完整藏文原文 · 德格版页 当前仅加载第 80 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་དགྲ་བཅོམ་མོ། །འཇིག་རྟེན་པ་ནི་ཞབས་ཀྱི་གདན། །འོད་ཟེར་གནོད་སྦྱིན་གསང་ལ་སོགས། །དེ་ལྟར་ཡོན་ཏན་ལྡན་པའི་སྐུར། །རྣལ་འབྱོར་ཅན་ནི་རྟག་ཏུ་བལྟ། །ཡེ་ཤེས་ཅན་ནི་ཤེས་བྱ་བ། །མཚན་ཉིད་གང་ཡིན་བསྟན་
D428.080.0219a01.01པར་བྱ། །ཤིན་ཏུ་དུལ་ཞིང་ཞི་བའི་གཟུགས། །སེམས་ཅན་ཀུན་ལ་མི་འཇིགས་སྦྱིན། །སྔགས་དང་རྒྱུད་ཀྱི་སྦྱོར་བ་མཁས། །རྣལ་འབྱོར་བཟོ་དང་བསྟན་བཅོས་རིག །ཐམས་ཅད་དུ་ནི་སྙན་པར་སྨྲ། །སེམས་ཅན་ཀུན་ལ་བུ་བཞིན་ལྟ། །སྦྱིན་པ་ལ་སོགས་
D428.080.0219a02.01རྟག་ཏུ་དགའ། །རྣལ་འབྱོར་བསམ་གཏན་མངོན་པར་བརྩོན། །སྙིང་རྗེ་ཕན་པའི་སེམས་ཀྱིས་ནི། །བདེན་པར་སྨྲ་ཞིང་འཚེ་མི་བྱེད། །མཉམ་ཉིད་སེམས་ནི་བསྐྱེད་བས་ན། །སེམས་ཅན་རྣམས་ཀྱི་མགོན་སྐྱོ་བ་ཡིན། །དེ་ཉིད་བཅུ་ནི་ཡོངས་ཤེས་བ། །འདི་ནི་
D428.080.0219a03.01སློབ་དཔོན་ཞེས་བྱར་བརྗོད། །གཞན་ཡང་སློབ་མས་སྤྱོད་པ་ཡི། །དེ་ཉིད་མཚན་ཉིད་མཉམ་པར་གྱིས། །རྣལ་འབྱོར་མ་ཡི་སྦྱོར་བ་ལྟ། །དམ་ཚིག་སྤྱོད་པ་དང་ལྟ་ཉིད། །གཏོར་མ་གསང་བ་ལས་སོགས་ལྡན། །སློབ་དཔོན་གསང་བ་སྨད་མི་བྱ། །སྨད་
D428.080.0219a04.01ན་མྱུར་དུ་མནར་མེད་འགྲོ། །ཀུན་ཏུ་དམ་ཚིག་མེད་པ་དང་། །སྟན་དང་མལ་དང་ལྷ་མ་སོགས་དང་། །གདུགས་དང་ན་བཟའ་ཉེར་སྤྱོད་རྣམས། །གྲིབ་མ་འགོམ་ཞིང་བརྫི་མི་བྱ། །བཟློག་དང་གཟིར་བའི་ཚིག་བརྗོད་མིན། །འདས་ན་དེ་ནི་དུས་ཀུན་ཏུ། །
D428.080.0219a05.01གདོན་གྱིས་འཚེ་བར་འགྱུར་བ་དང་། །ནོར་ཉམས་དཔལ་ལས་རིང་དུ་འགྱུར། །བདུད་དང་སྡང་བས་འཇོམས་པར་བྱེད། །དེ་ཡི་གྲིབ་མ་འགོམ་གྱུར་ན། །མཆོད་རྟེན་བཤིག་པའི་སྡིག་འདྲར་བརྗོད། །སློབ་དཔོན་སྨོད་པར་གང་བྱེད་པ། །རྨི་ལམ་ན་ཡང་
D428.080.0219a06.01དངོས་གྲུབ་མེད། །སློབ་དཔོན་ཡོན་ཏན་གཟུང་བྱ་ཡི། །སྐྱོན་རྣམས་ནམ་ཡང་གཟུང་བྱ་མིན། །སྔགས་དང་ཕྱག་རྒྱའི་སྦྱོར་ལ་སོགས། །དེ་ཡི་ལམ་གྱིས་འགྲུབ་ཕྱིར་རོ། །བསླབ་པ་སྦྱིན་པ་སྔོན་འགྲོ་བས། །དེ་ནས་མཎྜལ་ལ་སོགས་བྱ། །སྔར་བསྟན་
D428.080.0219a07.01