完整藏文原文 · 德格版页 当前仅加载第 85 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་སྔ་མ་བཞིན་བྲིས་ལ། །མགོན་པོ་དབུས་སུ་དེ་བཞིན་གཞག །ཕྱོགས་སྐྱོང་རང་གི་ཕྱོགས་ཀྱི་ཆར། །གཞག་བྱ་སྤྱན་སྔར་རྣམ་པ་གཉིས། །ཉི་མ་དང་ནི་ཕག་གི་གཟུགས། །སྒོ་སྐྱོང་རྣམས་ཀྱང་དེ་བཞིན་ནོ། །དེ་ནས་དེ་ཀུན་སྤྱན་དྲངས་ལ། །མཆོད་པ་
D485.085.0117b01.01ཀུན་གྱིས་མཆོད་པར་བྱ། །དེ་ནས་རང་ཉིད་ཞུགས་ནས་ཀྱང་། །སློབ་མ་རྣམས་ནི་གཞུག་བྱ་ཞིང་། །ཕྱོགས་སྐྱོང་ལ་སོགས་སྔགས་བཟླས་པའི། །བུམ་པ་རྣམས་ཀྱིས་དབང་བསྐུར་རོ། །དེ་ནས་ཕན་པར་འདོད་པ་ཡིས། །སྒྲུབ་ཕྱིར་སྙིང་པོ་སྦྱིན་པར་བྱ། །ཕྱོགས་སྐྱོང་རང་གི་
D485.085.0117b02.01ཕྱོགས་གནས་རྣམས། །བརྟག་མི་དགོས་པར་འགྲུབ་པར་འགྱུར། །དེ་ནས་དེ་དག་མགུ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་སུ་ཞིག་རྒྱལ་པོ་རྒྱལ་རིགས་སྤྱི་བོར་དབང་བསྐུར་བས་དཀྱིལ་འཁོར་འདིར་ཞུགས་ཏེ་དབང་བསྐུར་བ་འཛིན་པ་དང་། གཞན་ཡང་རིགས་ཀྱི་
D485.085.0117b03.01བུའམ་རིགས་ཀྱི་བུ་མོ་དད་པ་དེ་དག་བཅོམ་ལྡན་འདས་བདག་ཅག་གིས་ཀུན་ནས་བསྲུང་བ་དང་། བསྐྱབ་པ་དང་། སྦ་བར་བགྱིའོ། །ཕ་རོལ་གྱི་སྡེ་རྣམས་གཞོམ་པར་བགྱིའོ། །དུས་དང་དུས་སུ་ཆར་དབབ་པར་བགྱིའོ། །འབྲུ་དང་། མེ་ཏོག་དང་། འབྲས་བུ་རྣམས་བསྐྱེད་པར་བགྱིའོ། །དེ་
D485.085.0117b04.01ནས་ཆོས་ཀྱི་རྒྱལ་པོ་གཤིན་རྗེས། བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རྒྱལ་པོ་ཆེན་པོ་དེའི་ཚེ་བསྲིང་བར་བགྱིའོ། །དུས་མ་ཡིན་པའི་འཆི་བ་བརྒྱད་པོ་སོ་སོར་དགག་པར་བགྱིའོ། །སྲིན་པོ་རྣམས་ཀྱི་བདག་པོ་ཆེན་པོ་བདེན་
D485.085.0117b05.01བྲལ་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རྒྱལ་པོ་ཆེན་པོ་དེ་དང་། རྒྱལ་པོ་ཆེན་པོའི་བུ་དང་། བྲམ་ཟེའམ། རྗེ་རིགས་སམ། མི་གཞན་གང་ཡང་རུང་བ་དག་ལ་ནད་མེད་པ་དང་། {ཡི་དགས་,ཡི་དྭགས་}དང་། འདྲེས་འཇིགས་པ་མེད་པ་དང་། སྲིན་པོ་ལ་སོགས་པའི་
D485.085.0117b06.01འཇིགས་པ་མེད་པ་དང་། དུས་མ་ཡིན་པར་འཆི་བའི་འཇིགས་པ་མེད་པར་བགྱིའོ། །དུས་ཐམས་ཅད་དུ་བསྲུང་བ་དང་། བསྐྱབ་པ་དང་། སྦ་བར་བགྱིའོ། །དེ་ནས་ཀླུའི་རྒྱལ་པོ་ཆེན་པོ་ཆུ་བདག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་དུས་ཐམས་ཅད་དུ་རྒྱལ་པོ་
D485.085.0117b07.01