完整藏文原文 · 德格版页 当前仅加载第 60 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་མིང་དང་མིང་མེད་བྲལ་བ་སྟེ། །སྒྲ་བརྗོད་བྲག་ཅ་འདྲ་བ་ཇི་ལྟར་ལགས། །སྐྱེ་དང་སྐྱེ་མེད་གང་ལ་མ་མཆིས་ཤིང་། །གང་ལ་སྐྱོན་བྲལ་མྱ་ངན་འདས་པ་དང་། །འཁོར་བ་དག་ཀྱང་དེ་ལ་མ་མཆིས་པས། །ཆོས་རྣམས་ཐམས་ཅད་ཚུལ་གཅིག་ཇི་ལྟར་འགྱུར། །ལྷ་དང་ཀླུ་དག་དེ་ལ་མ་
D180.060.0268b01.01མཆིས་ཤིང་། །གནོད་སྦྱིན་མིའམ་ཅི་དང་འདྲེ་དག་དང་། །སེམས་ཅན་དམྱལ་བ་དེ་ལ་མ་མཆིས་ཤིང་། །ཇི་ལྟར་དེ་ལ་སེམས་ཅན་ལམ་མ་མཆིས། །མགོན་པོས་ཆོས་རྣམས་གང་གསུངས་ཚུལ་དག་དང་། །སྡིག་པའི་བློ་ཅན་མུ་སྟེགས་གང་སྨྲ་བ། །དེ་དག་གཉིས་སུ་མ་མཆིས་ཇི་ལྟར་
D180.060.0268b02.01ལགས། །ཡི་གེ་ཀུན་ལ་གཅིག་ཏུ་ཇི་ལྟར་འགྱུར། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེའི་རྩལ་གྱིས་འགྲོ་བ་ལ་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་ལེགས་སོ་ལེགས་སོ། །ཁྱོད་ཀྱིས་ཇི་ཙམ་དུ་འཇིག་རྟེན་ཐམས་ཅད་
D180.060.0268b03.01ཀྱིས་ཡིད་ཆེས་པར་དཀའ་བའི་དྲི་བ་འདི་དྲིས་པ་ངོ་མཚར་ཆེའོ། །རིགས་ཀྱི་བུ་ཆོག་མོད་ཁྱོད་ཀྱིས་འདི་དྲིས་པས་ཅི་ཞིག་བྱ། འདི་ནི་བྱང་ཆུབ་སེམས་དཔའ་ལས་དང་པོ་པ་སྟོང་པ་ཉིད་ཀྱི་ལྟ་བ་ཅན། མཚན་མ་མེད་པའི་ལྟ་བ་ཅན། སྨོན་པ་མེད་པའི་ལྟ་བ་ཅན། སྐྱེ་བ་མེད་པའི་ལྟ་བ་ཅན།
D180.060.0268b04.01དངོས་པོ་མེད་པའི་ལྟ་བ་ཅན། མཚན་ཉིད་མེད་པའི་ལྟ་བ་ཅན། སངས་རྒྱས་ཀྱི་ལྟ་བ་ཅན། བྱང་ཆུབ་ཀྱི་ལྟ་བ་ཅན་དག་གི་གནས་མ་ཡིན་ནོ། །རིགས་ཀྱི་བུ་ཆོས་བསྟན་པ་འདི་ནི་བྱང་ཆུབ་སེམས་དཔའ་ལས་དང་པོ་པའི་མདུན་དུ་མི་བརྗོད་དོ། །དེ་ཅིའི་ཕྱིར་ཞེ་ན། དེ་ནི་དེའི་དགེ་བའི་རྩ་བ་
D180.060.0268b05.01རྣམས་ཐམས་ཅད་ཀྱི་ཐམས་ཅད་དུ་རྒྱུན་ཆད་དུ་འོང་ངོ་། །སངས་རྒྱས་ཀྱི་བྱང་ཆུབ་ལས་ཀྱང་ཉམས་པར་འགྱུར་སྲིད་དོ། །རྟག་པའམ་ཆད་པར་ཡང་ལྷུང་དུ་འོང་ངོ་། །དེ་བཞིན་གཤེགས་པས་ཀྱང་ཅི་ལས་དགོངས་ཏེ་ཆོས་བསྟན་མི་ཤེས་སྲིད་དོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་
D180.060.0268b06.01དཔའ་སེམས་དཔའ་ཆེན་པོ་སེང་གེའི་རྩལ་གྱིས་འགྲོ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཤད་དུ་གསོལ། མ་བྱུང་བའི་དུས་ན། བྱང་ཆུབ་སེམས་དཔའ་སྟོང་པ་ཉིད་ཀྱི་ལྟ་བ་ཅན། མཚན་མ་མ་མཆིས་པའི་ལྟ་བ་ཅན། སྨོན་པ་མ་མཆིས་པའི་ལྟ་བ་
D180.060.0268b07.01