完整藏文原文 · 德格版页 当前仅加载第 85 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
རང་ཞིང་རང་གི་དམ་ཚིག་བྱིན་གྱིས་བརླབ་པར་བྱའོ། །དེ་ནས་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་ངལ་བསོ་པོས། བཅོམ་ལྡན་འདས་ཀྱིས་གནང་ཞིང་རྗེས་སུ་ཡི་རངས་ཏེ་བྱིན་གྱིས་བརླབས་པས་རང་གི་སྙིང་པོ་རང་གི་སྙིང་ག་ནས་ཕྱུང་ལ། ཨོྃ་བཻ། དེ་ནས་དྲི་ཟའི་རྒྱལ་པོ་
D485.085.0116b01.01ཆེན་པོ་ཡུལ་འཁོར་སྲུང་གིས་དེ་ཁོ་ན་བཞིན་རང་གི་སྙིང་པོ་བཤད་པ། །ཨོྃ་ཌྷྲྀ། དེ་ནས་གྲུལ་བུམ་གྱི་རྒྱལ་པོ་ཆེན་པོ་འཕགས་སྐྱེས་པོས་དེ་ཁོ་ན་བཞིན་དུ་རང་གི་སྙིང་པོ་བཤད་པ། ཨོྃ་བྷི། དེ་ནས་ཀླུའི་རྒྱལ་པོ་ཆེན་པོ་མིག་མི་བཟང་གིས་དེ་ཁོ་ན་བཞིན་དུ་རང་གི་སྙིང་པོ་བཤད་པ།
D485.085.0116b02.01ཨོྃ་ཀྵ། དེ་ནས་དེ་དག་གིས་དཀྱིལ་འཁོར་བཤད་དེ། གྲུ་བཞི་པ་ལ་སྒོ་བཞི་པ། །དཀྱིལ་འཁོར་ལྔས་ནི་བརྒྱན་པ་སྟེ། །དེ་ཡི་དབུས་སུ་མགོན་པོ་ནི། །ཕྱག་ན་རྡོ་རྗེ་འགྱིང་བཅས་བྲི། །དེ་ཡི་གཡོན་པའི་ལོགས་སུ་ནི། །ངལ་བསོ་རྣམ་ཐོས་བུ་དགེ་ཡི། །ལག་ན་
D485.085.0116b03.01བེ་ཅོན་ནེའུ་ལེ། །རིན་པོ་ཆེ་ཡི་རྒྱན་གྱིས་བརྒྱན། །སྦོམ་ཞིང་སེང་གེའི་གདན་ལ་བཞུགས། །གསེར་མདོག་གཟི་བརྗིད་ལྡན་པ་བྲི། །མཁས་པས་བུམ་པ་བཟང་ལ་སོགས། །རིན་ཆེན་ཚོགས་ཆར་འབབ་པ་བྲི། །མདུན་དུ་ཡུལ་འཁོར་སྐྱོང་ཉིད་ནི། །པི་ཝང་སྒྲོགས་
D485.085.0116b04.01པར་ཡང་དག་བརྩོན། །མཛེས་ཤིང་ཁ་དོག་ལྗང་གུ་ཉིད། །རྒྱན་རྣམས་ཀུན་གྱིས་བརྒྱན་པ་བྲི། །གཡས་སུ་དཔའ་བོ་ལུས་འཕགས་པོ། །རལ་གྲི་ཕྱག་ན་བསྣམས་པ་བྲི། །ནུབ་ཏུ་ཡང་ནི་མིག་མི་བཟང་། །རྡོ་རྗེ་ཞགས་པ་འཛིན་ཅིང་མཆོག །སྦྲུལ་མགོ་བདུན་གྱིས་
D485.085.0116b05.01ཡོངས་སུ་བསྐོར། །མིག་ནི་དམར་ཞིང་ཤིན་ཏུ་འབུར། །སྒོ་ཡི་ཕྱོགས་ནི་ཐམས་ཅད་དུ། །སྒོ་སྐྱོང་རྣམས་ཀྱང་དེ་བཞིན་ནོ། །དེ་ནས་སྔགས་པ་རང་ཉིད་འཇུག །འཁོར་ལོའི་ཕྱག་རྒྱ་ཞེས་གྲགས་པའི། །བཅོམ་ལྡན་འདས་ཉིད་སྤྱན་དྲང་ཞིང་། །དེ་ནས་རྒྱལ་པོ་སྤྱན་དྲང་ངོ་། །
D485.085.0116b06.01སྤྱན་དྲངས་ནས་ནི་མཁས་པས་མཆོད། །མཆོད་ཡོན་ཞབས་བསིལ་ཆོ་ག་བཞིན། །དེ་ནས་སློབ་མ་རྒྱལ་རིགས་སམ། །རྗེ་རིགས་བྲམ་ཟེ་ལ་སོགས་ཀྱང་། །མེ་ཏོག་ཕྲེང་བས་རྣམ་བརྒྱན་པ། །སྔགས་ཤེས་པ་ཡི་སྔགས་འདི་དང་། །རྡོ་རྗེ་འཛིན་མའི་ཕྱག་རྒྱས་གཞུག །
D485.085.0116b07.01