完整藏文原文 · 德格版页 当前仅加载第 85 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། སློབ་དཔོན་དུ་དབང་བསྐུར་བ་ཡང་མི་བྱའོ། །དེ་ནས་ཨོྃ་སརྦ་ཡོ་ག་ཙི་ཏ་མུཏྤཱ་ད་ཡཱ་མི་ཞེས་པ་འདིས། བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །དེ་ཡི་སྙིང་གར་སྙིང་པོས་ནི། །རྡོ་རྗེ་རབ་ཏུ་གཞག་པར་བྱ། །སུ་ར་ཏ་ས་
D485.085.0143a01.01མ་ཡ་སྟྭྃ་ཧོཿབཛྲ་སིདྡྷི་ཡ་ཐཱ་སུ་ཁྃ་ཞེས་པ་འདིས་སོ། །དེ་ནས་རྡོ་རྗེ་ཧཱུྃ་མཛད་དུ་བྱིན་གྱིས་བརླབས་ལ་དྲི་དང་མེ་ཏོག་ལ་སོགས་པས་མཆོད་དེ་མེ་ཏོག་གི་ཕྲེང་བ་གདགས་ཤིང་། གདོང་དྲི་ཞིམ་པོས་བྱུགས་ལ་ཡོན་གྱི་མཆོག་བཟུང་སྟེ། ཕྱི་རོལ་ན་གནས་པ་ལ་བུམ་པའི་ཆུས་དབང་བསྐུར་ལ།
D485.085.0143a02.01ཨོྃ་གྲྀཧྞ་བཛྲ་ས་མ་ཡ་ཧཱུྃ་བྃ་ཞེས་པ་འདིས་ཁྲོ་ཏི་རིནྟི་རི་རང་ཉིད་བཅིངས་ལ་སློབ་མ་འཆིང་དུ་གཞུག་གོ། །རྡོ་རྗེ་བསྡམས་པ་ན་ང་བྱས་ལ། །མཐེ་བོང་རྡོ་རྗེ་དམ་པོ་ཡིས། །ཡིད་ཀྱི་ཁྲོ་བས་དགའ་བྱ་བས། །ཁྲོ་བོ་ཏི་རིནྟི་རི་དྲན། །དེ་ནས་དེ་ཉིད་ཀྱི་མཐེ་བོང་དག་གིས་མེ་ཏོག་གི་ཕྲེང་བ་འཛིན་
D485.085.0143a03.01དུ་བཅུག་ལ་སྙིང་པོ་འདིས་གཞུག་པར་བྱ་སྟེ། བཛྲས་མ་ཡྃ་བྲ་ཏི་ཤྱཱ་མི་ཞེས་པའོ། །ཤར་གྱི་སྒོར་ཡང་རྡོ་རྗེ་ལྕགས་ཀྱུས་དེ་དགུག་ཅིང་ལྷོར་ཞགས་པས་གཞུག་གོ། །ནུབ་ཏུ་ལྕགས་སྒྲོག་གིས་བཅིང་ཞིང་། བྱང་དུ་རྡོ་རྗེ་འབེབས་པས་དབབ་བོ། །ཡང་ཤར་གྱི་སྒོ་ནས་དེ་བཞིན་དུ་བཅུག་ལ་འདི་
D485.085.0143a04.01སྐད་ཅེས་བརྗོད་དོ། །དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་རིགས་ཀྱིས་དེང་ནས་ངས་ཁྱོད་ལ་རྡོ་རྗེའི་ཡེ་ཤེས་བསྐྱེད་པར་བྱའི། ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་རྣམས་ལྟ་ཅི་སྨོས། ཁྱོད་ཀྱིས་དཀྱིལ་
D485.085.0143a05.01འཁོར་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱའོ། །ཁྱོད་དམ་ཚིག་ཉམས་པར་འགྱུར་ཏ་རེ། དེ་ནས་རྡོ་རྗེ་སློབ་དཔོན་རང་ཉིད་ཁྲོ་བོ་ཏི་རིནྟི་རི་ཁ་གྱེན་དུ་བལྟ་བ་དང་བཅས་པས་བཅིངས་ལ། རྡོ་རྗེ་སློབ་མའི་སྤྱི་བོར་བཞག་སྟེ་འདི་སྐད་ཅེས་སྨྲས་ཏེ། འདི་ནི་ཁྱོད་ཀྱི་དམ་ཚིག་གི་རྡོ་རྗེ་ཡིན་ཏེ། གལ་
D485.085.0143a06.01ཏེ་ཁྱེད་འགའ་ཞིག་ལ་སྨྲས་ན་སྤྱི་བོ་འགེམས་པར་འགྱུར་རོ། །དེ་ནས་དམ་ཚིག་གི་ཕྱག་རྒྱ་དེ་ཉིད་དང་། མནའི་སྙིང་པོ་ལན་ཅིག་བཟླས་པའི་ཆུ་རྡོ་རྗེ་སློབ་མ་དེ་འཐུང་དུ་གཞུག་གོ། །དེ་ལ་མནའི་སྙིང་པོ་འདི་ཡིན་ཏེ། རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་མཛོད། །
D485.085.0143a07.01