完整藏文原文 · 德格版页 当前仅加载第 63 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
གམ་མཚན་གཅིག་གནོད་སེམས་བགྱིད་པ་ནི་ངོ་མཚར་མི་ཆེ་ལགས་སོ། །བཅོམ་ལྡན་འདས་ལོག་པའི་ལྟ་བ་ཅན་ནི་ལན་འགའ་ཡང་ཡང་དག་པའི་ལྟ་བ་ཅན་དུ་མི་འགྱུར་ལ། ལན་འགའ་ཡང་ཡང་དག་པའི་ལྟ་བ་ཡིད་ལ་མི་བགྱིད་པས། བཅོམ་ལྡན་འདས་བདག་ནི་མི་དགེ་བའི་ལས་
D220.063.0036b01.01ཀྱི་ལམ་བཅུ་པོ་འདི་རྣམས་ལས་ལོག་པར་ལྟ་བ་ནི་ཐམས་ཅད་དུ་ཁ་ན་མ་ཐོ་བ་ཆེན་པོ་དང་བཅས་པ་ལགས་སོ་ཞེས་མཆི་ལགས་སོ། །བཅོམ་ལྡན་འདས་དེ་ཅིའི་སླད་དུ་ཞེ་ན། འདི་ལྟར་ལོག་པའི་ལྟ་བ་ཅན་ནི་ལྟ་བ་ཉམས་པས་རྟག་པར་རྒྱུན་དུ་ཀུན་ནས་ཉོན་མོངས་པའི་སེམས་དང་།
D220.063.0036b02.01ཡོངས་སུ་མ་དག་པའི་སེམས་སུ་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ཁྱོད་ལ་གོ་བར་བྱའོ། །ཁོང་དུ་ཆུད་པར་བྱའོ། །ཤཱ་རིའི་བུ་སྲོག་གཅོད་པའི་མི་གང་ཞིག་ཉི་མ་རེ་རེ་ཞིང་སྲོག་ཆགས་བྱེ་བ་བརྒྱ་སྟོང་གི་སྲོག་ལ་འཚེ་བར་བྱེད་པ་དང་། མ་བྱིན་
D220.063.0036b03.01པར་ལེན་པའི་མི་གང་ཞིག་ཉི་མ་རེ་རེ་ཞིང་ཁྱིམ་བྱེ་བ་བརྒྱ་སྟོང་ནས་ནོར་དང་། འབྲུ་དང་། གསེར་དང་། དངུལ་དང་། རང་གི་ནོར་ཐམས་ཅད་འཕྲོག་པར་བྱེད་པ་དང་། འདོད་པ་རྣམས་ལ་ལོག་པར་སྤྱོད་པའི་མི་གང་ཞིག་རྟག་པར་རྒྱུན་དུ་དུབ་པ་མེད་པར་འདོད་པ་རྣམས་ལ་ལོག་པར་སྤྱོད་པ་དང་།
D220.063.0036b04.01{བརྫུན་,རྫུན་}དུ་སྨྲ་བའི་མི་གང་ཞིག་ཉིན་མཚན་རྟག་པར་རྒྱུན་དུ་{བརྫུན་,རྫུན་}གྱི་ཚིག་སྨྲ་བར་བྱེད་དེ། བདེན་པའི་རྗེས་སུ་འཐུན་པའམ། བདེན་པའི་རྗེས་སུ་འགྲོ་བའི་ཚིག་གཅིག་ཙམ་ཡང་མི་སྨྲ་བས་རྟག་པར་ཚིག་ཡོངས་སུ་མ་དག་པར་བྱེད་པ་དང་། ཕྲ་མའི་ཚིག་སྨྲ་བའི་མི་གང་ཞིག་རྟག་པར་
D220.063.0036b05.01རྒྱུན་དུ་འཁྲུག་པ་ལ་དགའ། འཁྲུག་པ་ལ་མགུ་བར་བྱེད་པས་འཁྲུག་པར་བྱེད་པའི་ཚིག་སྨྲ་སྟེ། འཐུན་པ་རྣམས་འབྱེད་པར་བྱེད་ཅིང་། ཕྱེ་བ་རྣམས་ནི་ལྷག་པར་ཡང་འབྱེད་པར་བྱེད་པས། ལྷག་པར་ཡང་སྦེད་པ་དང་། ཚིག་རྩུབ་པོ་སྨྲ་བར་བྱེད་པའི་མི་གང་ཞིག་རྟག་པར་རྒྱུན་དུ་རྩོད་པའི་
D220.063.0036b06.01གཏམ་ལ་སྦྱོར་བའི་རྗེས་སུ་བརྩོན་པར་གནས་ཏེ། ཚིག་འཇམ་པོ་གཅིག་ཙམ་ཡང་མི་སྨྲ་བ་དང་། ཚིག་ཀྱལ་པ་སྨྲ་བའི་མི་གང་ཞིག་དེ་གཞན་དྲིས་པ་ན། གཞན་དུ་སྨྲ་སྟེ། བདེན་པར་མི་སྨྲ་ཞིང་གཞན་གྱི་ཚིག་འཁྲུགས་པར་བྱ་བའི་ཕྱིར་ཚིག་བརྒྱུད་པ་སྟེ། ཡུད་ཙམ་ལ་ཚིག་བརྒྱ་འམ་སྟོང་
D220.063.0036b07.01