完整藏文原文 · 德格版页 当前仅加载第 60 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲ་ལ་ཁོང་ཁྲོ་བའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །ཚུལ་ཁྲིམས་ཀྱི་སྒྲ་ལ་ཆགས་པའི་འདུ་ཤེས་སུ་འགྱུར་ཞིང་། ཚུལ་ཁྲིམས་འཆལ་པའི་སྒྲ་ལ་ཁོང་ཁྲོ་བའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །བཟོད་
D180.060.0289a01.01པའི་སྒྲ་ལ་ལེགས་པའི་འདུ་ཤེས་སུ་འགྱུར་ཞིང་། གནོད་སེམས་ཀྱི་སྒྲ་ལ་ཁོང་ཁྲོ་བའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །བརྩོན་འགྲུས་བརྩམས་པའི་སྒྲ་ལ་ལེགས་པའི་འདུ་ཤེས་སུ་འགྱུར་ཞིང་། ལེ་ལོའི་སྒྲ་ལ་ཁོང་ཁྲོ་བའི་འདུ་ཤེས་སུ་འགྱུར་ན།
D180.060.0289a02.01སངས་རྒྱས་ཀྱི་ཆོས་རྣམས་ལ་མི་སློབ་བོ། །བསམ་གཏན་གྱི་སྒྲ་ལ་ལེགས་པའི་འདུ་ཤེས་སུ་འགྱུར་ཞིང་། འཁྲུག་པའི་སྒྲ་ལ་ཁོང་ཁྲོ་བའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །ཤེས་རབ་ཀྱི་སྒྲ་ལ་ལེགས་པའི་འདུ་ཤེས་སུ་འགྱུར་ཞིང་། ཤེས་རབ་འཆལ་
D180.060.0289a03.01པའི་སྒྲ་ལ་ཁོང་ཁྲོ་བའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །ཉེ་བའི་སྒྲ་ལ་ཆགས་ཤིང་། རིང་བའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །འཁོར་བའི་སྒྲ་ལ་ཁ་ན་མ་ཐོ་བའི་འདུ་ཤེས་སུ་འགྱུར་ཞིང་། མྱ་ངན་ལས་འདས་
D180.060.0289a04.01པའི་སྒྲ་ལ་ལེགས་པའི་འདུ་ཤེས་སུ་འགྱུར་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །ཚུ་རོལ་གྱི་སྒྲ་ལ་ཁོང་ཁྲོ་ཞིང་ཕ་རོལ་གྱི་སྒྲ་ལ་ཆགས་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །གྲོང་གི་སྒྲ་ལ་ཁ་ན་མ་ཐོ་བར་འདུ་ཤེས་པར་གྱུར་ཅིང་། དགོན་པའི་སྒྲ་ལ་
D180.060.0289a05.01ཆགས་པར་གྱུར་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །གཅིག་པུར་སྤྱོད་པའི་སྒྲ་ལ་ཆགས་ཤིང་། འདུ་འཛིར་སྤྱོད་པའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །དགེ་སློང་གི་སྤྱོད་པ་ལ་ཆགས་ཤིང་། ཁྱིམ་པའི་སྤྱོད་པ་ལ་ཁོང་ཁྲོ་ན། སྒྲ་
D180.060.0289a06.01དང་སྐད་ལ་འཇུག་པའི་རིག་པ་ལ་མི་སློབ་བོ། །སྤྱོད་ལམ་གྱི་བྱ་བ་ལ་ཆགས་ཤིང་། སྤྱོད་ལམ་མ་ཡིན་པའི་བྱ་བ་ལ་ཁོང་ཁྲོ་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །ཚུལ་དུ་ཤིས་པ་ལ་ཆགས་ཤིང་། ཚུལ་དུ་མི་ཤིས་པ་ལ་ཁོང་ཁྲོ་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །
D180.060.0289a07.01