完整藏文原文 · 德格版页 当前仅加载第 80 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
དཔུང་པ་དང་། རྐང་པའི་འཕེན་པ་དང་། མཆོད་སྡོང་གི་ཚུལ་དང་། པུས་མོ་བཙིར་བ་དང་། བསྡུ་བའི་ཚུལ་དང་། མཉམ་དུ་གནས་པ་དང་། དུས་ཀྱི་མེ་དང་། སྙིང་པོ་དང་། དགའ་བས་གནས་པ་དང་། གཅིག་ཏུ་བསྡུ་བའོ། །
D428.080.0217a01.01རྐང་སྟབས་བསྐྱོད་པ་{བཅྭ་,བཅོ་}བརྒྱད་ནི། །མཆོད་པའི་དུས་སུ་སྦྱར་བར་བྱ། །ཡོན་ཏན་ཐམས་ཅད་འབྱུང་བའི་གནས། །རྣལ་འབྱོར་པ་ཡིས་མཚོན་པར་བྱ། །སྙིང་གར་བཙིར་བ་དང་། རྐང་པ་སྦྱར་བ་དང་། ཕྲེང་བའི་ཚུལ་དང་། ནུ་མའི་ཚུལ་དང་། གཉི་ག་
D428.080.0217a02.01སྦྱར་ཏེ་བཟའ་བ་དང་། ཕྱེད་ཀྱིས་འཁྱུད་པ་དང་། ལག་པ་གཉིས་སྦྱར་བ་དང་། གསང་བར་རེག་པ་དང་། ལུས་མཉེ་བ་དང་། ཀོ་སྐོ་ལ་རེག་པའོ། །ལག་པའི་ཐབས་ཉིད་བཅུད་པ་ནི། །ཞལ་ནི་བཞད་ཅིང་སྒེག་པ་དང་། མཚན་ཉིད་སྣ་ཚོགས་ལྡན་པ་
D428.080.0217a03.01ཡིས། །དེ་ཡིས་ལས་རྣམས་འགྲུབ་པར་བྱ། །རྡོ་རྗེ་དྲིལ་བུའི་ཕྱག་རྒྱ་དག །དེ་ཁོ་ན་ཡིས་སོ་སོར་བཟུང་། །གསང་བའི་རྡོ་རྗེ་དང་བྲལ་ན། །དྲིལ་བུས་ཇི་ལྟར་འབྲས་བུ་འགྲུབ། །རྡོ་རྗེའང་དྲིལ་བུ་དང་བྲལ་ན། །རྡོ་རྗེ་སྒྲུབ་པའང་རིང་པར་འགྱུར། །རྡོ་རྗེ་དྲིལ་
D428.080.0217a04.01བུའི་ཕྱག་རྒྱ་དག །དམིགས་ན་ཕ་རོལ་སྒྲོལ་བར་འགྱུར། །མཚན་མོ་ཟླ་བ་མེད་པ་དང་། །ཉིན་མོ་ཟླ་བས་ཅི་ཞིག་ནུས། །དེ་བས་རྡོ་རྗེ་དྲིལ་བུ་དག །མཉམ་པ་དེ་ཉིད་གསལ་བར་བྱེད། །ཨཱ་ལི་ཀཱ་ལི་མཉམ་བསྒོམས་ནས། །རྣལ་འབྱོར་ཆེན་པོ་སྒྲུབ་པ་
D428.080.0217a05.01པོས། །ཨཱ་ལི་རྡོ་རྗེ་ཞེས་བྱར་བརྗོད། །ཀཱ་ལི་དེ་བཞིན་གཤེགས་མ་ཡིན། །ཨཱ་ལི་ཀཱ་ལི་མཉམ་སྦྱོར་བས། །དགོས་པ་ཐམས་ཅད་སྒྲུབ་པར་བྱེད། །སེམས་ཅན་དོན་རྣམས་མ་ལུས་པ། །ལྷ་ཡི་གཟུགས་ཀྱིས་ཕྲི་བར་བྱ། །ཕྱི་རོལ་ཤེས་རབ་ཐབས་
D428.080.0217a06.01རྣམས་ཀྱིས། །ཇི་ལྟར་འཁོར་བ་སྒྲོལ་བར་འགྱུར། །རྨོངས་པ་ཕྱི་རོལ་སེམས་ལྡན་པས། །དེ་ཡི་དམ་ཚིག་བསྟན་པ་ཡིན། །གསང་བའི་གསང་བ་གསང་བ་ཆེ། །རྟག་ཏུ་གབ་ཅིང་གསང་བ་ཡིན། །གང་ཞིག་ལུང་ནི་ཤེས་གྱུར་པ། །དེ་ཡི་རྣལ་འབྱོར་
D428.080.0217a07.01