完整藏文原文 · 德格版页 当前仅加载第 60 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་མཐོང་བ་འདི་ནི་ཡང་དག་པའི་རྟོག་པའོ། །འཇམ་དཔལ་གང་གིས་བརྗོད་དུ་མེད་པ་མཉམ་པ་ཉིད་ཤིན་ཏུ་བསྒོམས་པའི་ཕྱིར། ཆོས་ཐམས་ཅད་བརྗོད་དུ་མེད་པར་མཐོང་བ་འདི་ནི་ཡང་དག་པའི་ངག་གོ། །འཇམ་དཔལ་གང་གིས་བྱེད་པ་མི་དམིགས་པའི་ཕྱིར། ཆོས་ཐམས་
D180.060.0278b01.01ཅད་བྱ་བ་མེད་ཅིང་བྱེད་པ་མེད་པར་མཐོང་བ་འདི་ནི་ཡང་དག་པའི་ལས་ཀྱི་མཐའོ། །འཇམ་དཔལ་གང་འཚོ་བ་མཉམ་པ་ཉིད་ལ་གནས་པའི་ཕྱིར། ཆོས་ཐམས་ཅད་མི་སོགས་མི་འབྲི་བ་འདི་ནི་ཡང་དག་པའི་འཚོ་བའོ། །འཇམ་དཔལ་གང་རྩོལ་བ་མེད་ཅིང་སྒྲུབ་པ་མེད་པའི་ཚུལ་གྱིས།
D180.060.0278b02.01ཆོས་ཐམས་ཅད་ཡོངས་སུ་སྒྲུབ་པ་མེད་པ་འདི་ནི་ཡང་དག་པའི་རྩོལ་བའོ། །འཇམ་དཔལ་གང་དྲན་པའི་ལས་ཀྱིས་དབེན་པའི་ཕྱིར་ཆོས་ཐམས་ཅད་ཡིད་ལ་མི་བྱེད་ཅིང་། དྲན་པ་མེད་པ་འདི་ནི་ཡང་དག་པའི་དྲན་པའོ། །འཇམ་དཔལ་གང་ཆོས་ཐམས་ཅད་མི་དམིགས་པའི་ཕྱིར། རང་བཞིན་
D180.060.0278b03.01གྱིས་མཉམ་པར་གཞག་ཅིང་། འཁྲུག་པ་མེད་ལ་དམིགས་པ་མེད་པར་མཐོང་བ་འདི་ནི་ཡང་དག་པའི་ཏིང་ངེ་འཛིན་ཏོ། །འཇམ་དཔལ་འཕགས་པའི་ལམ་ཡན་ལག་བརྒྱད་པ་ནི་དེ་ལྟར་བལྟ་སྟེ། འཇམ་དཔལ་གང་ལ་ལས་འཕགས་པའི་བདེན་པ་བཞི་དེ་ལྟར་ཤེས་ཤིང་། དྲན་པ་ཉེ་
D180.060.0278b04.01བར་གཞག་པ་བཞི་དང་། དབང་པོ་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དེ་ལྟར་མཐོང་བ་དེ་ནི་ངན་པ་རྒལ་བ། ཕ་རོལ་ཏུ་ཕྱིན་པ། ཐང་ལ་གནས་པ། བདེ་བར་གྱུར་པ། མི་འཇིགས་པ་རྙེད་པ། ཁུར་བོར་བ། རྡུལ་སྤྲུགས་པ། ཅི་
D180.060.0278b05.01དང་ཡང་བྲལ་བ། ཉོན་མོངས་པ་མེད་པ། དགྲ་བཅོམ་པ། དགེ་སྦྱོང་། བྲམ་ཟེ། ཁྲུས་བྱས་པ། མཐར་ཕྱིན་པ། གཙང་བ། ཤཱཀྱའི་བུ། སངས་རྒྱས་ཀྱི་སྲས། ཚེར་མ་ཕྱུང་བ། འོབས་བོར་བ། འོབས་ལས་རྒལ་བ། གསལ་ཤིང་ཕྱུང་བ། རིམས་དང་བྲལ་བ། དགེ་སློང་
D180.060.0278b06.01འཕགས་པ་རྒྱལ་མཚན་རྫོགས་པ་ཞེས་བརྗོད་དོ། །འཇམ་དཔལ་དེ་ལྟ་བུའི་བཟོད་པ་དང་ལྡན་པའི་དགེ་སློང་ནི་འཇིག་རྟེན་ལྷ་དང་བཅས་པའི་སྦྱིན་པའི་གནས་ཡིན་ཏེ། དེ་ལ་ཐོབ་པ་དང་། བཀུར་སྟི་ཐམས་ཅད་ཀྱང་འོས་སོ། །འཇམ་དཔལ་དེ་ལྟ་བས་ན་དགེ་སློང་ཡུལ་གྱི་ཟས་དོན་ཡོད་པར་
D180.060.0278b07.01