完整藏文原文 · 德格版页 当前仅加载第 60 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་འདོད་ཆགས་ཀྱི་སྒྲ་ལ་ཉེས་པའི་འདུ་ཤེས་སུ་འགྱུར་ཞིང་འདོད་ཆགས་དང་བྲལ་བའི་སྒྲ་ལ་ཆགས་པའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །ཞེ་སྡང་གི་སྒྲ་ལ་ཁ་ན་མ་ཐོ་བའི་འདུ་ཤེས་སུ་འགྱུར་ཞིང་། ཞེ་སྡང་དང་བྲལ་བའི་སྒྲ་ལ་ལེགས་
D180.060.0288b01.01པའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །གཏི་མུག་གི་སྒྲ་ལ་ཁ་ན་མ་ཐོ་བའི་འདུ་ཤེས་སུ་འགྱུར་ཞིང་། གཏི་མུག་དང་བྲལ་བའི་སྒྲ་ལ་ལེགས་པའི་འདུ་ཤེས་སུ་འགྱུར་ན། སངས་རྒྱས་ཀྱི་ཆོས་རྣམས་ལ་མི་སློབ་བོ། །འདོད་པ་ཆུང་བའི་སྒྲ་ལ་ཆགས་ཤིང་འདོད་
D180.060.0288b02.01པ་ཆེ་བའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །ཆོག་ཤེས་པའི་སྒྲ་ལ་ཆགས་ཤིང་། ཆོག་མི་ཤེས་པའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །སྡོམ་པའི་སྒྲ་ལ་ཆགས་ཤིང་། མི་སྡོམ་པའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་
D180.060.0288b03.01འཇུག་པའི་རིག་པ་ལ་མི་སློབ་བོ། །གཅིག་པུར་དགའ་བའི་སྒྲ་ལ་ཆགས་ཤིང་། སྐྱེ་བོ་ཕལ་པོ་ཆེའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །སངས་རྒྱས་ཀྱི་སྒྲ་ལ་ཆགས་ཤིང་། མུ་སྟེགས་ཅན་གྱི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་
D180.060.0288b04.01སློབ་བོ། །ཚངས་པར་སྤྱོད་པའི་སྒྲ་ལ་ཞེན་ཅིང་། ཚངས་པར་མི་སྤྱོད་པའི་སྒྲ་ལ་ཞེ་སྡང་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །ཀུན་ནས་ཉོན་མོངས་པའི་སྒྲ་ལ་ཁོང་ཁྲོ་ཞིང་། རྣམ་པར་བྱང་བའི་སྒྲ་ལ་ཆགས་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །འབྲས་
D180.060.0288b05.01བུ་ལ་གནས་པའི་སྒྲ་ལ་ཆགས་ཤིང་། བྱིས་པ་སོ་སོའི་སྐྱེ་བོའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །བདེ་བའི་སྒྲ་ལ་ཆགས་ཤིང་། སྡུག་བསྔལ་གྱི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །རབ་ཏུ་བྱུང་བའི་སྒྲ་ལ་ཆགས་ཤིང་།
D180.060.0288b06.01ཁྱིམ་པའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །འཇིག་རྟེན་ལས་འདས་པའི་སྒྲ་ལ་ཆགས་ཤིང་། འཇིག་རྟེན་པའི་སྒྲ་ལ་ཁོང་ཁྲོ་ན། སྒྲ་དང་སྐད་ལ་འཇུག་པའི་རིག་པ་ལ་མི་སློབ་བོ། །སྦྱིན་པའི་སྒྲ་ལ་ལེགས་པའི་འདུ་ཤེས་སུ་འགྱུར་ཞིང་། སེར་སྣའི་
D180.060.0288b07.01