完整藏文原文 · 德格版页 当前仅加载第 63 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་རབ་ཏུ་བྱུང་ནས་ལོ་བརྒྱ་སྟོང་དུ་མ་མགོ་ལ་མེ་འབར་བ་བཞིན་དུ་འབྲས་བུ་འདོད་པའི་ཕྱིར་བཙལ་བར་བྱས་ཀྱང་རྗེས་སུ་འཐུན་པའི་བཟོད་པ་ཡང་མ་སྐྱེས་ན། འབྲས་བུ་ཐོབ་པ་ལྟ་ཅི་སྨོས་ཏེ། དེ་ནི་གནས་ཡོད་པ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་སངས་རྒྱས་ཀྱི་བྱང་ཆུབ་
D220.063.0049b01.01ལ་སྨོད་པ་གང་ཡིན་པ་ནི་དེ་ལྟར་འགྱུར་ཏེ། འདི་ལྟར་ཆོས་ཀྱིས་ཕོངས་པར་འགྱུར་བའི་ལས་མངོན་པར་འདུས་བྱས་པའི་ཕྱིར་རོ། །ཤཱ་རིའི་བུ་རྣམ་གྲངས་འདིས་ཇི་སྲིད་དུ་འདིར་ང་མ་བྱུང་བའི་བར་མ་དོར་དེ་དག་དེ་ནས་ཤི་འཕོས་ནས་ཀྱང་སྔོན་གྱི་མི་དགེ་བའི་ལས་མངོན་པར་འདུས་བྱས་
D220.063.0049b02.01པས་མནར་མེད་པའི་སེམས་ཅན་དམྱལ་བ་ཆེན་པོར་ལྷུང་བར་གྱུར་ཏོ། །དེ་དག་གིས་ང་སངས་རྒྱས་བྱེ་བ་ཕྲག་དགུ་བཅུ་དང་ཐབས་ཅིག་ཏུ་མཉེས་པར་བྱས་ན། འོན་ཀྱང་དེ་དག་གིས་སངས་རྒྱས་དེ་སྙེད་ཅིག་ལས་ཀྱང་རྗེས་སུ་འཐུན་པའི་བཟོད་པ་ཡང་མ་ཐོབ་པོ། །དེ་ཅིའི་ཕྱིར་ཞེ་ན། ཤཱ་རིའི་
D220.063.0049b03.01བུ་དེ་བཞིན་གཤེགས་པས་གསུངས་པ་ལ་མ་དད་ཅིང་སྨོད་པ་དང་། འཕགས་པའི་དགེ་སློང་རྣམས་ལ་ཁ་ཟེར་བ་གང་ཡིན་པ་དེ་ནི་དེ་ལྟར་འགྱུར་ཏེ། ཆོས་ཀྱིས་ཕོངས་པར་འགྱུར་བའི་ལས་མངོན་པར་འདུས་བྱས་པའི་ཕྱིར་རོ། །ཤཱ་རིའི་བུ་འཕགས་པ་རྣམས་ལ་སྐུར་པ་བཏབ་པས་ཇི་
D220.063.0049b04.01སྙེད་ཀྱི་སྡུག་བསྔལ་མང་པོ་ཉམས་སུ་མྱོང་བར་གྱུར་པ་ལ་ལྟོས། འོན་ཀྱང་ངན་སོང་རྣམས་ལས་ནི་མ་ཐར་ཏོ། །ཤཱ་རིའི་བུ་བསྟན་པ་དེ་ལ་སྨོད་པའི་སེམས་ཅན་གང་དག་ཡིན་པ་དང་། དེ་ལ་ཆོས་ཀྱིས་ཕོངས་པར་འགྱུར་བའི་ལས་མངོན་པར་འདུ་བྱེད་པ་གང་དག་ཡིན་པའི་སེམས་ཅན་ཇི་སྙེད་
D220.063.0049b05.01པ་དེ་དག་ནི་རེ་ཞིག་དཔག་ཏུ་མེད་ཅིང་རེ་ཞིག་གྲངས་མེད་པ་ཡིན་ན། ཤཱ་རིའི་བུ་དེ་ལས་བསྐལ་པ་གྲངས་མེད་པ་འདི་སྙེད་དང་། སངས་རྒྱས་བྱེ་བ་ཕྲག་དགུ་བཅུ་རྩ་དགུ་འདས་ཀྱི་བར་དུ་སེམས་ཅན་གཅིག་ཀྱང་ཡོངས་སུ་མྱ་ངན་ལས་འདས་པར་མི་དགོངས་སོ། །ཤཱ་རིའི་བུ་དེ་ལྟ་བས་ན་བྱིས་
D220.063.0049b06.01པ་མངོན་པའི་ང་རྒྱལ་ཅན་དང་། དགེ་སློང་སྡིག་ཅན་ཚུལ་ཁྲིམས་དང་སྡོམ་པ་ཞིག་པ་དང་། ཡོངས་སུ་མ་དག་པའི་ཆོས་སྟོན་པ་མ་གཏོགས་པར་སུ་ཞིག་སངས་རྒྱས་བཅོམ་ལྡན་འདས་རྣམས་ཀྱི་བསྟན་པ་ལ་སྨོད་པར་བྱེད། དེ་དག་ལ་ནི་ཆོས་གསུམ་པོ་འདི་དག་ཡོད་པས། དགེ་བ་ནི་དེ་
D220.063.0049b07.01