完整藏文原文 · 德格版页 当前仅加载第 60 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན། སྐྱེ་བ་མ་མཆིས་པའི་ལྟ་བ་ཅན། མཚན་ཉིད་མ་མཆིས་པའི་ལྟ་བ་ཅན། སངས་རྒྱས་ཀྱི་ལྟ་བ་ཅན། བྱང་ཆུབ་ཀྱི་ལྟ་བ་ཅན་དག་འབྱུང་བར་འགྱུར་བ་དང་། གང་ཡང་སྟོང་པ་ཉིད་དང་། མཚན་མ་མ་མཆིས་པ་ལ་རྟོག་པ་དང་། སྨྲ་བ་ལ་དགའ་བ་དང་། སྨྲ་
D180.060.0269a01.01བའི་ཚིག་ལ་ཆགས་པ་དང་། ཡི་གེས་དག་པར་འཛིན་པ་དང་། ཚིག་གི་ལས་ལ་གཞོལ་བ་དང་། ལེགས་པར་བརྗོད་པ་གཅེས་པར་འཛིན་པ་དང་། མིང་གཅེས་པར་འཛིན་པ་གང་འབྱུང་བར་འགྱུར་བ་དེ་དག་གིས་དེ་བཞིན་གཤེགས་པས་ཆོས་བསྟན་པ། ཡི་གེ་མ་མཆིས་ཤིང་ཚིག་དང་བྲལ་
D180.060.0269a02.01བ་འདི་ཐོས་ན། ལྟ་བ་དེ་དག་སྤོང་ཞིང་། ཇི་ལྟར་མོས་པའི་སེམས་ཅན་རྣམས་ལ་དེ་ལྟར་མོས་པའི་ཆོས་སྟོན་པར་འགྱུར་རོ། །དེ་དག་ཐབས་མཁས་པ་ལ་བསླབས་པས། འདོད་པ་ཆུང་བའི་ཚིག་གི་རྒྱུད་ཀྱང་རྗོད་ལ། དེས་དག་པར་ཡང་མི་སེམས། ཆོ་ག་འཚལ་བའི་ཚིག་གི་རྒྱུད་རྗོད་ལ། དེས་
D180.060.0269a03.01དག་པར་ཡང་མི་སེམས། སྡོམ་པའི་ཚིག་གི་རྒྱུད་ཀྱང་རྗོད་ལ་དེས་དག་པར་ཡང་མི་སེམས། འདུ་འཛིའི་མི་བསྔགས་པ་ཡང་རྗོད་ལ། ཆོས་ཐམས་ཅད་རབ་ཏུ་དབེན་པར་ཡང་མོས་པར་འགྱུར་རོ། །གཅིག་པུར་དགའ་བ་དང་། འདུ་འཛི་མ་མཆིས་པའི་བསྔགས་པ་ཡང་རྗོད་ལ། དེས་
D180.060.0269a04.01དག་པར་ཡང་མི་སེམས། བྱང་ཆུབ་ཀྱི་སེམས་ཀྱི་བསྔགས་པ་ཡང་རྗོད་ལ། སེམས་ཀྱི་རང་བཞིན་ཡང་བྱང་ཆུབ་ཏུ་འཚལ་བར་འགྱུར། ཤིན་ཏུ་རྒྱས་པའི་མདོ་རྣམས་ཀྱི་བསྔགས་པ་ཡང་རྗོད་ལ། ཆོས་ཐམས་ཅད་ཤིན་ཏུ་རྒྱས་པར་ཡང་འཚལ་བར་འགྱུར། བྱང་ཆུབ་སེམས་དཔའི་
D180.060.0269a05.01ཚིག་གི་རྒྱུད་ཀྱང་རྗོད་ལ། ཉན་ཐོས་དང་། རང་རྒྱལ་བ་དང་། སངས་རྒྱས་རྣམས་ཐ་དད་པར་ཡང་མི་ལྟ། སྦྱིན་པའི་བསྔགས་པ་ཡང་རྗོད་ལ། སྦྱིན་པའི་མཉམ་པ་ཉིད་ཀྱང་དེ་དག་གིས་རྟོགས་པར་འགྱུར། ཚུལ་ཁྲིམས་ཀྱི་བསྔགས་པ་ཡང་རྗོད་ལ། རང་བཞིན་གྱི་ཚུལ་ཁྲིམས་ཀྱང་
D180.060.0269a06.01དེ་དག་གིས་རྟོག་པར་འགྱུར། བཟོད་པའི་བསྔགས་པ་ཡང་རྗོད་ལ་ཆོས་ཐམས་ཅད་ཀྱི་ཟད་པའི་ཆོས་དང་། བྱང་བའི་ཆོས་དང་། མི་སྐྱེ་བའི་ཆོས་ཉིད་ཀྱང་དེ་དག་གིས་ཤིན་ཏུ་མཐོང་བར་འགྱུར། བརྩོན་འགྲུས་ཀྱི་བསྔགས་པ་ཡང་རྗོད་ལ། ཆོས་ཐམས་ཅད་ལ་བཙལ་བ་མ་མཆིས་པ་དང་།
D180.060.0269a07.01