完整藏文原文 · 德格版页 当前仅加载第 80 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
རང་བཞིན་མེད་པའི་གྲངས་བཟླས་ན། །རྣལ་འབྱོར་མ་ཡི་སྙིང་པོ་འགྲུབ། །བྲམ་ཟེ་རྒྱལ་རིགས་དམངས་རིགས་གཅིག །རྣལ་འབྱོར་མ་ཡི་དྲ་བ་འགྲུབ། །ཨོཾ་པ་དེ་པ་དེ་མ་ཧཱ་པ་དེ་ཛྙཱ་ན་སརྦ་བུདྡྷ་མ་ཧཱ་བྷཱ་བེ། ཧཱུྃ་ཧཱུྃ་ཧཱུྃ། ཧོ་ཧོ་ཧོ། ཨཱཿསྭཱ་ཧཱ། སྔགས་འདི་ཡིས་
D428.080.0207b01.01ནི་སྦྱང་བྱས་ན། །བགྲང་ཕྲེང་གི་ནི་ལྷ་རྣམས་འགྲུབ། །ལས་རྣམས་ཐམས་ཅད་འགྲུབ་འགྱུར་ཏེ། །མི་གསལ་བ་ནི་རིང་བར་འགྱུར། །ཡེ་ཤེས་དེ་དག་བྱེ་བྲག་དག །ཡང་དག་རྡོ་རྗེ་ཆེན་པོས་ཉོན། །ཡེ་ཤེས་བྱེ་བྲག་རིང་དུ་གནས། །ཐུན་མོང་ཡེ་ཤེས་བརྗོད་
D428.080.0207b02.01པ་སྟེ། །དམན་དང་རབ་དམན་དམན་པ་ཅན། །གནོད་སྦྱིན་ལྷ་མིན་གྲུབ་པ་པོ། །ཀླུ་དང་བྱོལ་སོང་གསང་བ་པ། །ལྟོ་འཕྱེ་དང་ནི་མིའམ་ཅི། །མི་དང་{ཡི་དགས་,ཡི་དྭགས་}མཁའ་འགྲོ་མ། །དམྱལ་བར་འཚང་བའི་སེམས་ཅན་དང་། །བྱོལ་སོང་གཟུགས་སུ་བརྗོད་པ་
D428.080.0207b03.01སྟེ། །ཕྲ་མོ་སྒོ་ང་གཟུང་མི་ནུས། །ཆུ་དང་མེ་དང་རླུང་དང་ནི། །དེ་བཞིན་དུ་ནི་ས་ཡི་ཁམས། །བརྟན་པ་དེ་ཉིད་ཐམས་ཅད་དང་། །རྩ་དང་འདབ་མ་ཕྲ་བ་དང་། །བོང་བ་རྡོ་དང་བྲག་ལ་སོགས། །ཐམས་ཅད་ཡེ་ཤེས་བྱིན་གྱིས་བརླབས། །ཡེ་ཤེས་མེད་ན་སྐྱེ་མི་
D428.080.0207b04.01འགྱུར། །ཡེ་ཤེས་ཐམས་ཅད་ཀུན་རིག་པའོ། །ཡེ་ཤེས་ཐར་པར་གང་གིས་ནི། །ཡེ་ཤེས་ཐུན་མོང་བྱིན་བརླབས་པ། །བྱེ་བྲག་གཞན་ནི་ཇི་ལྟ་བུ། །ལྷ་ལས་རོལ་མོ་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། །ཉི་ཤུ་རྩ་གསུམ་ལྷ་ཡི་
D428.080.0207b05.01གནས། །གོང་ནས་གོང་དུ་གཉིས་འགྱུར་ཏེ། །འདོད་པ་ལྔ་ཡི་ཡེ་ཤེས་དག །གོང་མའི་ཡེ་ཤེས་ཡེ་ཤེས་འཕེལ། །གསང་བའི་ཡེ་ཤེས་རེག་པ་སྟེ། །ལྷ་མིན་ཡེ་ཤེས་ཁྲོ་བོའོ། །{ཡི་དགས་,ཡི་དྭགས་}ཡེ་ཤེས་ཞེན་པ་སྟེ། །དམྱལ་བའི་ཡེ་ཤེས་འཇིགས་ཤིང་
D428.080.0207b06.01དུ། །བྱོལ་སོང་ཡེ་ཤེས་གླེན་པ་སྟེ། །བརྟན་པ་རྣམས་ནི་སེམས་མེད་པའོ། །མི་རྣམས་ཡེ་ཤེས་རྣམ་པ་ལྔ། །བྱེ་བྲག་ཏུ་ནི་ཤེས་པར་བྱ། །གླེན་པས་སྒྲིབས་དང་ལྐུགས་པ་དང་། །བུད་མེད་ཡེ་ཤེས་སླུ་བྲིད་དོ། །བྱིས་པའི་ཤེས་པའི་ཤེས་པ་ཅན། །
D428.080.0207b07.01