完整藏文原文 · 德格版页 当前仅加载第 82 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་སུ་འཚེད་པར་འགྱུར། །སྔགས་ཙམ་གལ་ཏེ་ཚངས་པ་ལ། །ལག་པ་གཉིས་ཀྱིས་ཡང་དག་བརྩམ། །ཇི་སྲིད་ནམ་མཁའ་ཡང་དག་འབྱུང་། །མནར་མེད་གནས་སུ་འཚེད་པར་འགྱུར། །བུད་མེད་གསང་མིན་བརྗོད་བྱ་མིན། །
D452.082.0094a01.01གང་ཞིག་ལ་ལ་སློབ་དཔོན་ཆེད། །བདེ་དང་ལུས་སེམས་སྡུག་བསྔལ་བ། །སྦྱོར་བ་ཇི་སྲིད་འཚོ་ཡི་བར། །གལ་ཏེ་སློབ་དཔོན་རྣམས་ཀྱི་བཀའ། །དགའ་བའི་སེམས་ཀྱིས་བྱས་གྱུར་ན། །དེ་ཚེ་བདག་ལ་སངས་རྒྱས་སོགས། །འགྲུབ་འགྱུར་འདིར་
D452.082.0094a02.01ནི་ཐེ་ཚོམ་མེད། །དེ་ལ་ཇི་སྲིད་འཚོ་ཡི་བར། །བརྡ་ཡིས་ཀུན་དུ་གནས་པར་བྱ། །དཀུ་རུ་བརྟེན་པའི་ལག་པ་སོགས། །ཇི་སྲིད་འཚོ་བར་མི་བྱའོ། །དངོས་གྲུབ་འབྲས་བུ་དོན་གཉེར་བས། །སློབ་དཔོན་མིང་ནས་སྨོས་མི་བྱ། །ཇི་སྲིད་ནམ་མཁའ་ཡང་དག་
D452.082.0094a03.01འབྱུང་། །མནར་མེད་དམྱལ་བར་འཚེད་པར་འགྱུར། །དེ་བཞིན་གཤེགས་པ་ཇི་ལྟ་བ་དེ་བཞིན་དུ་བྱའོ་ཞེས་སོ། །བཟའ་བ་ལ་ཡང་རང་སློབ་ཤེས། །སངས་རྒྱས་གཟུགས་སུ་རྣམ་བསྒོམ་བྱ། །དེ་ཡི་མིང་གི་ཡི་གེ་གང་། །ཇི་སྲིད་འཚོ་བར་བརྗོད་མི་བྱ། །
D452.082.0094a04.01སངས་རྒྱས་གྲངས་མེད་བསད་བྱས་ན། །སྡིག་པ་འདི་ནི་ཁྱད་པར་འཕགས། །གང་ཚེ་ཁ་ཅིག་ཡོན་ཏན་འདིས། །བསྟོད་ན་བསོད་ནམས་ཡང་དག་འབྱུང་། །དེ་ཚེ་སློབ་དཔོན་རྟོག་མེད་པས། །གཞན་དུ་གལ་ཏེ་རྨོངས་པ་བདག །དེ་ཚེ་ངུ་འབོད་དུ་འཚེད་
D452.082.0094a05.01འགྱུར། །གང་ཚེ་དེ་བེ་མཱ་པཱ་ཏི། །གུས་པས་ཉན་སོགས་བསྙེན་པ་གང་། །དེ་ཚེ་སློབ་མ་སྔགས་ཞུ་དང་། །ཇི་ལྟར་ཁ་ཅིག་སློབ་དཔོན་རྣམས། །བདེ་བ་དངོས་སུ་མཐོང་བར་འགྱུར། །གང་ཞིག་ལ་ལ་སློབ་དཔོན་རྣམས། །བདག་ཉིད་ཐིག་ནག་འཚོད་ཅིང་
D452.082.0094a06.01འཚེང་། །དེ་དག་ངུ་འབོད་དུ་འཚེད་འགྱུར། །སློབ་དཔོན་གང་ཞིག་ཚོལ་བྱེད་པ། །དེ་ནི་དེ་ལ་དབུལ་བར་བྱ། །གཞན་དུ་དངོས་གྲུབ་མེད་པ་ཉིད། །སློབ་མའི་མ་བརྟག་སློབ་དཔོན་གྱི། །ཆུང་མའི་དོན་དུ་བསྒྲུབ་པར་བྱ། །ཡང་ན་སྲིང་མོ་དེ་བྱིན་ནས། །འགྲུབ་
D452.082.0094a07.01