完整藏文原文 · 德格版页 当前仅加载第 85 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སྣང་། །འགག་མེད་ཉིད་ཀྱི་ཐུགས་རྗེའི་སྤྱོད་པ་མི་གཡོ་བ། །འཇིག་རྟེན་གསུམ་ལ་མཆོག་གི་དངོས་གྲུབ་སྩོལ་བ་འཇུག །དཔག་མེད་དཔག་བྲལ་རྣམས་ལ་ཤིན་ཏུ་རྫོགས་ཉིད་རྫོགས། །བདེ་བའི་གནས་སུ་གཤེགས་ཀྱང་ཨེ་མའོ་ཆོས་ཉིད་བཟང་། རྟག་
D485.085.0111b01.01ཏུ་མཆོག་སྦྱིན་ཉིད་དེ་བདེ་འགྲོ་ཉིད་དུ་གཤེགས། །མཐའ་དག་འཇིག་གསུམ་ལ་གྲུབ་མཆོག་ནི་སྩལ་བ་པོ། །བདེ་གཤེགས་དུས་གསུམ་བསྒྲོད་ཉིད་སྒྲིབ་པ་མི་མངའ་ཉིད། དམ་ཚིག་གསུམ་མཆོག་དངོས་གྲུབ་མཆོག་སྦྱིན་བདག་ལ་སྩོལ། །ཅེས་པ་དང་། ཐམས་ཅད་ལ་ལྕེ་བརྒྱ་པའི་
D485.085.0111b02.01ཁ་ཡིས་བསྟོད་པ་ཉེ་བར་སྤྱོད་པར་མོས་ཏེ་རྡོ་རྗེ་དང་དྲིལ་བུ་འཛིན་པས་བསྟོད་པར་བྱའོ། །དེ་ནས་ཕྱོགས་བཅུར་དེ་བཞིན་གཤེགས་པ་དང་བྱང་ཆུབ་སེམས་དཔའ་ཐམས་ཅད་དང་འཇིག་རྟེན་དང་འཇིག་རྟེན་ལས་འདས་པའི་ཕྱི་རོལ་གྱི་ལྷ་རྣམས་ལ་མཆོད་པ་ཐམས་ཅད་དང་གཏོར་མའི་ཆོ་ག་ཉེ་བར་མཁོ་
D485.085.0111b03.01བ་དང་བཅས་པའི་གཏོར་མ་དབུལ་ལོ། །དཔུང་པ་བཟང་པོའི་ཚིགས་བཅད་བརྗོད་དོ། །དང་པོར་སེ་གོལ་ལ་སོགས་སྒྲས། །ཁམས་གསུམ་རྣམ་རྒྱལ་ཕྱག་རྒྱ་ཡིས། །སྡིག་པའི་ཕུང་པོ་དགུག་བྱ་ཞིང་། །ཡི་གེ་གསུམ་སོགས་ཡང་དག་ལྡན། །འཇིག་རྟེན་ཁམས་ནི་མ་ལུས་པའི། །སྡིག་
D485.085.0111b04.01པ་ཐམས་ཅད་མཉམ་པོར་སྤོང་། །དགུག་དང་གདོན་དང་བཅིང་བ་རྣམ་པར་གཞོམ། །སྔགས་བཞི་པོ་རྣམས་ལེགས་པར་སྦྱར་བ་ནི། །བདག་སོགས་བསྔགས་ཏེ་ཡུངས་ཀར་དང་པོ་བརྡེག །ཤི་བའི་རུས་པ་གོས་ལ་རབ་བཀྲུ་བ། །ཨོྃ་ཤོ་དྷ་ནེ་ཞེས་སོགས་སྔགས་ཀྱིས་ནི། །སྲིད་གསུམ་
D485.085.0111b05.01དྲི་མ་ཆུ་ཡིས་བཀྲུ་བར་བྱ། །ཨོྃ་ཀྃ་ཀ་ནི་ཞེས་སོགས་སྔགས་ཀྱིས་ནི། །བ་ཡི་རྣམ་པ་ལྔ་ཡིས་བཀྲུ་བར་བྱ། །ཨོྃ་རཏྣེ་རཏྣེ་ཞེས་སོགས་སྔགས་ཀྱིས་ནི། །དྲི་{བཟངས་,བཟང་}རྣམས་ནི་ཀུན་གྱིས་བཀྲུ་བར་བྱ། །ཨོྃ་ཨ་མོ་གྷ་ཨཱ་བ་ར་ཎ་སོགས། །སྔགས་ཀྱིས་བ་ཡི་འོ་མས་བཀྲུ་བར་བྱ། །ཨོྃ་ཨ་མི་
D485.085.0111b06.01ཏེ་ཨ་མི་ཏེ་ཞེས་སོགས། །སྔགས་ཀྱིས་ཆང་མཆོག་གིས་ཀྱང་བཀྲུ་པར་བྱ། །ཨོྃ་པུ་ཎྱེ་སོགས་པའི་སྔགས་ཀྱིས་ནི། །བར་དང་བར་དུ་ཆུ་ཡིས་བཀྲུ་བར་བྱ། །ཡང་བཀྲ་ཤིས་ཀྱི་གླུ་བླང་ཞིང་དབང་བསྐུར་ཏེ། ལམ་སྦྱང་བ་བྱའོ། །བདུག་པ་ལ་སོགས་ལྷ་མོ་བཞིའི་སྔགས་སོ། །དེ་
D485.085.0111b07.01