完整藏文原文 · 德格版页 当前仅加载第 63 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པ་དེ་ལྟ་བུ་དང་ལྡན་པའི་ཁྱིམ་པའམ། རབ་ཏུ་བྱུང་བ་ནི་འདི་ལ་ཡོངས་སུ་མྱ་ངན་ལས་འདའ་བའི་བར་དུ་ལུང་སྟོན་པར་མཛད་དོ། །ཤཱ་རིའི་བུ་ཡང་དགེ་སློང་གང་ཞིག་དེ་སྐད་འདོམས་ཤིང་དེ་སྐད་རྗེས་སུ་སྟོན་པའི་དམིགས་སུ་མེད་པའི་སྟོང་པ་ཉིད་ཀྱི་ཆོས་རྣམས་
D220.063.0010a01.01ཐོས་ནས་སྐྲག་པར་གྱུར། དངངས་པར་གྱུར། ཀུན་ཏུ་དངངས་པར་གྱུར་ན། དེ་མགོན་མེད་པ་དང་། སྐྱབས་མེད་པ་དང་། སྟོན་པ་མེད་པས་སེམས་ཅན་དམྱལ་བར་འགྲོ་བར་འགྱུར་རོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་སངས་རྒྱས་ཀྱི་བསྟན་པ་ལ་སྐྲག་པ་གང་
D220.063.0010a02.01ཡིན་པ་དེ་ནི་ངན་སོང་ཡོངས་སུ་རྫོགས་པར་བྱེད་པ་ཡིན་པའི་ཕྱིར་རོ། །ཤཱ་རིའི་བུ་ཡང་ངས་ཁ་ཅིག་གི་སྐྱེ་བ་གསུངས་པ་ནི་ངན་སོང་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་སངས་རྒྱས་ཀྱི་བསྟན་པ་ལ་བཏགས་པ་མེད་པ་དེ་ནི་དམིགས་པ་ལ་བཏགས་པ་མེད་པ་
D220.063.0010a03.01ཡིན་ནོ། །ཤཱ་རིའི་བུ་མཚམས་མེད་པ་ལྔ་དང་ལྡན་པ་ནི་བླའི། བདག་ཏུ་ལྟ་བ་དང་ལྡན་པ་ནི་དེ་ལྟ་མ་ཡིན་ཏེ། སེམས་ཅན་དུ་ལྟ་བ་དང་ལྡན་པ་མ་ཡིན། སྲོག་ཏུ་ལྟ་བ་དང་ལྡན་པ་མ་ཡིན། གང་ཟག་ཏུ་ལྟ་བ་དང་ལྡན་པ་མ་ཡིན། ཕུང་པོར་ལྟ་བ་དང་ལྡན་པ་མ་ཡིན། ཁམས་སུ་
D220.063.0010a04.01ལྟ་བ་དང་ལྡན་པ་མ་ཡིན། སྐྱེ་མཆེད་དུ་ལྟ་བ་དང་ལྡན་པ་མ་ཡིན། འབྱུང་བར་ལྟ་བ་དང་ལྡན་པ་མ་ཡིན། འཇིག་པར་ལྟ་བ་དང་ལྡན་པ་མ་ཡིན། ཚུལ་ཁྲིམས་སུ་ལྟ་བ་དང་ལྡན་པ་མ་ཡིན། ཚུལ་ཁྲིམས་སྙིང་པོར་ལྟ་བ་དང་ལྡན་པ་མ་ཡིན། ཏིང་ངེ་འཛིན་སྙིང་པོར་ལྟ་བ་དང་ལྡན་པ་མ་
D220.063.0010a05.01ཡིན། ཏིང་ངེ་འཛིན་གྱི་སྙིང་པོ་དག་པར་ལྟ་བ་དང་ལྡན་པ་མ་ཡིན། སངས་རྒྱས་ཀྱི་གཟུགས་ཀྱི་མཚན་མའི་རྗེས་སུ་འབྲང་བར་ལྟ་བ་དང་ལྡན་པ་མ་ཡིན། ཆོས་ཐོབ་པ་ཡིད་ལ་བྱེད་པར་ལྟ་བ་དང་ལྡན་པ་མ་ཡིན། གང་ཟག་ཏུ་ལྟ་བ་དགེ་འདུན་གྱི་ཐ་སྙད་དང་ལྡན་པ་མ་ཡིན་ནོ། །ཤཱ་རིའི་བུ་དེ་
D220.063.0010a06.01ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པའི་བསྟན་པ་ལ་གང་ཟག་ཏུ་ལྟ་བ་དང་ལྡན་པ་ནི་དགེ་འདུན་གྱི་གྲངས་སུ་གཏོགས་པ་མ་ཡིན་ནོ་ཞེས་གསུངས་པའི་ཕྱིར་རོ། །དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནི་གང་ཟག་མེད་པ། རྟོག་པ་མེད་པ།
D220.063.0010a07.01