完整藏文原文 · 德格版页 当前仅加载第 63 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་དེ་ཡང་ཕྱི་རོལ་པའི་ཚིག་དང་ཡི་གེ་རྣམས་ལ་མངོན་པར་བརྩོན་པས། དེ་སངས་རྒྱས་ཀྱི་གསུང་དོན་དམ་པ་འདི་ལ་གུས་པ་མེད་ཅིང་གཅེས་པར་མི་བྱེད་པ་ཡིན་ནོ། །སངས་རྒྱས་ཀྱི་གསུང་ཡོངས་སུ་དག་པར་དམིགས་སུ་མེད་པ་སྨྲ་བའི་དགེ་སློང་གང་ཡིན་པ་དེ་དག་ལ་ཡང་མི་
D220.063.0065a01.01གུས་པ་དང་། གཅེས་པར་མི་བྱེད་པ་དང་། དེ་དགེ་སློང་ཚུལ་ཁྲིམས་དང་ལྡན་པ་རྣམས་ལ་ཡང་ཁྱད་དུ་གསོད་པར་བྱེད་དོ། །དེ་ཅིའི་ཕྱིར་ཞེ་ན། དེ་ནི་འཇིག་རྟེན་རྒྱང་པན་པའི་རྗེས་སུ་འཐུན་པ་དང་། གཅེར་བུ་པའི་སྨྲ་བའི་ཆོས་ཀྱི་རྗེས་སུ་འཐུན་པ་དང་། དེ་ལྷག་པར་ཁེངས་པ་དང་། མགོ་འཕང་ཡང་སྟོད་
D220.063.0065a02.01པར་བྱེད་པ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། ཇི་ལྟར་ཡང་ཡིད་འབྱུང་བར་བྱ་བའི་ཕྱིར་མངོན་པར་བརྩོན་པ་མ་ཡིན་ཏེ། འདོད་ཆགས་དང་བྲལ་བའི་ཕྱིར་མ་ཡིན། འགོག་པའི་ཕྱིར་མ་ཡིན། ཉེ་བར་ཞི་བའི་ཕྱིར་མ་ཡིན། ཡང་དག་པར་རྟོགས་པའི་ཕྱིར་མ་ཡིན། དགེ་སྦྱོང་གི་ཕྱིར་མ་
D220.063.0065a03.01ཡིན། མྱ་ངན་ལས་འདའ་བའི་ཕྱིར་མ་ཡིན་པའི་ཕྱིར་རོ། །དེ་དབང་པོ་ཉམས་པས་སྐྱེས་པ་ཐམས་ཅད་ལ་མ་ནིང་ཡིན་པ་བཞིན་དུ་ཐམས་ཅད་ལ་དབང་པོ་ཉམས་པའི་འདུ་ཤེས་སྐྱེད་པར་འགྱུར་རོ། །ཤཱ་རིའི་བུ་དཔེར་ན་དམུས་ལོང་གིས་ནག་པོ་དང་། དཀར་པོ་དང་། ཁ་དོག་བཟང་པོ་དང་། ཁ་དོག་ངན་
D220.063.0065a04.01པ་དང་། སྔོན་པོ་དང་། སེར་པོ་དང་། དམར་པོ་ལ་སོགས་པའི་གཟུགས་དང་། རིང་པོ་དང་། ཐུང་ངུ་ལ་སོགས་པ་མ་མཐོང་ངོ་། །དེའི་མིག་སྔར་ཕྲ་མོའམ། སྦོམ་པོའམ། རིང་པོའམ། ཐུང་ངུའམ། སྔོན་པོའམ། སེར་པོའམ། དམར་པོའམ། དཀར་པོའི་གཟུགས་ཅུང་ཟད་
D220.063.0065a05.01ཀྱང་སྣང་བར་མ་གྱུར་པ་དང་། དེ་འདི་སྙམ་དུ་སྔོན་པོ་དང་། སེར་པོ་དང་། དམར་པོ་དང་། དཀར་པོའི་གཟུགས་ཀྱང་ཡོད་པ་མ་ཡིན་ནོ། །རིང་པོ་དང་། ཐུང་ངུ་དང་། ཕྲ་མོ་དང་། སྦོམ་པོ་རྣམས་ཀྱང་ཡོད་པ་མ་ཡིན་ནོ། །སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། རིང་པོ་དང་། ཐུང་ངུ་དང་།
D220.063.0065a06.01ཕྲ་མོ་དང་། སྦོམ་པོའི་གཟུགས་རྣམས་ཡང་དག་པར་མཐོང་བ་ཡང་མེད་དོ། །ཉི་མ་དང་ཟླ་བ་ཡང་མེད། ཉི་མ་དང་ཟླ་བ་ཡང་དག་པར་མཐོང་བའམ། སྟོན་པ་ཡང་མེད་དོ་ཞེས་ཇི་ལྟར་བདག་གིས་ཕྱིན་ཅི་ལོག་ཏུ་མཐོང་བ་དེ་བཞིན་དུ་གཞན་ཐམས་ཅད་ལ་ཡང་ལོང་བའི་འདུ་ཤེས་ཁོ་ན་སྐྱེད་པར་འགྱུར་རོ། །
D220.063.0065a07.01