完整藏文原文 · 德格版页 当前仅加载第 85 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་བྱེད་ཅིང་། །ཤའམ་ཡང་ན་ཆང་མཆོག་གིས། །ཐོད་པ་བཀང་སྟེ་དབུལ་བར་བྱ། །དེ་ནས་འཇིགས་བྱེད་མ་རུངས་འཇོམས། །མགུ་ཞིང་རབ་ཏུ་འགྲུབ་གྱུར་ནས། །ཅི་འདོད་སྨྲོས་ཤིག་ཅེས་བྱ་བ། །མགུ་བའི་ཡིད་ཀྱིས་དེ་སྦྱིན་བྱེད། །ས་རྣམས་
D485.085.0121a01.01སྦྱིན་པ་མ་གཏོགས་པར། །རོ་དང་བཅུད་ལེན་རྫས་དང་ནི། །རལ་གྲི་འཁོར་ལོ་རྩེ་གསུམ་དང་། །མཐོ་རིས་ས་སྟེངས་ས་འོག་དང་། །གླིང་དང་གླིང་བཞིའི་རྒྱལ་སྲིད་དང་། །བརྒྱ་བྱིན་ཉིད་དང་གནོད་སྦྱིན་དབང་། །སྲིན་པོ་ཉིད་དང་རིག་འཛིན་ཉིད། །རིག་འཛིན་འཁོར་ལོས་
D485.085.0121a02.01སྒྱུར་བ་ཉིད། །འཇིག་རྟེན་གསུམ་གྱི་བདག་པོ་ཉིད། །བཀའ་ཉན་ཉིད་ཀྱང་རང་ཉིད་དམ། །མ་མོའི་ཚོགས་རྣམས་སྟེར་བར་འགྱུར། །དངོས་གྲུབ་གང་ཡང་རུང་བ་ནི། །ཇི་ལྟར་འདོད་པ་བླང་བར་བྱ། །ཧཱུྃ་གི་རྣམ་པར་མངོན་ཕྱོགས་ཤིང་། །བྱིན་ནས་དགོད་ཅིང་འགྲོ་བར་
D485.085.0121a03.01བྱེད། །སྐྲག་ན་དེ་མ་ཐག་ཏུ་གསོད། །དེ་ནས་ཚངས་པ་ལ་སོགས་པ་ལྷ་ཆེན་པོ་རྣམས་ཀྱིས་བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་ཀྱང་བཅོམ་ལྡན་འདས་ཀྱིས་བཀའ་གནང་ན་རང་གི་རྟོགས་པ་བཤད་པར་འཚལ་གྱིས།
D485.085.0121a04.01དེ་ནས་བཅོམ་ལྡན་འདས་ཀྱིས་ཐུགས་བརྩེ་བར་དགོངས་ཏེ་བྱིན་གྱིས་བརླབ་པར་གསོལ། དེ་ནས་ཚངས་པ་ལ་སོགས་པ་ལྷ་རྣམས་ཀྱིས་རང་རང་གི་སྙིང་པོ་རྣམས་བཤད་དོ། །ཨོྃ་ཨཱྃ། ཨོྃ་བི། ཨོྃ་རུ། ཨོྃ་ཨི། ཨོྃ་ཀྃ། ཨོྃ་ག །ཨོྃ་བྲྀ། ཨོྃ་ཀ །དེ་ནས་དེ་དག་གི་
D485.085.0121a05.01དཀྱིལ་འཁོར་བཤད་དེ། དཀྱིལ་འཁོར་སྔ་མ་བཞིན་བྲིས་ལ། །དབུས་སུ་འཇིག་རྟེན་གསུམ་འདུལ་བ། །དེ་ཡི་མདུན་དུ་དཔའ་བོ་ནི། །དབང་ཕྱུག་ལག་ན་རྩེ་གསུམ་བྲི། །རྒྱབ་ཏུ་ཚངས་པའི་རྣམ་པར་བྲི། །གཡོན་དུ་ལག་ན་འཁོར་ལོ་ཅན། །གཡས་ན་དབང་པོ་རང་ཉིད་ཀྱི། །
D485.085.0121a06.01ཕྱག་རྒྱའི་མཚན་མ་ལག་ཐོགས་བྲི། །སྒོ་སྐྱོང་རང་བཞིན་འདིར་དེ་རྣམས། །ཆུང་མ་རང་གི་དཀྱིལ་འཁོར་དུ། །བུམ་པ་བུམ་པ་བཀང་བ་ཡང་། །ཕྱི་རོལ་དཀྱིལ་འཁོར་དུ་ནི་གཞག །སྟོབས་བཟང་ལ་སོགས་མཐུ་ཆེན་ཡང་། །དེ་ནས་འཇུག་བྱ་ལྷ་རྣམས་ཡིན། །མཁས་
D485.085.0121a07.01