完整藏文原文 · 德格版页 当前仅加载第 63 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་ནོ། །འདི་ནི་བློ་བུར་དུ་ལྷགས་པའི་དགེ་འདུན་ནོ། །འདི་ནི་གཉུག་མར་གནས་པའི་དགེ་འདུན་ནོ། །འདི་ནི་དགེ་སློང་གི་དགེ་འདུན་ནོ། །འདི་ནི་དགེ་སློང་མའི་དགེ་འདུན་ནོ། །འདི་ནི་འཐུན་པ་དང་། འདི་ནི་མི་འཐུན་པའི་དགེ་འདུན་ནོ་ཞེས་བྱ་བར་ཇི་ལྟར་འགྱུར་ཏེ། ཐམས་
D220.063.0016b01.01ཅད་སྤངས་པ་དང་། ཐམས་ཅད་རྒྱུན་བཅད་པས་འཕགས་པའི་དགེ་འདུན་ཞེས་བྱའོ། །མིང་དང་མཚན་མ་མེད་པ། ཐ་སྙད་མེད་པ། འཇུག་པ་མེད་པ། ཐ་སྙད་རྒྱུན་ཆད་པ་དེ་དག་ནི་མཆོག་ཏུ་འཕགས་པར་བརྗོད་པའི་ཕྱིར་དངོས་པོ་དེ་དག་མི་དམིགས་པ་ཡིན་ནོ། །ཤཱ་རིའི་བུ་
D220.063.0016b02.01ཡོངས་སུ་བརྟགས་ནས་མིང་དང་མཚན་མ་རྣམས་ཀྱི་ཐ་སྙད་དམིགས་པར་གྱུར་ན་ནི་ལྟ་བར་གྱུར་པ་རྣམ་པ་དུ་མ་ལ་ཆགས་པ་ཡིན་ཏེ། གང་ཞིག་སྲིད་པ་འབྱུང་བའི་རྒྱུར་གྱུར་པ་ཕུང་པོའི་འདུ་ཤེས་དང་ཕུང་པོ་ལྔ་ལ་ཡོངས་སུ་རྟེན་པ་ནི་ལོག་པར་ལྟ་བའི་གནས་ཡིན་པའི་ཕྱིར་རོ། །ཡང་
D220.063.0016b03.01དག་པ་མ་ཡིན་པའི་འདུ་ཤེས་ཡོངས་སུ་བཟུང་ནས། འདི་ལྟ་སྟེ། ཕུང་པོའི་འདུ་ཤེས་ལོག་པར་འཛིན་པ་དང་། ངན་སོང་ལ་འཛིན་པ་དང་། དམིགས་པ་ལ་འཛིན་པ་དང་། ལམ་གོལ་བ་ལ་འཛིན་པ་དང་། ཡང་དག་པ་མ་ཡིན་པ་ལ་འཛིན་པ་དེ་དག་ནི་འཕགས་པ་ཉན་ཐོས་
D220.063.0016b04.01རྣམས་ལ་ཡོད་པ་མ་ཡིན་ཏེ། ཡང་དག་པ་མ་ཡིན་པ་ལ་དམིགས་པ་ཁམས་གསུམ་པ་མི་ཤེས་པ་ཐམས་ཅད་མ་གཏོགས་ཏེ། དེས་ན་འཕགས་པའི་དགེ་འདུན་ཞེས་བྱའོ། །ཤཱ་རིའི་བུ་ཡང་དག་པ་མ་ཡིན་པ་སྒྲ་སྣ་ཚོགས་ལ་ཞེན་པ་གང་ཅི་ཡང་རུང་བ་དེ་དག་ནི་འཕགས་པའི་དགེ་
D220.063.0016b05.01འདུན་ལ་དམིགས་སུ་ཡོད་པ་མ་ཡིན་ཏེ། འདི་ལྟ་སྟེ། བདག་ཏུ་འཛིན་པ་དང་། སེམས་ཅན་དུ་འཛིན་པ་དང་། སྲོག་ཏུ་འཛིན་པ་དང་། གང་ཟག་ཏུ་འཛིན་པ་དང་། མིར་འཛིན་པ་དང་། མི་མ་ཡིན་པར་འཛིན་པ་དང་། བུད་མེད་དུ་འཛིན་པ་དང་། སྐྱེས་པར་འཛིན་པ་དང་།
D220.063.0016b06.01ལྷར་འཛིན་པ་དང་། དམྱལ་བར་འཛིན་པ་དང་། དུད་འགྲོའི་སྐྱེ་གནས་སུ་འཛིན་པ་དང་། གཤིན་རྗེའི་འཇིག་རྟེན་དུ་འཛིན་པ་དང་། ཕུང་པོར་འཛིན་པ་དང་། ཁམས་སུ་འཛིན་པ་དང་། སྐྱེ་མཆེད་དུ་འཛིན་པ་དང་། འབྱུང་བར་འཛིན་པ་དང་། འཇིག་པར་འཛིན་པ་དང་།
D220.063.0016b07.01