完整藏文原文 · 德格版页 当前仅加载第 82 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་གནས་པར། ཟླ་བའི་དཀྱིལ་འཁོར་སྒོམ་པའོ། །བདག་ཉིད་དེ་ལ་བསམ་པ་ནི། དགའ་བ་བསྐྱེད་པའི་ཆོ་ག་ལས། སྙིང་གི་དབུས་སོན་ཕྲ་མོ་ནི། །དྲི་མེད་ཟླ་བའི་དཀྱིལ་འཁོར་ལ། །སྔགས་ཡིག་ཕྲ་མོའི་གཟུགས་རྣམས་ཀྱིས། །དེ་དེ་སེམས་
D452.082.0062b01.01ལ་བསམ་པར་བྱ། །ཨོཾ་ཡིག་འོད་ཟེར་ཡང་དག་སྦྱོར། །འབར་བའི་ཕྲེང་བ་མཉམ་པའི་འོད། །སངས་རྒྱས་གཟུགས་སོགས་མཚན་ཉིད་ཀྱིས། །ཆོ་ག་ཤེས་པས་དབྱུང་བར་བྱ། །སངས་རྒྱས་གཟུགས་རྣམས་ཐམས་ཅད་དུ། །ཟླ་བའི་དཀྱིལ་འཁོར་
D452.082.0062b02.01སྒོམ་པ་ནི། །སངས་རྒྱས་བསྐྱེད་པའི་ཆོ་ག་ལས། །རང་གི་གཟུགས་སུ་དེ་ལ་བྱའོ། །རྡོ་རྗེ་ཐུགས་སུ་ཆོ་ག་ལས། །ཉི་མ་ལྔ་ནི་དགོད་བྱ་བ། །སྔགས་པས་ཟླ་བའི་དཀྱིལ་འཁོར་ཅན། །དཔྲལ་བ་རུ་ནི་རྣམ་པར་བསྒོམ། །འོད་ཟེར་འབར་བ་མཉམ་པའི་
D452.082.0062b03.01འོད། །སངས་རྒྱས་གཟུགས་སུ་རྣམ་པར་བསྒོམ། །འཇིག་རྟེན་ཁམས་རྣམས་རིམ་པར་འདས། །སླར་ཡང་དེ་ལ་རབ་གཞུག་བྱ། །ཁྲུ་ཡི་ཚད་ལས་འདས་པ་ཡིས། །ཟླ་བའི་དཀྱིལ་འཁོར་བསྒོམ་པ་ནི། །རྡོ་རྗེ་སེམས་དཔའ་ཡང་དག་བསྐྱེད། །
D452.082.0062b04.01རང་གི་གཟུགས་ཉིད་བསྒོམ་པར་བྱ། །བཅོམ་ལྡན་འདས་ཀུན་ཏུ་བཟང་པོས་དེ་སྐད་ཅེས་གསུངས་སོ། །ཡེ་ཤེས་ཀྱི་རིགས་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ནོ། །ཉི་མའི་དཀྱིལ་འཁོར་དབུས་གནས་པར། །རང་གི་གཟུགས་ནི་བསྒོམ་བྱ་དགེ། །
D452.082.0062b05.01ཟུར་དུ་རྣམ་སྣང་གཞག་བྱ་སྟེ། །རྡོ་རྗེ་སེམས་དཔའ་རྣམ་བསྒོམ་བྱ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །ཆོ་ག་ཤེས་པས་གཟུགས་བཅུ་དྲུག །ཁ་དོག་བཞིར་ནི་རྣམ་བསམ་བྱ། །སྙིང་ག་རྣམས་དང་ཐམས་ཅད་དུ། །ལྷ་རྣམས་དེ་
D452.082.0062b06.01ལ་བསྒོམ་པར་བྱ། །ཞེས་བཅོམ་ལྡན་འདས་རྡོ་རྗེ་འཆང་གིས་གསུངས་སོ། །རང་གི་གཟུགས་ལ་བགེགས་འཇོམས་པར། །སེམས་ལ་བརྟན་པར་བསྒོམ་པར་བྱ། ཧཱུྃ་ཡིག་དབུགས་ལས་ཕྱུང་ནས་ནི། །འོད་ཟེར་རྣམ་པར་རབ་ཏུ་གཞུག །ཅེས་བཅོམ་
D452.082.0062b07.01