完整藏文原文 · 德格版页 当前仅加载第 80 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོན་པར་བྱ། །ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་མཁའ་འགྲོ་སྤྲུལ་བྱ་སྟེ། །ཕྱག་རྒྱ་ཆེན་པོ་སྙིང་གར་བཅིང་། །སྔོན་གྱི་མཚན་ཉིད་ཀུན་རིག་པས། །ཡི་གེ་བརྒྱད་ཀྱི་ས་བོན་རྣམས། །ཡི་གེའི་གནས་སུ་དགོད་པར་བྱ། །
D428.080.0230a01.01རྒྱལ་བ་ལྔ་ཡི་མཆོད་རྟེན་གྱི། །སྒོ་ནི་དགག་པར་བསམ་བྱ་སྟེ། །བདུད་རྩིའི་སྔགས་ཀྱི་ཡི་གེ་ཡིས། །རྒྱས་པའི་སྒོ་ནི་བསྲུང་བར་བྱ། །མེ་ཡི་ཡི་གེ་འབར་བ་ཡིས། །ཆུ་དང་ཆུ་མིན་དེ་བཞིན་བསྲུང་། །ཆུ་ཤིང་མེ་ཏོག་པདྨ་ནི། །མཛེས་ཤིང་འཁྱིལ་བ་རྒྱས་
D428.080.0230a02.01པར་དབྱེ། །དེ་ཡི་དབུས་ཀྱི་སྒོ་ངར་ནི། །དུང་དང་ཟླ་བ་ལྟར་དཀར་བ། །ཕྱོགས་ཕྱོགས་གནས་སུ་ས་བོན་དེ། །ཕྱོགས་བཞིར་ཁམས་ནི་བཞི་པོ་ཡི། །ཕྱོགས་མཚམས་ས་བོན་བརྩེགས་པ་བཞི། །ཤིན་ཏུ་མཉམ་པར་གཞག་པས་བསྒོམ། །འོད་ཟེར་
D428.080.0230a03.01ཀུན་ནས་དཀར་ཞིང་དག །ལྷ་མོའི་ཡི་གེ་བསྒོམ་པར་བྱ། །ཡེ་ཤེས་རྣམ་ཤེས་ངོ་བོའོ། །དེ་ཉིད་དབུས་སུ་དམིགས་ནས་ནི། །སེམས་ནི་རང་དགར་བསྒོམས་པ་ཡིས། །ཕྱི་ནས་གཟུགས་ནི་གཞོམ་པར་བྱ། །ཕྱོགས་དང་ཕྱོགས་ཀྱི་མཚམས་དག་ཏུ། །
D428.080.0230a04.01ཕྱོགས་ཕྱོགས་གནས་སུ་བཞག་ནས་སུ། །རང་བཞིན་ཐམས་ཅད་བཅོམ་པ་ཡི། །ལྷག་མ་རྣམ་ཤེས་ཡེ་ཤེས་ཉིད། །ཤར་གྱི་ཕྱོགས་སུ་ཆུ་ཡིན་ཏེ། །ཁ་དོག་དཀར་པོ་ཀུནྡའི་འོད། །མེ་ནི་སེར་པོ་འོད་འབར་བར། །རྟག་ཏུ་བྱང་དུ་བསམ་པར་བྱ། །རླུང་གི་
D428.080.0230a05.01ས་བོན་དམར་པོ་ནི། །ནུབ་ཀྱི་ཕྱོགས་སུ་བརྟག་པར་བྱ། །ས་ཡི་ས་བོན་ལྗང་ཁུ་ནི། །ལྷོ་ཡི་ཕྱོགས་སུ་བསམ་པར་བྱ། །ཕྱོགས་མཚམས་འདྲེས་པའི་ཁ་དོག་གིས། །གྲྭ་བཞི་དག་ཏུ་སྦྱར་བར་བྱ། །ལྷག་མ་དབུས་ཀྱི་ཡེ་ཤེས་ཏེ། །སྒོང་སྐྱེས་བཅས་པ་
D428.080.0230a06.01གཞོམ་པར་བྱ། །དེ་ཡི་མཚན་ཉིད་མཚོན་པར་བྱ། །མཚོན་བྱ་མཚན་ཉིད་དངོས་མེད་པའོ། །སེམས་ཀྱི་དངོས་པོ་སྟོང་པ་བས། །རང་བཞིན་གནས་རྣམས་ཟད་པར་བྱ། །རྣམ་རྟོག་སྟོང་པའི་དབུས་དག་ཏུ། །རྡུལ་ཕྲན་ཙ་ན་ལྟ་བུའི་གཟུགས། །ཨཱ་ལི་ཀཱ་ལི་
D428.080.0230a07.01