完整藏文原文 · 德格版页 当前仅加载第 60 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
རྩོམ་པ་མ་མཆིས་པ་ཡང་རབ་ཏུ་རྟོགས་པར་འགྱུར། བསམ་གཏན་དང་། སྙོམས་པར་འཇུག་པ་རྣམས་ཀྱི་སྒོ་བྱེ་བ་ཁྲག་ཁྲིག་བརྒྱ་སྟོང་གིས་མངོན་པར་བསྒྲུབ་པ་ཡང་སྟོན་ལ། ཆོས་ཐམས་ཅད་རང་བཞིན་གྱིས་མཉམ་པར་བཞག་པར་ཡང་འཚལ་བར་འགྱུར། ཤེས་རབ་ཀྱི་བསྔགས་པ་
D180.060.0269b01.01རྣམ་པ་སྟོང་ཡང་རྗོད་ལ། ཤེས་རབ་དང་། ཤེས་རབ་འཆལ་པའི་རང་བཞིན་ཡང་དེ་དག་གིས་ཤིན་ཏུ་རིག་པར་འགྱུར། འདོད་ཆགས་ཀྱི་སྐྱོན་ཡང་སྟོན་ལ། ཆོས་གང་ཡང་འདོད་ཆགས་པར་མི་མཐོང་། ཞེ་སྡང་གི་སྐྱོན་ཡང་སྟོན་ལ། ཆོས་གང་ཡང་ཞེ་སྡང་བར་མི་མཐོང་། གཏི་མུག་གི་
D180.060.0269b02.01སྐྱོན་ཡང་སྟོན་ལ། ཆོས་ཐམས་ཅད་གཏི་མུག་གི་སྒྲིབ་པ་དང་བྲལ་བར་ཡང་མོས་པར་འགྱུར། སེམས་ཅན་རྣམས་ལ་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་མཆི་བའི་འཇིགས་པ་ཡང་སྟོན་ལ། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་།
D180.060.0269b03.01གཤིན་རྗེའི་འཇིག་རྟེན་ཀྱང་མི་དམིགས་ཏེ། དེ་དག་སེམས་ཅན་ཇི་ལྟར་མོས་པ་དག་ལ། དེ་ལྟར་མོས་པའི་ཆོས་སྟོན་ཅིང་། གང་འདི་སྟོང་པ་ཉིད་ལ་མོས་པར་ཚུལ་གཅིག་པ་ལ་མོས་པར་འགྱུར། དེ་བཞིན་དུ་མཚན་མ་མ་མཆིས་པ་ལ་མོས་པ་དང་། སྨོན་པ་མ་མཆིས་པ་ལ་མོས་པ་དང་། སྐྱེ་བ་
D180.060.0269b04.01མ་མཆིས་པ་ལ་མོས་པ་དང་། དངོས་པོ་མ་མཆིས་པ་ལ་མོས་པ་དང་། མཚན་ཉིད་མ་མཆིས་པ་ལ་མོས་པར་ཚུལ་གཅིག་པར་མོས་པར་འགྱུར་ན། བཅོམ་ལྡན་འདས་དེའི་སླད་དུ་ཐབས་མཁས་པའི་ཚིག་གང་ཉན་ཐོས་དང་། རང་སངས་རྒྱས་རྣམས་དང་། ཐེག་པ་ལ་གསར་དུ་ཞུགས་པའི་བྱང་
D180.060.0269b05.01ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་མ་ལགས་ཤིང་། གཞན་དུ་ན་ཟབ་མོ་ལ་མོས་པ་དང་། ཚུལ་གཅིག་པ་ལ་མོས་པའི་ཡུལ་དུ་འགྱུར་བའི་ཐབས་མཁས་པའི་ཚིག་དེ་དག་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་
D180.060.0269b06.01དཔའ་ཆེན་པོ་སེང་གེའི་རྩལ་གྱིས་འགྲོ་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེ་བས་ན་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། དོན་འདི་ངས་ཁྱོད་ལ་བཤད་དོ། །བཅོམ་ལྡན་འདས་དེ་ལྟར་བགྱིའོ་ཞེས། བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེའི་རྩལ་གྱིས་འགྲོ་
D180.060.0269b07.01