྤྲུལ་པས་འགྲོ་བ་མ་ལུས་སྒྲོལ། །ཡུལ་མེད་མ་སྐྱེས་བྱམས་པའི་ཆོས་དབྱིངས་ལས། །འཛིན་པ་མི་རྟོག་སྙིང་རྗེ་ཞེན་ཆགས་ཁྲོ། །གཉིས་མེད་དག་ལས་ཕྲིན་ལས་
D840.099.0167b01.01སྙིང་རྗེ་སྙོམས། །དཔལ་ཆེན་ཁྲག་འཐུང་ཁྱོད་ལ་ཕྱག་འཚལ་ལོ། །རྟོག་འཇོམས་སྤྱོད་པ་མཐུན་པས་འགྲོ་འདུལ་ཞིང་། །བརྡ་ཅན་ཡན་ལག་ལེན་པའི་དོན་གོ་ལ། །ལྷ་བརྒྱུད་བརྗོད་པས་དངོས་གྲུབ་ཀུན་དང་འབྲེལ། །བཀའ་དོན་གཏན་ཚིགས་རིགས་པས་བརྗོད་
D840.099.0167b02.01པར་འོས། །ཞེས་བྱ་བའི་དོན་ཏོ།། །།ལུང་གསུམ་མན་ངག་གསུམ་དང་སྤྱི་དོན་གསུམ། །ལུང་གི་སྤྱི་གཅོད་མན་ངག་གདེང་དུ་བྱ། །སྤྱི་ཁོག་བཅུ་བཞིས་དོན་གྱི་ཁོག་ཕུབ་ལ། །བཞི་བཅོམ་དྲུག་ལྡན་རྩིས་མགོས་ས་གཅད་དེ། །ཁྲོ་བོ་རྟོག་པ་མཚན་མའི་གཉེར་
D840.099.0167b03.01གྱིས་བཤད། །འདི་ནི་ཁྲག་འཐུང་རྔོམ་བརྗིད་རྒྱལ་པོའི་ལུང་ཞེས་ཚིག་ཉུང་ཞིང་མདོར་འདུས་ལ་དོན་མང་པོར་འབྱུང་བས་མདོའི་སྡེ་ཞེས་བྱའོ། །བཅོམ་ལྡན་འདས་དཔལ་རྡོ་རྗེ་སེམས་དཔས་བཀའ་སྩལ་པ། ལུང་གསུམ་གྱིས་སྣ་གྲངས་ཏེ་རྡེའུ་བྱའོ། །མན་ངག་
D840.099.0167b04.01གསུམ་གྱིས་མཇུག་བསྡུས་ཏེ་བློ་ལ་བཞག་པའི་དོན་ཏོ། །སྤྱི་དོན་གསུམ་གྱིས་ལུང་ཐམས་ཅད་ཀྱི་སྤྱི་གཅད་དོ། །སྤྱི་ཁོག་བཅུ་བཞིས་དོན་གྱི་ཁོག་དབུབ་བོ། །བདུད་བཞི་བཅོམ་པས་ཡོན་ཏན་ཀུན་ལ་སྣང་བའི་ཆེ་བ་བཅོམ་མོ། །རྩིས་མགོ་དྲུག་གིས་ས་
D840.099.0167b05.01གཅད་དོ། །ཁྲོ་བོ་རྟོག་པ་མཚན་མའི་གཉེར་གྱིས་བཤད་པས་ནི་གོལ་ས་དང་ནི་སྒྲིབ་པ་སྤང་ངོ་། །ཡོན་ཏན་ཀུན་རྔོམ་པས་བརྗིད་གཞན་ལ་སྣང་ཕྱིར་རྔོམ་བརྗིད་ཆེན་པོ་སུམ་ཅུ་རྩ་དྲུག་བསྟན་ཏེ། རྒྱལ་པོ་ཡིན་པའི་རྟགས་ནི་རིན་པོ་ཆེ་སྣ་བདུན་གྱིས་རྒྱལ་
D840.099.0167b06.01པོར་གསོལ་ལོ། །ལུང་གིས་སྤྱི་དྲིལ་དེ་བཤད་དོ། །དེ་ལྟར་རྣམ་པ་བཅུར་ངེས་ནས། དེ་ནི་ཕྱེ་བྱང་ངོ་བསྟན་ཏེ་གསེས་ནས་བཤད་པ། དེ་ལ་ལུང་གསུམ་ནི་ཞི་གནས་མི་རྟོག་དངོས་པོ་མཁའ་ཁྱབ་འདྲ། །ལྷག་མཐོང་མ་རྨོངས་གཟའ་སྐར་མཁའ་ལ་བཀྲམ། །
D840.099.0167b07.01