完整藏文原文 · 德格版页 当前仅加载第 82 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
དགྲར་ཡང་དག་བསྐྱེད་བསམས་ནས། །བཟླས་པ་ཀུན་ཏུ་བརྩམ་པར་བྱ། །མཐོ་གང་ཙམ་ལས་འདས་པ་རུ། །ཡེ་ཤེས་དཀྱིལ་འཁོར་སྒོམ་པ་ནི། །རྣམ་སྣང་མཛད་ཀྱི་གཟུགས་བསམས་ནས། །འཇིག་རྟེན་ཁམས་སུ་འདི་སྤྲོ་བྱ། །མཐོ་གང་
D452.082.0067a01.01ཙམ་ལས་འདས་པ་རུ། །པདྨའི་དཀྱིལ་འཁོར་སྒོམ་པ་ནི། །དབུས་སུ་གཟུགས་ནི་ཡང་དག་བསྐྱེད། །གཞོགས་སུ་སངས་རྒྱས་ཡང་དག་བསྒོམ། །རྒྱང་གྲགས་ཙམ་ལས་འདས་པར་ནི། །ཕྲ་མོའི་དཀྱིལ་འཁོར་སྒོམ་པ་ནི། །དབུས་སུ་གཟུགས་ནི་ཡང་དག་
D452.082.0067a02.01བསྐྱེད། །འཇིག་རྟེན་ཁམས་འདིར་སྤྲོ་བར་བྱ། །བཅོམ་ལྡན་འདས་རྡོ་རྗེ་ཅན་གྱིས་དེ་སྐད་ཅེས་གསུངས་སོ། །རྒྱང་གྲགས་ཙམ་ལས་འདས་པར་ནི། །ཟླ་བའི་དཀྱིལ་འཁོར་སྒོམ་པ་ནི། །སངས་རྒྱས་གཟུགས་ནི་ཡང་དག་བསྐྱེད། །གཞོགས་སུ་བཙུན་
D452.082.0067a03.01མོ་དགོད་པར་བྱ། །བཙུན་མོ་རྣམས་ནི་ཐམས་ཅད་དུ། །འོད་ཟེར་ལྔ་ནི་རྣམ་བསྒོམ་བྱ། །མེ་ཏོག་ཡིད་དགའ་འདི་རྣམས་ཀྱིས། །ཆོ་ག་ཤེས་པས་མཆོད་པར་བྱ། །འཕྲོག་བྱེད་དྲི་ཡི་སྤྲིན་ལ་སོགས། །བསམས་ནས་སངས་རྒྱས་མཆོད་པར་བྱ། །བཅོམ་
D452.082.0067a04.01ལྡན་འདས་རྡོ་རྗེའི་སྤྱན་གྱིས་དེ་སྐད་ཅེས་གསུངས་སོ། །ཆོ་ག་ཤེས་པས་བཙུན་མོ་ནི། །སེར་པོ་ལྟ་བུར་བསམས་ནས་ནི། །སངས་རྒྱས་སྲས་པོ་འདུས་པ་ནི། །རྣལ་འབྱོར་བསྐྱེད་དེ་བསྒོམ་པར་བྱ། །དེ་དབྱུང་ཇི་ལྟ་བར་བཀོད་ལ། །རྡོ་རྗེ་སེམས་དཔའ་རྣམ་
D452.082.0067a05.01བསྒོམ་བྱ། །རྡོ་རྗེ་སེམས་དཔའ་ཡང་དག་བསྐྱེད། །རིགས་ཀྱི་དབྱེ་བ་བསྒོམ་པར་བྱ། །རྒྱང་གྲགས་ཙམ་ལས་འདས་པར་ནི། །ཡེ་ཤེས་ཕྲ་མོ་རྣམ་པར་བསྒོམ། །རང་གཟུགས་གཟུགས་ཀྱི་ཚུལ་གྱིས་ནི། །དབུས་སུ་ཡང་དག་བཞག་བསྒོམ་བྱ། །ཆོ་ག་
D452.082.0067a06.01ཤེས་པས་རྡོ་རྗེའི་རྩེར། །རྣམ་པ་ལྔ་རུ་རྣམ་བསྒོམ་བྱ། །དཀར་པོ་ཡེ་ཤེས་རིགས་རབ་བརྗོད། །ནག་པོ་བསྡུས་པའི་རིགས་སུ་དྲན། དམར་པོ་པདྨའི་རིགས་ཤེས་བྱ། སེར་པོ་འདོད་པའི་རིགས་སུ་དྲན། །མཛེས་པའི་གཟུགས་ནི་རབ་གསལ་བར། །
D452.082.0067a07.01