rnal 'byor ma'i rgyud kyi rgyal po chen po dpal gdan bzhi pa zhes bya ba/
当前为德格木刻版 220b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 220b
- 可引用原文
- 7 行
- 全文规模
- 全经 712 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 80 函 · 德格 220b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནི་རྱཱ་ཏ་ཡཱ་མི། ང་རྒྱལ་དང་ནི་ཁྲོ་བ་དང་། །བརླང་དང་ཚིག་རྩུབ་སྤང་བར་བྱ། །སྡིག་པའི་གྲོགས་པོ་སྤང་བྱ་སྟེ། །སྲོག་གཅོད་རྐུ་བ་དེ་བཞིན་ནོ། །ལོངས་སྤྱོད་ཀུན་ལ་མི་ཆགས་ཤིང་། །བདག་ཉིད་ངེས་པར་ཆོག་ཤེས་བྱ། །གར་གྱི་གནས་དང་ཚུལ་འདྲ་བའི། །ཕྱི་རོལ་བསྟན་བཅོས་ཞེན་མི་བྱ། ས་མ་ཡ་སྟྭཾ། ས་མ་ཡ་ཧོཿ། ཨ་ཨཱ་ཨཾ་ཨཿཧཱུྃ་ཛཿ། རྡོ་རྗེ་ཕྱག་རྒྱ་ལྡན་པ་ཡིས། །ཡན་ལག་དྲུག་གི་ས་བོན་གཟུང་། །གཞན་ཡང་ཆོས་རྣམས་ཐམས་ཅད་ཀྱི། །རྫོགས་པའི་བྱང་ཆུབ་རིམ་པར་བསྟན། །
དེ་ནས་སློབ་མ་འབྱོར་ལྡན་པས། །རྟག་ཏུ་བླ་མ་ཡོན་དབུལ་བྱ། །རང་གི་བུ་དང་ཆུང་མ་དང་། །གཉེན་འདུན་བྲན་ཁོལ་བཅས་པ་དང་། །གླང་ཆེན་རྟ་དང་བ་གླང་ཁྱུ། །རིན་ཆེན་ཁྱིམ་དང་ཞིང་ཡུལ་བཅས། །གསེར་དང་དངུལ་དང་ཟངས་དང་ནི། །གོས་དང་འབྲུ་ལ་སོགས་པའི་ནོར། །སྟན་དང་མལ་ཆ་ལྷམ་ལ་སོགས། །གདུགས་སོགས་ཉེ་བའི་ལོངས་སྤྱོད་དབུལ། །མཐར་ནི་རང་གི་ལུས་ཉིད་ཀྱང་། །བླ་མའི་ཡོན་དུ་ཕུལ་ནས་སུ། །ཆོས་རྣམས་རང་བཞིན་དག་པ་ཉིད། །དངོས་པོའི་རང་བཞིན་མེད་པ་རུ། །རྫོགས་
པའི་བྱང་ཆུབ་རིམ་པར་བསྟན། །སྔོན་དུ་བཟོད་པའི་ཚུལ་གྱིས་ནི། །སེམས་ཅན་རྣམས་ལ་གཟིར་མི་བྱ། །གཞན་ལ་ཚིག་རྩུབ་སྨྲ་མི་བྱ། །ཐམས་ཅད་མི་དགར་བྱ་བ་མིན། །ཚུལ་ཁྲིམས་སྡོམ་པ་བསྲུང་བ་དང་། །སྐྱེ་བོ་རྣམས་ལ་གནོད་མི་བྱ། །སྲོག་ཆགས་བསད་པར་མི་བྱ་སྟེ། །དེ་བས་ཤི་བར་འགྱུར་ཀྱང་བླ། །རབ་ཏུ་འབར་མེ་མཚུངས་པས་ན། །གཞན་གྱི་ནོར་ལ་རེག་མི་བྱ། །དངོས་ལ་སྲིད་པའི་བླུན་པོ་རྣམས། །བདག་ཉིད་སྲིད་པ་མི་བཟང་ལྟུང་། །རགས་དང་ཕྲ་མོ་ཙམ་ལ་ཡང་། །རྣལ་འབྱོར་པ་
ཡིས་{བརྫུན་,རྫུན་}བསྲུང་ངོ་། །རྣལ་འབྱོར་སྤྱོད་པའི་རྣལ་འབྱོར་པའི། །དེ་ལ་{བརྫུན་,རྫུན་}སྨྲ་ཡོད་པ་མིན། །སྤྱོད་པ་ལེགས་པར་བསྡམས་པ་དང་། །བཟའ་བཅའ་སོགས་ལའང་ལེགས་པར་བསྡམ། །དགའ་དང་རྩེ་ལ་འང་ལེགས་པར་བསྡམ། །གཏོར་མའི་དུས་སུའང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D428
- 德格版页
- 220b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0428 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。