完整藏文原文 · 德格版页 当前仅加载第 82 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲེང་བ་མཚུངས་པའི་འོད། །ཀུན་གྱི་ལས་ཅན་གསང་སྔགས་ཀྱི། །རྗོད་པ་རྣམས་ཀྱིས་བརྗོད་བྱས་ནས། །རལ་གྲི་འབར་བས་འཁྲུགས་པའི་སེམས། །འཕྲོ་ཞིང་འཐིབས་པ་ཀུན་དུ་འཁྲུགས། །ཁྲུ་གང་ཙམ་དུ་ཡང་དག་བསྐྱེད། །ཁྲོ་བར་བྱེད་པའི་ཁྱད་པར་བྱ། །
D452.082.0098b01.01ཕོ་ཉ་མངག་གཞུག་སོགས་སྔགས་རྣམས། །རྡོ་རྗེའི་དཀྱིལ་འཁོར་སྒོམ་པའོ། །ཉི་མའི་དཀྱིལ་འཁོར་སྦྱོར་བ་ལས། །སྒོམ་པས་མཆོག་ཏུ་མཐོང་བར་འགྱུར། །དབྱུག་པ་ཐོ་བ་དགྲ་སྟ་དང་། །ཞགས་པ་པཊྚི་ས་སྒོམ་པའི། །ཆོ་གས་བསྒོམ་པར་བྱས་
D452.082.0098b02.01ནས་ནི། །རྡོ་རྗེ་འཆང་རྣམས་མཉེས་པར་བྱེད། །འདི་དེ་སྔགས་རྣམས་ཐམས་ཅད་ཀྱི། །སྐུ་གསུང་ཐུགས་ཀྱི་སྒོམ་པ་སྟེ། །རྡོ་རྗེ་ཡེ་ཤེས་ཅན་གྱིས་གསང་། །ཡེ་ཤེས་དངོས་གྲུབ་ཅན་དུ་བརྗོད། །བཅོམ་ལྡན་འདས་རྡོ་རྗེ་སེམས་དཔས་དེ་སྐད་ཅེས་
D452.082.0098b03.01གསུངས་སོ། །གང་ཞིག་དངོས་གྲུབ་མཆོག་འདོད་ན། །ཆོ་ག་ཤེས་པས་སྦྱིན་སྲེག་བྱ། །དེ་ཉིད་གསང་བའི་ཏིང་འཛིན་གནས། །རྣམ་པ་སྣ་ཚོགས་སྦྱིན་སྲེག་བརྩམ། །དཀྱིལ་འཁོར་བཞི་ཡི་སྦྱོར་བ་ལས། །རིགས་ཀྱི་ལས་ནི་སྒྲུབ་པར་བྱེད། །ཨོཾ་
D452.082.0098b04.01ཡིག་སྔགས་ཀྱི་དབྱེ་བ་ཡིས། །སྒོམ་པས་དངོས་གྲུབ་ཐོབ་པར་འགྱུར། །ཞི་བ་ཅན་ལ་དཀྱིལ་འཁོར་ཟླུམ། །རྒྱས་པ་ཅན་ལ་ཟུར་བཞི་པ། །མངོན་སྤྱོད་ལ་ནི་གྲུ་གསུམ་མཆོག །དབང་བྱ་གཞུ་ཡི་རྣམ་པའོ། །ཞི་ལ་མེ་ཡི་དབུས་སོན་པར། །
D452.082.0098b05.01བདུད་རྩི་ལྟ་བུར་བསྒོམ་པར་བྱ། །དེ་ཉིད་ལ་ནི་ལྷ་ཡི་གཟུགས། །རང་གི་ཚུལ་གྱིས་བསྒོམ་པར་བྱ། །བདག་ཉིད་བདག་པོའི་ཚུལ་གྱིས་ནི། །འདི་ནི་རྡོ་རྗེའི་ཚུལ་ལས་བྱུང་། །ཁ་ནི་རབ་ཏུ་གདངས་བྱས་ནས། །མེ་སྟག་འཐིབས་པས་འཁྲུགས་པ་ཡི། །
D452.082.0098b06.01སྔགས་པས་ལྕེ་ཡི་དབུས་སོན་པར། ཧཱུྃ་ཡིག་དེ་ཡིས་བསམ་པར་བྱ། །བཅོམ་ལྡན་འདས་སྦྱིན་སྲེག་རྡོ་རྗེས་དེ་སྐད་ཅེས་གསུངས་སོ། །ཆོ་ག་ཤེས་པས་འོ་མ་སྦྲང་། །མར་ནི་ཞི་བའི་རིགས་ལ་སྤྱད། །མར་ཁུ་ཆེན་པོའི་བྱེ་བྲག་ལས། །ཡེ་ཤེས་རྡོ་རྗེའི་རིགས་
D452.082.0098b07.01