完整藏文原文 · 德格版页 当前仅加载第 80 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་གནས་ཡིན་ནོ། །མཛེས་མ་ཞེས་བྱ་རབ་ཏུ་གྲགས། །དེ་ནི་ལྷ་མོ་གཏུམ་མོ་སྟེ། །ཀུན་གྱི་གཙོ་མོར་རབ་ཏུ་གྲགས། །ཡིད་ནི་ཐེ་ཚོམ་གཅོད་པ་སྟེ། །བྱེད་པོ་སྡུད་པོ་ཟ་བོའང་ཡིན། །དབང་པོ་ཀུན་གྱི་སེམས་རྣམས་ཀྱི། །མཚན་
D428.080.0225a01.01གཞི་མཚན་ཉིད་ཤེས་པར་བྱ། །དབང་རྒྱལ་ཉེར་སྦྱོར་ལོངས་སྤྱོད་པ། །ཡུལ་ལ་སོགས་པ་ཉེར་སྤྱོད་ཀྱི། །རྣལ་འབྱོར་ཚད་མ་མཁས་པ་ཡིས། །ལུས་ལ་ཡེ་ཤེས་བསྟེན་པར་བྱ། །སེམས་ལས་ཆུ་ནི་བྱུང་བས་ན། །རྣམ་ཤེས་ཆུ་རུ་གྱུར་པ་སྟེ། །གལ་ཏེ་
D428.080.0225a02.01ཆུ་ནི་གཞན་ཡིན་ན། །ཅི་ཕྱིར་ཞེན་ཆུ་མི་འབྱུང་། །ལུས་ལ་ངེས་པར་དྲོད་ཡོད་ན། །ཆུ་ཡི་ནང་དུ་བྱིང་མི་འགྱུར། །ལུས་ལ་ཚད་མ་ལྔ་ཡོད་པས། །ལྔ་པོ་གཅིག་གི་བདག་ཉིད་འགྱུར། །མཚན་ཉིད་གཅིག་ཏུ་ཤེས་བྱས་ནས། །རྣལ་འབྱོར་བ་ཡིས་འགྲོ་བ་བརྟག །
D428.080.0225a03.01དེ་ཡི་མཚན་ཉིད་ཤེས་བྱའི་ཕྱིར། །དགེ་བའི་བཤེས་གཉེན་བསྟེན་པར་བྱ། །དེ་ཉིད་རྣལ་འབྱོར་གྲོགས་ཀྱིས་ནི། །འཁོར་བའི་ཕ་རོལ་རྒལ་བར་འགྱུར། །ཡུལ་དང་དབང་པོའི་ཡེ་ཤེས་ནི། །གཟིར་དང་བཅས་པས་སྡོམ་པར་འགྱུར། །སྒོང་སྐྱེས་ཁྱིམ་གྱི་
D428.080.0225a04.01གནས་སུ་ནི། །དབུས་སུ་གནས་པ་བཅིང་བར་བྱ། །འབྱུང་དང་འབྱུང་མིན་སེམས་ཀྱིས་ནི། །གཡོ་བའི་དངོས་པོ་བསྐོར་བར་བྱ། །བཅིང་བའི་གནས་དང་སྟན་དག་ནི། །རྣམ་ཤེས་པདྨའི་སྟན་ལའོ། །རྣལ་འབྱོར་པ་ཡིས་དེ་ཡི་ཕྱིར། །རྣམ་ཤེས་རང་བཞིན་
D428.080.0225a05.01མཚོན་པར་བྱ། །གཟུགས་ཞེས་བྱ་བའི་དངོས་པོ་ཡིས། །རྣལ་འབྱོར་གྲུབ་པར་བྱ་བའི་ཕྱིར། །རང་བཞིན་ཞེས་བྱའི་དངོས་པོར་འགྱུར། །ལྟེ་བར་ཆུ་ཤིང་མེ་ཏོག་ནི། །སྙིང་གར་ཡང་ནི་འགྲེང་སྟེ་གནས། །རྟག་ཏུ་སྟོང་པའི་སྒོ་ཡིན་ཏེ། །མཁས་པས་
D428.080.0225a06.01རྟག་ཏུ་བཟློག་པར་བྱ། །གསེར་དང་ནི་ལྡན་པ་ཡི། །རྟག་ཏུ་འདབ་མ་བརྒྱད་དུ་འགྱུར། །དེ་དབུས་རྟག་ཏུ་གསུངས་པ་ནི། །ཡེ་ཤེས་རྣམ་ཤེས་སྦྱོར་བ་སྟེ། །སྦྱོར་བ་ཡི་ནི་ཤར་ཕྱོགས་ཆར། །དེ་དང་མཐུན་པའི་སོར་བྲུག་པའོ། །མདུད་པ་ཡི་ནི་ནུབ་
D428.080.0225a07.01