完整藏文原文 · 德格版页 当前仅加载第 82 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
རང་གི་སྔགས་ཀྱི་མཆོག །ཕྱག་རྒྱ་ཤེས་ནས་སྒྲུབ་པ་པོ། །ཆོ་ག་ཤེས་པས་བསྐྱེད་པར་བྱ། །མྱུར་དུ་འགྲུབ་བྱེད་གཞན་དུ་མིན། །ཕྱག་རྒྱ་ཆེན་པོར་རབ་བསྒོམས་ནས། །ནམ་མཁའི་ལམ་གྱི་དབུས་ལས་ནི། །དབུས་སུ་ཉི་མ་དང་མཚུངས་
D452.082.0098a01.01པའི། །དཀྱིལ་འཁོར་དགེ་བ་བསྒོམ་པར་བྱ། །སྔགས་པས་དཀྱིལ་འཁོར་ལས་ངོས་སུ། །ཟླ་བའི་དཀྱིལ་འཁོར་བསྒོམ་པར་བྱ། །བདག་པོའི་གཟུགས་ནི་ཡང་དག་བསྐྱེད། །དེ་ཡིས་མི་གཡོ་བསྒོམ་པར་བྱ། །རིན་ཆེན་བཞི་བྱུང་སྒོ་ང་རུ། །སྦྲང་རྩི་མར་
D452.082.0098a02.01གྱིས་རབ་ཏུ་དགང་། །སྔགས་ཀྱི་ཡི་གེ་རྣམ་བསྒོམས་ནས། །བསམ་པ་དེ་ཡིས་སྦྱིན་སྲེག་བྱ། །དཀྱིལ་འཁོར་ལྔ་ཡི་ཚུལ་གྱིས་ནི། །དབུས་སུ་ཧཱུྃ་གི་ཡི་གེ་འགེངས། །འབར་བའི་ཕྲེང་བ་འཐིབས་པ་ནི། །ཀུན་ནས་རྣམ་པར་འཕྲོ་བར་བྱེད། །དེ་ལ་གནས་པས་
D452.082.0098a03.01ལྷ་ཡི་གཟུགས། །ཚིམ་པའི་དམ་ཚིག་གསུམ་འབྱུང་བས། །ཆོ་ག་ཤེས་པས་གཙུག་ཏོར་གྱིས། །གཙུག་ཏོར་རྣམས་ནི་བསྒོམ་པར་བྱ། །བདག་པོའི་སྔགས་ནི་ཡང་དག་བསྐྱེད། །མཉམ་པར་བཞག་པས་བསྒོམ་པར་བྱ། །ཀུན་ནས་སོར་མོ་བཅུ་གཉིས་
D452.082.0098a04.01པའི། །ཨུཏྤལ་ཆེན་པོ་འདབ་བརྒྱད་པ། །ཆོས་ཀྱི་དཀྱིལ་འཁོར་དབུས་གནས་པར། །དེ་ཉིད་ཀྱིས་ནི་བསྒོམ་པར་བཤད། །རྩེ་མོ་ལྔ་པའི་རྡོ་རྗེ་ཆེ། །ཨུཏྤལ་སྔོན་པོ་མཚུངས་པའི་འོད། །ཨཱ་ལི་བཅུ་དྲུག་ཡང་དག་ལྡན། །རྟག་ཏུ་བསྒོམ་བྱ་འགྲུབ་པར་
D452.082.0098a05.01འགྱུར། །སྔགས་པས་སོར་མོ་ཉི་ཤུ་པའི། །རྩེ་གསུམ་སེར་པོ་དང་མཚུངས་པ། །ཆོ་ག་ཉིད་ཀྱིས་བསྒོམས་བྱས་ན། །འགྲུབ་འགྱུར་འདིར་ནི་ཐེ་ཚོམ་མེད། །པདྨ་ལས་ཀྱི་རྡོ་རྗེ་དང་། །ཡིད་བཞིན་ནོར་བུ་གསུམ་པ་ཅན། །བདག་པོའི་སྔགས་ནི་
D452.082.0098a06.01ཡང་དག་བསྐྱེད། །མྱུར་དུ་སྒྲུབ་བྱེད་གཞན་དུ་མིན། །འཁོར་ལོ་དེ་བཞིན་པད་རྡོ་རྗེ། །བསམས་ནས་རྡོ་རྗེའི་ཆོ་ག་ལས། །སྒོམ་པའི་གོ་འཕང་གིས་བསྒྲུབ་བྱ། །གཞན་དུ་འདི་ནི་འགྲུབ་མི་འགྱུར། །རྡོ་རྗེ་ཆེན་པོ་མདུང་སོགས་བཅས། །འབར་བའི་
D452.082.0098a07.01