完整藏文原文 · 德格版页 当前仅加载第 82 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་སོ། །རང་གཟུགས་གཟུགས་ཀྱི་ཚུལ་གྱིས་ནི། །གསང་སྔགས་ཡི་གེ་རྣམ་པར་བསྒོམ། །རྡོ་རྗེ་སེམས་དཔའ་རྣམ་བསྒོམས་པས། །ཆོ་ག་ཤེས་པས་སྤྲོ་བར་བྱ། །བྱང་ཆུབ་སེམས་སུ་རང་གཟུགས་ནི། །དེ་ཉིད་སྒོམ་པས་བསྒོམ་
D452.082.0066a01.01པར་བྱ། །བགེགས་ནི་སྔགས་ལ་ཡང་དག་བསྐྱེད། །འཇིག་རྟེན་ཁམས་སུའང་སྤྲོ་བར་བྱ། །མི་སྡུག་གཙིགས་ཤིང་འཇིགས་པ་ནི། །བགེགས་ཀྱི་དགྲ་དེ་དབྱུང་བར་བྱ། །བྱང་ཆུབ་སེམས་སུ་དེ་ཕྱུང་ནས། །འཇིག་རྟེན་ཁམས་འདིར་སྤྲོ་བར་བྱ། །རང་གཟུགས་
D452.082.0066a02.01ཉི་མའི་དབུས་གནས་པར། །རྣོན་པོ་འབར་བས་རྣམ་པར་བརྒྱན། །ལས་ཀྱི་རྡོ་རྗེ་ཤིན་ཏུ་མཛེས། །ཆོ་ག་ཤེས་པས་དབྱུང་བར་བྱ། །དང་པོའི་རྣལ་འབྱོར་ཡང་དག་བསྐྱེད། །ཤིན་ཏུ་བརྟན་པ་བརྟན་པའི་སེམས། །ཆོ་ག་ཉེ་བར་མཐོང་བ་ཡིས། །དང་པོའི་རྣལ་འབྱོར་
D452.082.0066a03.01ཡང་དག་བརྩམ། །རང་གཟུགས་ཨུཏྤལ་ར་བསམས་ནས། །སྣ་ཚོགས་འོད་ཟེར་མཉམ་པར་ལྡན། །ལྷ་ཡི་གཟུགས་སུ་ཡང་དག་སྦྱོར། །དེ་ཡི་སྟེང་དུ་རྣམ་བསྒོམ་བྱ། །ཇི་སྲིད་ནམ་མཁའི་དཀྱིལ་འཁོར་དུ། །སྔགས་པས་འཇིག་རྟེན་གསུམ་དུ་སྤྲོ། །སངས་རྒྱས་
D452.082.0066a04.01གཟུགས་ནི་ཡང་དག་བསྐྱེད། །ཁ་དོག་དཀར་པོ་ཤིན་ཏུ་མཛེས། །ཟླ་བའི་དཀྱིལ་འཁོར་དབུས་གནས་པར། །ཡིད་དགའ་བ་ནི་བསྒོམ་པར་བྱ། །ཐོ་བའི་རྣམ་པ་ཡང་དག་སྦྱོར། །ཆོ་གས་རྟག་ཏུ་བསྒོམ་པར་བྱ། །རྡོ་རྗེ་སེམས་དཔའ་སོགས་གསུངས་པས། །
D452.082.0066a05.01ཇི་ལྟར་རིགས་པར་པི་ཊུའི་ཏ། །རང་གཟུགས་གསལ་བ་འབར་བའི་འོད། མཱ་མ་ཀཱི་སོགས་རྣམ་བརྒྱན་པས། །རྡོ་རྗེ་སེམས་དཔའ་ཡང་དག་བསྐྱེད། །འཇིག་རྟེན་གསུམ་དུ་ཡང་སྤྲོ་བྱ། །རྡོ་རྗེ་ཡེ་ཤེས་ཡང་དག་བསྐྱེད། །ཁྲོ་བོ་ཡང་དག་སྦྱོར་བསྒོམས་
D452.082.0066a06.01པས། །རང་གཟུགས་འབར་བ་མཚུངས་པ་ཡིས། །ཆོ་ག་ཤེས་པས་སྤྲོ་བར་བྱ། །ཉི་མའི་དཀྱིལ་འཁོར་དབུས་གནས་པར། །མཁས་པས་རང་གི་གཟུགས་བསྒོམ་བྱ། །རྩེ་མོ་ལྔ་ཡི་རྡོ་རྗེ་ཆེ། །འཇིག་རྟེན་ཁམས་སུ་ཡང་སྤྲོ་བྱ། །ཁྲོ་བོའི་གཟུགས་
D452.082.0066a07.01