完整藏文原文 · 德格版页 当前仅加载第 60 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་ནི་བསམ་གྱིས་མི་ཁྱབ་པ་སྟེ། ཡུལ་དང་བྲལ་ཞིང་ཡུལ་མེད་པ། ཡུལ་ཐམས་ཅད་དང་ཡང་དག་པར་བྲལ་བ། ཆོས་ཡང་དག་པར་ཆད་པའོ་ཞེས་བགྱིའོ། །བཀའ་སྩལ་པ། འཇམ་དཔལ་ཁྱོད་ཀྱིས་དེ་སྐད་ཅེས་ལུང་བསྟན་ན་ཅི་ཞིག་ལུང་བསྟན་པར་འགྱུར། གསོལ་
D180.060.0286a01.01པ། བཅོམ་ལྡན་འདས་བདག་གིས་དེ་སྐད་ཅེས་ལུང་བསྟན་པས་ཆོས་གང་ཡང་ལུང་བསྟན་པར་གྱུར་པ་མ་མཆིས་སོ། །བཅོམ་ལྡན་འདས་དེ་བཞིན་གཤེགས་པ་བཅོམ་ལྡན་འདས་ཀྱིས་བྱང་ཆུབ་ཀྱི་སྙིང་པོ་ལ་བཞུགས་པའི་ཚེ། ཆོས་ལ་ལའི་སྐྱེ་བའམ་འགག་པ་གང་ཡང་གཟིགས་སམ། བཀའ་
D180.060.0286a02.01སྩལ་པ། འཇམ་དཔལ་དེ་ནི་མ་ཡིན་ནོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཆོས་གང་མ་སྐྱེས་ཤིང་མ་བྱུང་ལ། དགེ་བའི་ཆོས་དང་ལྡན་པའང་མ་ལགས། མི་དགེ་བའི་ཆོས་དང་ལྡན་པའང་མ་ལགས་པ་དེ་ལ་ཡོངས་སུ་ཤེས་པར་བགྱི་བ་ནི་གང་ཞིག་མཆིས། སྤང་བ་
D180.060.0286a03.01ནི་ཅི་ཞིག་མཆིས། བསྒོམ་པ་ནི་གང་ཞིག་མཆིས། མངོན་དུ་བགྱི་བ་ནི་གང་ཞིག་མཆིས། མངོན་པར་རྟོགས་པར་བགྱི་བ་ཡང་གང་ཞིག་མཆིས། དེ་ནས་སྟེང་གི་བར་སྣང་ལས་ལྷའི་བུ་སྟོང་ཕྲག་བཅུས། དེ་བཞིན་གཤེགས་པ་དང་། འཇམ་དཔལ་གཞོན་ནུར་གྱུར་པ་ལ་ལྷ་རྫས་
D180.060.0286a04.01ཀྱི་མེ་ཏོག་ཨུད་པ་ལ་དང་། ཀུ་མུ་ད་དང་། པུན་ད་རཱི་ཀ་དང་། མན་དཱ་ར་བ་དང་། མན་དཱ་ར་བ་ཆེན་པོ་དང་། མཉྫུ་ཤི་ཀ་དང་། མཉྫུ་ཤི་ཀ་ཆེན་པོ་མང་པོས་མངོན་པར་གཏོར། རབ་ཏུ་གཏོར་ནས། བཅོམ་ལྡན་འདས་དང་། འཇམ་དཔལ་གཞོན་ནུར་གྱུར་པའི་ཞབས་ལ་ཕྱག་འཚལ་
D180.060.0286a05.01ཞིང་འདི་སྐད་ཀྱི་ཚིག་བརྗོད་པར་གྱུར་ཏེ། བཅོམ་ལྡན་འདས་འདི་ནི་ཆགས་པ་མ་མཆིས་པའི་དཔལ་ཏེ། དེ་ནི་འཇམ་དཔལ་ལོ། །བཅོམ་ལྡན་འདས་འདི་ནི་མི་གཉིས་པའི་དཔལ་ཏེ། དེ་ནི་འཇམ་དཔལ་ལོ། །བཅོམ་ལྡན་འདས་འདི་ནི་དངོས་པོ་མ་མཆིས་པའི་དཔལ་ཏེ། དེ་ནི་འཇམ་
D180.060.0286a06.01དཔལ་ལོ། །བཅོམ་ལྡན་འདས་འདི་ནི་ཉོན་མོངས་པ་མ་མཆིས་པའི་དཔལ་ཏེ། དེ་ནི་འཇམ་དཔལ་ལོ། །བཅོམ་ལྡན་འདས་འདི་ནི་དེ་བཞིན་ཉིད་ཀྱི་དཔལ་ཏེ། དེ་ནི་འཇམ་དཔལ་ལོ། །བཅོམ་ལྡན་འདས་འདི་ནི་མ་ནོར་བ་དེ་བཞིན་ཉིད་ཀྱི་དཔལ་ཏེ། དེ་ནི་འཇམ་དཔལ་ལོ། །བཅོམ་ལྡན་
D180.060.0286a07.01