完整藏文原文 · 德格版页 当前仅加载第 82 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོ་གཉེར་རིམ་པར་ལྡན་གྱུར་གང་། །རྡོ་རྗེ་སེམས་དཔའ་རང་ཉིད་ཀྱང་། །ཁྲོ་བོ་འདི་ཡིས་འཇོམས་པར་བྱེད། །སྟོབས་ཆེན་བདུད་རྩི་ཞེས་གྲགས་དག །མི་ཤེས་འཇིག་ཅིང་འཕྲོག་བྱེད་པ། །ནམ་མཁའི་ཁམས་དང་མཚུངས་པ་ཡང་། །ཐེ་ཚོམ་མེད་པར་འཇོམས་
D452.082.0092b01.01པར་བྱེད། །འབུམ་དུ་བཟླས་པའི་སྦྱོར་བ་ཡིས། །ཀུན་དུ་སོན་པར་བྱེད་པ་ཡིན། །བློ་ལྡན་སངས་རྒྱས་ཉིད་ཐོབ་པའང་། །འགུགས་པར་བྱེད་པར་ཐེ་ཚོམ་མེད། །ཁྲོ་གཉེར་ཙཻ་ཀ་ཊ་རིག་མ། །འཇིགས་པ་ཡང་ནི་འཇིགས་པར་བྱེད། །ལྷ་མིན་ཆེན་པོ་
D452.082.0092b02.01སོགས་སྦྱོར་བས། །གཡུལ་དུ་རྒྱལ་བར་བྱེད་པ་ཡིན། །ཁྲོ་བོ་གཟེགས་མའི་མཆོག་རྩེར་སྐྱེས། །སྔགས་པས་འབུམ་ཕྲག་གཅིག་བཟླས་བྱ། །ཁྲོ་བའི་སེམས་ཀྱིས་སྦྱར་བྱས་ན། །ངེས་པར་སངས་རྒྱས་ཀྱང་འཇིགས་བྱེད། །ལག་པར་དེ་ནི་ཡང་དག་
D452.082.0092b03.01བསྐྱེད། །མི་སྨྲ་དེར་སོན་བསམ་པ་ཡིས། །ཕ་རོལ་དཔུང་ནི་རེངས་པར་བྱེད། །བརྒྱ་བྱིན་གྱི་ཡང་ཐེ་ཚོམ་མེད། །གཟི་བརྗིད་ཕུང་པོ་བཟླས་ནས་ནི། །འབུམ་ཕྲག་གསུམ་དུ་ལེགས་བསྐོར་ན། །བརྒྱ་བྱིན་སྡེ་ཡང་རེངས་པར་བྱེད། །འགའ་ཞིག་
D452.082.0092b04.01མིན་པར་འཇོམས་པར་བསྟན། །སྒྲོལ་མ་སྒྲོལ་ལེན་ཡང་དག་འབྱུང་། །འབར་བའི་ཡེ་ཤེས་དགེ་འབྱུང་བ། །འོག་གི་སྦྱོར་བ་བསྒོམས་པ་ཡིས། །རྡོ་རྗེའི་སྡེ་ཡང་རེངས་པར་བྱེད། །དེ་ཡི་སྙིང་པོའི་མཆོག་སྐྱེས་གང་། རིགས་དང་རིགས་དབང་རིག་
D452.082.0092b05.01པར་བྱེད། །དེ་དང་ཡང་ན་འདི་ཉིད་དུ། །སྦྱོར་བར་བསམས་ནས་བསམ་གཏན་གྱི། །ཏིང་འཛིན་བསྒོམ་པས་སེར་པོའམ། །གཞན་དུ་དམར་པོར་ངེས་སྦྱར་བྱ། །བཅོམ་ལྡན་འདས་རྣམ་པར་སྣང་མཛད་ཀྱིས་དེ་སྐད་ཅེས་གསུངས་སོ། །སྔགས་ཐམས་
D452.082.0092b06.01ཅད་ཀྱི་རྡོ་རྗེ་འབྱུང་བ་ཞེས་བྱ་བའི་ལེའུ་{བཅྭ་,བཅོ་}ལྔ་པ་རྫོགས་སོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་སྔགས་ཐམས་ཅད་ཀུན་ལས་བཏུས་པའི་ལེའུ་གསུངས་སོ། །ཞི་བ་རྒྱས་པ་སོགས་ལས་ལ། །རང་གཟུགས་རྣམ་པ་བསྒོམ་པ་
D452.082.0092b07.01