完整藏文原文 · 德格版页 当前仅加载第 63 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
འཚོ་བ་ལ་མི་སྤྱོད་པ་ཡིན་ནོ། །ཤཱ་རིའི་བུ་གལ་ཏེ་དགེ་སློང་ཕྱག་དར་ཁྲོད་པས་ཕྱག་དར་ཁྲོད་པ་བླངས་ན་འདི་སྙམ་དུ། བདག་གི་ཕྱག་དར་ཁྲོད་པ་འདི་ནི་གྲང་བ་ན་གྲང་བ་བསལ་བའི་ཕྱིར་དང་། དྲོ་བ་ན་དྲོ་བ་བསལ་བའི་ཕྱིར་དང་། སྦྲང་བུ་དང་། ཤ་སྦྲང་དང་། སྡིག་
D220.063.0070a01.01སྦྲུལ་དང་། རླུང་དང་། ཚ་བའི་རེག་པ་རྣམས་སྤང་བའི་ཕྱིར་དང་། ཕལ་པའི་གནས་པས་གནས་པར་བྱ་བའི་ཕྱིར་དང་། ངན་ངོན་གྱི་ཡོངས་སུ་དུབ་པ་བསལ་བའི་ཕྱིར་དང་། འཕགས་པ་རྣམས་ཀྱིས་བསྔགས་པ་ཡིན་པར་བྱ་བའི་ཕྱིར་དང་། ངོ་ཚ་བའི་གནས་སྦ་བར་བྱ་བའི་ཕྱིར་
D220.063.0070a02.01དང་། འཕགས་པའི་ལམ་བསྒོམ་པའི་ཕྱིར་ཡིན་པས་བདག་གིས་ཕྱག་དར་ཁྲོད་པའི་སྣམ་སྦྱར་འདི་དག་བགོས་ནས། རེ་ཞིག་སོ་སོའི་སྐྱེ་བོའི་ཕྱག་དར་ཁྲོད་པ་གང་ཡིན་པ་དེ་ལྟ་བུ་ནི་མཚན་གཅིག་ཀྱང་ལུས་ལ་མི་བཅང་བའི་བརྩོན་འགྲུས་བདག་གིས་བརྩམ་མོ་སྙམ་དུ་སེམས་བསྐྱེད་
D220.063.0070a03.01པར་བྱའོ། །དེས་ཕྱག་དར་ཁྲོད་པ་དེ་ལེགས་པར་བཀྲུ་ཞིང་ལེགས་པར་བཤལ་བར་བྱའོ། །གལ་ཏེ་ཕྱག་དར་ཁྲོད་པ་དེ་ལ་ཀུན་ཏུ་འདོད་ཆགས་སྐྱེ་ཞིང་མངོན་པར་ཞེན་པར་གྱུར་ན། དེས་ཕྱག་དར་ཁྲོད་པ་དེ་ཡང་སྤང་བར་བྱའོ། །ཤཱ་རིའི་བུ་ངས་དེ་ལྟ་བུའི་དགེ་སློང་ལ་ནི་ཕྱག་དར་
D220.063.0070a04.01ཁྲོད་པ་དེ་ཡང་རྗེས་སུ་མ་གནང་ན། ཡོ་བྱད་གཞན་ལྟ་ཅི་སྨོས། དེ་ཅིའི་ཕྱིར་ཞེ་ན། དགེ་སྦྱོང་གི་ཆོས་མ་ཡིན་པའི་ཕྱིར་རོ། །ཤཱ་རིའི་བུ་འདི་ལྟར་དེའི་གནས་སྐབས་དེ་ནི་དགེ་སྦྱོང་གི་ཆོས་མ་ཡིན་ཏེ། འདི་ལྟར་དགེ་སྦྱོང་གི་ཆོས་མ་ཡིན་པ་དེ་ནི་དེ་ལ་འོས་པ་མ་ཡིན་ན། ཡོ་བྱད་གཞན་
D220.063.0070a05.01ལྟ་ཅི་སྨོས། ཤཱ་རིའི་བུ་དེའི་ཚེ་ལྕགས་གླེབས་པ་འབར་བས་ལུས་གཡོགས་པ་ནི་བླའི། དགེ་སློང་ཕྱག་དར་ཁྲོད་པ་རྣམས་ཀྱིས་ཕྱག་དར་ཁྲོད་ལ་ལོངས་སྤྱོད་པར་བྱེད་པ་ནི་དེ་ལྟ་མ་ཡིན་ནོ། །ཤཱ་རིའི་བུ་དེ་གང་ཁོ་ན་ལ་སྲེད་པ་སྐྱེ་ཞིང་ཀུན་ཏུ་འདོད་ཆགས་པར་གྱུར་ན། དེས་ཡང་འདི་
D220.063.0070a06.01སྙམ་དུ་ཕྱག་དར་ཁྲོད་པ་བགོ་བར་བྱ་སྟེ། བདག་གི་ཆོས་གོས་འདི་ནི། གྲང་བ་བསྐྱབ་པའི་ཕྱིར་དང་ཞེས་བྱ་བ་ནས། གང་ཡང་འཕགས་པའི་ལམ་གོམས་པར་བྱ་བའི་ཕྱིར་དང་ཞེས་བྱ་བའི་བར་དུ་སྦྱར་ཏེ། བདག་གིས་ཆོས་གོས་འདི་བགོས་ནས་རྒྱུན་དུ་ཞུགས་པའི་འབྲས་བུ་ཐོབ་
D220.063.0070a07.01