完整藏文原文 · 德格版页 当前仅加载第 85 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རྣམ་པར་སྣང་མཛད་ལ་མངོན་དུ་བལྟས་པའོ། །དེ་ནས་ཐུན་མཚམས་ཀྱི་དུས་སུ་རྡོ་རྗེ་ཏི་རིནྟི་རིས་དག་པར་བཅིངས་ཏེ་མེ་ཏོག་སྔོན་པོའི་ཕྲེང་བ་བཟུང་ལ་དཀྱིལ་འཁོར་དུ་འཇུག་གོ། །ཡི་གེ་ཧཱུྃ་བཞི་པ་བརྗོད་ཅིང་རྡོ་རྗེ་རྣམ་པར་སྣང་མཛད་ལ་བསྐོར་བ་བདུན་
D485.085.0134a01.01དང་དུང་དང་དྲིལ་བུའི་སྒྲ་བསྒྲག་པར་བྱའོ། །དཀྱིལ་འཁོར་ཐམས་ཅད་ཀྱི་ཡང་ལྷག་པ་དང་ཆད་པའི་ཉེས་པ་ཞི་བར་བྱ་བའི་ངེས་པར་བལྟས་ཏེ་ཕྲེང་བ་བཅོམ་ལྡན་འདས་ལ་ཕུལ་ནས་རྡོ་རྗེའི་གར་བྱས་ལ་བླངས་ཏེ་ཡི་གེ་ཧཱུྃ་བཞི་པ་ཉིད་ཀྱིས་རང་གི་མགོ་བོར་བཅིང་ངོ་། །ཇི་ལྟར་ཆོ་ག་
D485.085.0134a02.01བཞིན་དུ་ཡང་། །གང་ཞིག་ཆད་པ་ཡོངས་སུ་བསྐང་། །མཁས་པས་ལྷག་པ་རྣམས་སྤང་ཕྱིར། །རྡོ་རྗེ་དྲིལ་བུ་ཀུན་རྟོག་བྱ། །འགྲུབ་འགྱུར་ཉེས་པ་སྤང་མི་བྱ། །ཞེས་གསུངས་སོ། །དེ་ནས་འདུག་པར་གྱུར་པ་ཡི། །རྡོ་རྗེ་སློབ་དཔོན་མཉམ་གཞག་པས། །རྡོ་
D485.085.0134a03.01རྗེ་སྒོ་ནི་བཞི་པོ་རྣམས། །ཡིད་ཀྱིས་དབྱེ་བར་བྱ་བ་ཉིད། །ཨོྃ་བཛྲོ་ཏྒྷ་ཊ་ཡ་ས་མ་ཡ་པྲ་བེ་ཤ་ཧཱུྃ་ཞེས་བྱའོ། །ཕྱག་རྒྱ་ཡང་འདི་ཡིན་ཏེ། རྡོ་རྗེ་ཁུ་ཚུར་གཉིས་གཤིབས་ཏེ། །མཛུབ་མོ་གན་རྐྱལ་ཡང་དག་གཟུང་། །ལེགས་པར་དྲག་ཏུ་རྣམ་པར་དབྱེ། །སྒོ་དབྱེ་བ་ཡི་ཆོ་ག་
D485.085.0134a04.01ཡི། །ཞེས་པའོ། །དེ་ནས་ལྕགས་ཀྱུ་ལ་སོགས་པས་ལས་རྣམས་བྱས་ལ་རིན་པོ་ཆེ་བདུན་ལས་བྱས་པའམ་ས་ལས་བྱས་པའི་བུམ་པ་ནག་པོ་ལ་སོགས་པ་མེད་པ། མགྲིན་པ་རིང་བ། མཆུ་འཕྱང་བ། ལྟོ་བ་ཆེ་བ། ལྷ་རྫས་ཀྱི་དྲིའི་ཆུ་དང་། རིན་པོ་ཆེ་དང་། སྨན་ཐམས་
D485.085.0134a05.01ཅད་དང་། འབྲུ་ཐམས་ཅད་ཀྱིས་ཡོངས་སུ་རྫོགས་པ། ཡལ་འདབ་དང་བཅས་པ། མགྲིན་པ་ལ་གོས་དམ་པས་ལེགས་པར་བཅིངས་ལ་བསྲུང་བ་བྱས་པ། ཕྱི་རོལ་ཀུན་དུ་ལྷ་རྫས་ཀྱི་དྲི་རྗེས་སུ་བྱུགས་པ་མེ་ཏོག་གི་ཕྲེང་བ་བཏགས་པའི་རྡོ་རྗེས་སྟེང་དུ་མཚན་པ། རྡོ་རྗེ་ཆེན་པོའི་
D485.085.0134a06.01བྱིན་གྱིས་བརླབས་པ། ཁྲོ་བོ་ཏི་རིནྟི་རིས་ཡོངས་སུ་བཟུང་བའི་རྡོ་རྗེ་དང་མེ་ཏོག་གི་ཡལ་འདབ་ཀྱིས། །ཨོྃ་བཛྲོ་ད་ཀ་ཧཱུྃ་ཞེས་བྱ་བ་འདི་སྟོང་རྩ་བརྒྱད་མངོན་པར་བསྔགས་པའི་ཡི་གེ་ཧཱུྃ་བཞི་པ་བརྒྱ་རྩ་བརྒྱད་མངོན་པར་བསྔགས་པ་བྱས་ལ། བཅོམ་ལྡན་འདས་རྡོ་རྗེ་ཧཱུྃ་མཛད་ཀྱི་སྤྱན་སྔར་
D485.085.0134a07.01