sangs rgyas kyi sde snod tshul khrims 'chal pa tshar gcod pa zhes bya ba theg pa chen po'i mdo/
当前为德格木刻版 53b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 53b
- 可引用原文
- 7 行
- 全文规模
- 全经 1068 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 63 函 · 德格 53b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བྱེད་ན། དེ་དག་ནི་དད་པས་བྱིན་པ་ལ་ཤིན་ཏུ་ལོངས་མ་སྤྱད་པ་ཡིན་ནོ། །དེ་དག་གིས་ཅི་ནས་ཀྱང་བསྟན་པ་འདི་ལ་རབ་ཏུ་བྱུང་ནས་སོ་སོར་ཐར་པའི་སྡོམ་པས་བསྡམས་པར་གྱུར་ཀྱང་། དོན་དམ་པ་སྟོང་པ་ཉིད་ལ་འཇུག་པར་མི་འགྱུར་བ་དང་། མོས་པར་མི་འགྱུར་བ་དང་། སྟོང་པ་ཉིད་དམིགས་སུ་མེད་པའི་ཆོས་རྣམས་ལ་ཡིད་གཉིས་དང་ཐེ་ཙོམ་ཟ་བར་གྱུར་ན། དེ་དག་ཕལ་ཆེར་ཚུལ་ཁྲིམས་གཙོ་བོར་བྱེད་པ་དང་། ཏིང་ངེ་འཛིན་གཙོ་བོར་བྱེད་པ་དང་། ཐོས་པ་གཙོ་བོར་བྱེད་པ་ཡིན་ཡང་། ཤཱ་རིའི་བུ་དེ་དག་གིས་དེ་བཞིན་གཤེགས་པ་ལ་མཆོད་པ་བྱས་པ་མ་ཡིན།
གུས་པར་བྱས་པ་མ་ཡིན། བླ་མར་བྱས་པ་མ་ཡིན། རྗེད་པར་བྱས་པ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་སེམས་ཅན་གང་ཞིག་བསམ་གཏན་བཞི་པོ་དག་ཐོབ་པར་གྱུར་པ་དེ་ནི་ཤིན་ཏུ་རྙེད་པར་མི་སླ་བ་མ་ཡིན་ན། ཤཱ་རིའི་བུ་དེ་ལ་དེ་བཞིན་གཤེགས་པ་ལ་ཅི་ཞིག་གིས་བཀུར་སྟི་བྱས། གང་དག་དེ་ཙམ་གྱིས་དགེ་སྦྱོང་དུ་ཁས་འཆེ་བ་དེ་དག་ནི་སྡུག་བསྔལ་གྱི་སྦྱོར་བ་ཐམས་ཅད་ལས་ཡོངས་སུ་མ་གྲོལ་བ་ཡིན་པའི་ཕྱིར་རོ། །ཤཱ་རིའི་བུ་དེ་ལྟ་བས་ན་ཁྱོད་ལ་གོ་བར་བྱའོ། །ཁོང་དུ་ཆུད་པར་བྱའོ། །ཆོས་འདུལ་བ་འདི་ནི་མང་པོའི་འཛིན་པ་སྣ་ཚོགས་ཀྱིས་ལྟ་
བ་ཉམས་པར་འགྱུར་རོ། །ཤཱ་རིའི་བུ་འདི་ལྟར་ཡོངས་སུ་མ་དག་པའི་ཚུལ་ཁྲིམས་གཙོ་བོར་བྱེད་པ་དང་། ཡོངས་སུ་མ་དག་པའི་ཏིང་ངེ་འཛིན་གཙོ་བོར་བྱེད་པ་དང་། ཡོངས་སུ་མ་དག་པའི་ཐོས་པ་གཙོ་བོར་བྱེད་པས་ཡོངས་སུ་དག་པའི་དགེ་སྦྱོང་མ་ཡིན་ནོ། །ཤཱ་རིའི་བུ་དེ་ལ་ནི་དགེ་སྦྱོང་ཞེས་མི་གསུང་ངོ་། །བྲམ་ཟེ་ཞེས་མི་གསུང་ངོ་། །ཤཱ་རིའི་བུ་གང་ཞིག་བདག་མེད་པའི་ཆོས་རྣམས་ལ་བདག་མེད་པའི་ཆོས་རྣམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། ཆོས་ཐམས་ཅད་ཀྱི་རང་གི་མཚན་ཉིད་སྟོང་པ་ལ་ཆོས་ཐམས་ཅད་ཀྱི་རང་གི་མཚན་ཉིད་སྟོང་པ་ཉིད་
ཡིན་ནོ་ཞེས་ཡང་དག་པ་ཅི་ལྟ་བ་བཞིན་དུ་རབ་ཏུ་ཤེས་པ་དེ་ནི་དེའི་ཚེ་ཉིད་ནས་ཚུལ་ཁྲིམས་གཙོ་བོར་བྱེད་པ་མ་ཡིན་ཏེ། ཏིང་ངེ་འཛིན་གཙོ་བོར་བྱེད་པ་མ་ཡིན། ཐོས་པ་གཙོ་བོར་བྱེད་པ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་མངོན་པར་འདུ་བྱེད་པ་མེད་ན་ཆོས་གང་ཞིག་གཙོ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D220
- 德格版页
- 53b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0220 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。