完整藏文原文 · 德格版页 当前仅加载第 85 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །གྲྭ་བཞི་རྣམས་ནི་ཐམས་ཅད་དུ། །སྒོ་དང་སྒོ་ཁྱུད་མཚམས་རྣམས་སུ། །ཟླ་བ་མཚན་མ་རྡོ་རྗེས་སྤྲས། །དྲ་བ་དྲ་ཕྱེད་ཀྱིས་བརྒྱན་ཅིང་། །ཐིག་ལེ་དང་ནི་ཡང་དག་ལྡན། །དར་དང་མེ་ཏོག་ཕྲེང་བས་བརྒྱན། །
D485.085.0108a01.01ནང་གི་དཀྱིལ་འཁོར་ནི་འཁོར་ལོ་རྩིབས་བརྒྱད་པ་རྡོ་རྗེ་ཕྲེང་བས་ཡོངས་སུ་བསྐོར་བའོ། །དེའི་ལྟེ་བའི་སྟེང་དུ་སེང་གེའི་གདན་ནོ། །དེའི་སྟེང་དུ་ཟླ་བའི་དཀྱིལ་འཁོར་རོ། །འཁོར་ལོ་རྩིབས་བརྒྱད་པའི་ནང་རྣམས་སུ་ཟླ་བའི་དཀྱིལ་འཁོར་ཏེ་ལྷ་རྣམས་ཀྱི་གནས་སོ། །ཕྱིའི་དཀྱིལ་འཁོར་གྱི་ལྷ་རྣམས་ཀྱི་
D485.085.0108a02.01གནས་ནི་སྣམ་བུ་རྣམས་ལ། ཟླ་བའི་དཀྱིལ་འཁོར་ཉི་ཤུ་རྩ་བརྒྱད་བལྟའོ། །སེང་གེའི་གདན་གྱི་སྟེང་གི་ཟླ་བའི་དཀྱིལ་འཁོར་ཡི་གེ་ཨ་ལ་སོགས་པ་དང་། ཡི་གེ་ཀ་ལ་སོགས་པ་ཤེས་རབ་དང་ཐབས་ཀྱི་ཡི་གེ་ཞུ་བར་གྱུར་པ་མཁའ་ཁྱབ་ཀྱི་ཏིང་ངེ་འཛིན་ལ་སྙོམས་པར་ཞུགས་པ་བྱང་ཆུབ་ཀྱི་སེམས་
D485.085.0108a03.01ཀྱི་རང་བཞིན་གྱིས་སེམས་ཅན་གྱི་དོན་གྱི་རྒྱུ་རྫོགས་པའི་སྔགས་ཀྱི་གཟུགས་སུ་གྱུར་ཏེ། །ཨོྃ་མུ་ནེ་མུ་ནེ་མ་ཧཱ་མུན་ཡེ་སྭཱ་ཧཱ། སྔགས་འདིས་དཔལ་ཤཱཀྱའི་རྒྱལ་པོ་རྫོགས་པར་འགྱུར་ཏེ། སྒྲིབ་པ་ཐམས་ཅད་སེལ་བའི་ཏིང་ངེ་འཛིན་ལ་སྙོམས་པར་ཞུགས་པའོ། །དེ་ནས་ཏིང་ངེ་འཛིན་ལ་སྙོམས་
D485.085.0108a04.01པར་ཞུགས་པའི་སངས་རྒྱས་བཅོམ་ལྡན་འདས་དེའི་ཕྱག་རྒྱ་དང་སྔགས་བཤད་པར་བྱ་སྟེ། རྡོ་རྗེ་ཁུ་ཚུར་གཉིས་བཅིངས་ནས། །རིམ་གྱིས་རྣམ་པར་དབྱེ་བར་བྱ། །ཆོས་ཀྱི་འཁོར་ལོའི་ཕྱག་རྒྱ་ནི། །འཁོར་བ་ཐམས་ཅད་གཅོད་བྱེད་ཡིན། །དེ་ཡི་དཔེ་ནི་འདི་ལྟ་སྟེ། །ཇི་ལྟར་པདྨ་ལ་ཆགས་
D485.085.0108a05.01པའི། །བུང་བ་ལ་སོགས་བསྡམས་པ་རྣམས། །པདྨའི་འདབ་མ་ཁ་ཕྱེ་ན། །བཅིངས་པའི་སྡུག་བསྔལ་ལས་ཐར་བྱེད། །དེ་བཞིན་འཁོར་བའི་སྡུག་བསྔལ་གྱི། །སྲིད་གསུམ་འཁོར་བར་བཅིངས་པ་འདི། །ཐུགས་རྗེའི་བདག་ཉིད་ཤཱཀྱ་ཡི། །སེང་གེས་བཅིངས་པ་ལས་གྲོལ་མཛད། །
D485.085.0108a06.01དེ་ནས་དཔལ་ཤཱཀྱ་ཐུབ་པའི་ཐུགས་ཀར་ཡི་གེ་ཨ་ལས་ཟླ་བའི་དཀྱིལ་འཁོར་རོ། །དེ་ནས་ཟླ་བའི་དཀྱིལ་འཁོར་ལ་སྔགས་ཐམས་ཅད་ཀྱིས་བསྐྱེད་པར་བྱ་སྟེ། རྡོ་རྗེ་གཙུག་ཏོར་ནས་བརྩམས་ཏེ་ཇི་སྲིད་རྡོ་རྗེ་འབེབས་པའི་མཐར་ཐུག་པ་འབྱུང་བ་ཡིན་ནོ། །དེ་ནས་སྔགས་རྣམས་འབྱུང་སྟེ། །ཨོྃ་ན་མོ་བྷ་
D485.085.0108a07.01