rnal 'byor ma'i rgyud kyi rgyal po chen po dpal gdan bzhi pa zhes bya ba/
当前为德格木刻版 228a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 228a
- 可引用原文
- 7 行
- 全文规模
- 全经 712 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 80 函 · 德格 228a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དགོད། །བྱང་གི་ཆ་ཡི་འདབ་མ་ལ། །དོན་ཡོད་གཙོ་བོ་བསམ་པར་བྱ། །དབྱངས་ཡིག་ཐོག་མ་སོགས་ས་བོན། །ཐིག་ལེ་དབྱུག་པར་ལྡན་རིམ་བཞིན། །འོད་ཟེར་དཀར་པོས་བརྒྱན་པ་སྟེ། །ཡི་གེ་བཞི་ནི་དགོད་པར་བྱ། །ཕྱོགས་མཚམས་དག་ནི་བཞི་པོ་རུ། །སྔོན་དུ་བསྟན་པའི་མ་ནིང་དགོད། །དེ་ཡི་དབུས་སུ་དེ་ཡི་སེམས། །ཡི་གེ་རུ་ནི་མཚོན་པར་བྱ། །སྟོང་པ་མཚན་ཉིད་མེད་པ་ལས། །ཇི་ལྟར་ཡི་གེ་སྦྱར་བར་བགྱི། །སེམས་ནི་ཡ་མཚན་སྐྱེས་པར་འགྱུར། །བཅོམ་ལྡན་བདག་ལ་
བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །སྟོང་པའི་མཚན་ཉིད་མཚོན་པ་ལས། །ཆུ་ཤིང་སྙེ་མའི་བདུད་རྩི་བཞིན། །སྙིང་པོ་མེད་པའི་སྙིང་པོར་གྱུར། །དེ་ཉིད་ཇི་བཞིན་རྡོ་རྗེས་ཉོན། །དབུས་ན་གནས་པ་ཡེ་ཤེས་ཏེ། །ཡེ་ཤེས་རང་བཞིན་གཟུགས་མེད་ཅིང་། །མཚན་ཉིད་མེད་པའི་མཚན་ཉིད་ཅན། །དྲི་མ་མེད་པའི་ཡེ་ཤེས་སྐུ། །དངོས་དང་དངོས་མེད་རྣམ་པར་གྲོལ། །ཡི་གེའི་གཟུགས་ནི་ཡི་གེ་མེད། །གཟུགས་དང་སྟོང་པའི་དབུས་སུ་ནི། །རྣལ་འབྱོར་ཅན་གྱིས་དེ་ཉིད་གཟུགས། །
གང་གི་མཚན་ཉིད་ཤེས་བྱས་ནས། །མཉམ་ཉིད་ཡེ་ཤེས་ཤེས་པ་དང་། །དེ་ཡིས་རྫོགས་པའི་བྱང་ཆུབ་ལམ། །མྱུར་བ་ཉིད་དུ་མཐོང་བར་འགྱུར། །བླ་མ་ཉིད་ཀྱི་ལམ་གྱིས་ནི། །ཡེ་ཤེས་རྣམ་ཤེས་རང་བཞིན་ཉིད། །བསྟན་བཅོས་ལ་ནི་མཚན་ཉིད་བསྟན། །དེ་ཁོ་ན་ཉིད་དཔའ་བོས་བཤད། །འོད་ཟེར་དཀར་པོས་རྒྱས་པ་རུ། །འདི་ནི་ཀུན་ཏུ་བསྒོམ་པར་བྱ། །རྒྱས་པ་ལྔ་ཡི་མཆོད་རྟེན་ཏེ། །བདུད་རྩིའི་ས་བོན་བསམས་ནས་ནི། །འོད་ཟེར་དཀར་པོ་གསལ་བའི་མདངས། །བདུད་རྩིའི་ཆུ་རྒྱུན་འཛག་པས་བཀྲུ། །ཐིགས་
པའི་དབུས་སུ་ས་བོན་ནི། །མཐེ་བོ་ཙམ་གྱི་ཟླུམ་པོར་བྱ། །དེ་ཡི་དབུས་ཀྱི་ས་བོན་ནི། །ཨཱ་ལི་ཀཱ་ལི་དག་ལས་བཏུ། །ཁ་དོག་དཀར་པོ་ཤིན་ཏུ་མཛེས། །ཟླ་བའི་འོད་ཟེར་ཀུན་ཏུ་འཕྲོ། །དེ་ཡི་དབུས་ཀྱི་ས་བོན་ནི། །ཐིག་ལེ་བསམ་པར་རབ་ཏུ་གྲགས། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D428
- 德格版页
- 228a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0428 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。